Ejikele 33:30 - Bibilia Buk na Ŋun nagon koti luŋu a

³⁰ Ama do ŋuro lo ŋuto, ŋutu kasu logon jambu i pirit na geleŋ i kulya kunök logon gwo ’dan i tölimösi ti goroma ko i kötumiten ti kadijik kulo, tujamakin ko ’börik lele takiŋdya luŋaser adi, Po ko yiŋge ko kulyaet lo po ko MATAT lo a nyo?

Ejikele 33:30 ပူးပေါင်းရင်းမြစ်များ

Yisaya 29:13

A MATAT kulyani adi, Kilo ŋutu a mijun köyö nyona ko kutusen kase kana, a bu ’ye nan ko ŋedep kwe kana, ama töilyet kase gwon pajo köyö, a kujönö nase na nan gwe a saret lo ŋutu lo todiniki se kana;

Yisaya 58:2

Ma ’dikodyöse ga ’yu nan temba i lor, a se lyögi lyöŋön i deŋdya na kikolin kwe, gwoso nagon se a jur logon koŋdya torigwo, ko logon a ko kö ’yu saresi kwe ti Ŋun lose; a se piyuŋdye saresi lo rigwo köyö, a lepeŋat nyare nyar mijun köyö nyona nan Ŋun.

Yeremia 18:18

A kirut lepeŋat kulyani adi, Po ta, ti yi mwönyi ta ko Yeremia, kogwon koanejin ŋupi kata loron tokurukiŋdyö yi saresi, ŋutu lokoŋ ŋupi kata i jujuja na yi, köti nebijin ŋupi kata i tuggö na kulyaet lo MATAT. Po ta, ti yi momorone ta lepeŋ, ko ti yi gwe ti yiŋga kulyaesi kanyit asut.

Yeremia 23:35

a ko ta totopi ko ’börik ŋutu liŋ ko marate lonyit, ko ŋutu liŋ ko luŋaser lonyit, a ta kodyo jambi ko kulyaesi logon adi, Ruket na MATAT a nyo? kode adi, MATAT a jambu nyo?

Yeremia 42:20

ta aje lorga ’börik na soŋdi ta nan ko MATAT Ŋun losu yu nu adi, Mumuluki yi MATAT ŋun likaŋ, nyönyököki yi ŋo nagon MATAT ŋun likaŋ a kulyari kune, a yi de kone kon se.

Ejikele 14:3

Ŋuro lo ŋuto, kilo ŋutu aje tiŋdu nyömuejin kase logon a ŋunyen kase i töilyet, a tiŋdi ŋo narok kase i komor nagon tiŋdu se i ’doro kune. Nan ŋona bubulö rukökiŋdyö ŋutu gwoso kilo i pija na nan le?

Ejikele 20:3

Ŋuro lo ŋuto, jambi ko kilo temejik ti Yisaraele ko taki lepeŋat adi, MATAT ŊUN lo pija adi, Ta po i piyuŋdya na nan le? Nan MATAT ŊUN lo kulya adi, ’Diri ’diri gwoso na gwoŋdi nan na, nan ti ’dekan ta i piyuŋdya na nan.

Ejikele 20:31

Na wukiŋdye ta ’dokesi se ko rubaŋgajin, a ’yuŋe ŋwajik kasu a rubaŋgajin nu, ta toluddya ’börik ko nyomuejin kasu liŋ logon a ŋunyen tojo ko lo lor. A kirut nan mo rukökiŋdye ta kötumit na Yisaraele i piyuŋdya na nan ada? Nan MATAT ŊUN lo kulya adi, ’Diri ’diri gwoso na gwoŋdi nan na, nan ti ’dekan ta i piyuŋdya na nan kwöŋ.

Ejikele 33:29

A kirut lepeŋat mo deŋdi adi nan logon a MATAT, i diŋit nagon nan aje koŋdya jur a murwö ko a ruba nu, kogwon po kase liŋ na mamana nagon lepeŋat aje kon kune.

Matayo 15:8

Kulo ŋutu bu ’ya nan ko kutusen kase kana, ama toilyet kase gwon pajo köyö.