Ejikele 33:25 - Bibilia Buk na Ŋun nagon koti luŋu a

²⁵ Nyenagon taki lepeŋat adi, MATAT ŊUN lo kulya adi, Ta nyesu lokore nagon nyuŋ gwon ko rima, a ’bi ’yi konyen kasu ki i twöju na nyömuejin kasu logon a punyen kilo, a tatuje ŋutu; ta ŋona ’diri mo wuwu ŋilo jur a lomore losu le?

Ejikele 33:25 ပူးပေါင်းရင်းမြစ်များ

Suluet 9:4

Ama ta ti nyesu lokore ko ru nanyit i pirit na geleŋ kweja adi nagon ko rima.

Saumajin 24:4

Nye logon ko könisi loke ko töili a loke, logon a ko tindu töili lonyit i kulya ’burönö, logon a ko nyesu milye ko ’burönö.

Yeremia 7:15

A nan mo gubaddi ta kaŋo köyö i komor gwoso na gubaddi nan luŋösurök liŋ kaŋo köju nu, kweja adi kilo a nyakwa­riat liŋ ti Epuraima.

Yeremia 7:21

Nan MATAT lo kurumi, Ŋun lo Yisaraele lo kulya adi, ’Yalakiŋdye ta rubaŋgajin kasu lo ’yu ’yura ’buluŋ i rubaŋgajin kasu lo ’du ’duŋö; ko nyesi ta lokore.

Ejikele 18:12

a ru ’ye lomerika se ko ŋutu lo yöŋö ŋo, a gwe a karyakanit, a tine nyökökiŋdyö ŋo nagon a togwoet, a ’bilikiŋdye konyen ki i twöju na nyomuejin logon a ŋunyen kulo, a koŋdi ŋo na mamana,

Ejikele 18:15

a tine nyesu i piritön kwakwasesi na gwon i ko ’dulan ti merya kune, a tine ’bilikiŋdya konyen kanyit ki i twöju na nyomuejin logon a ŋunyen ti kötumit na Yisaraele, a tine toluddya narakwan na leŋe,

Ejikele 18:6

Lepeŋ ti nyesu i piritön kwakwasesi na gwon i ko ’dulan ti merya kune, nye ti ’bilikiŋdya konyen kanyit ki i twöju na nyomuejin logon a ŋunyen ti kötumit na Yisaraele, nye ti toluddya narakwan na leŋe, kode doto ko ŋuto nagon lolo-kia.

Ejikele 22:27

Ŋutu lokukwön i lukata nanyit gwon gwoso lujin lo koja kijakwa; lepeŋat ’buköddu rima a tukaŋi ŋutu, anyen wuju ’bulit na rye i kikolin lorok.

Ejikele 22:3

Kulyani adi, MATAT Ŋun lo kulya adi, Wöidiö köji nagon ŋutu kanyit lukata a katatuak, aje jakiŋdya mugun karan! Wöidiö köji nagon ŋutu kanyit tetenakiŋdya ’börik nyömuejin logon a punyen a tolutesi kanyit!

Ejikele 22:6

Mete, kasarak ti Yisaraele liŋ lo gwon i lukata inot kilo a kitari riŋit nase na tumatyan i ’buköddu na rima.

Ejikele 22:9

Do Yerusalema, ŋutu kata konut kiden logon yegga kulya ’burönö anyen ’buköddu rima; ŋutu kata konut kiden logon nyesu i piritön kwakwasesi na gwon i ko ’dulan ti merya kune; ŋutu kata konut kiden logon koŋdya ko towutön.

Ejikele 36:18

Nyena a nan iŋge ’bukökin woran nio ko lepeŋat loki kogwon rima nagon se a ’buk i jur kune, koti kogwon nyömuejin logon a punyen logon se a toluddye jur kulo.

Ejikele 9:9

A nye waddi adi, Toron na kötumit na Yisaraele ko na Yuda gwe a duma parik; jur aje jore ko ’buköddu na rima, a köji iŋge jore ko ’duŋgö na putesi lorok. Kogwon lepeŋat yeyeju adi nan MATAT aje kölökin jur; lepeŋat yeyeju adi nan ti met se.

Lewi 19:26

Ta ködyö ti nyesu nene lokore nagon gwon ko rima. Ta ködyö ti jwöjwöŋgu ŋutu ko winikö kode koŋdya to ’bunun.

Lewi 3:17

A ŋilo gwe a saret lo wurö anyen yeyeŋon ŋupi temba i nyakwariat kasu i midijik kasu liŋ, adi ta ködyö ti nyesu i lokore kata kode welet kode rima.

Lewi 7:20

ama ŋuto lo nyesu lokore na ’duŋö a na rubaŋga lo wuki MATAT kogwon taliŋ lo, ko nye gwon ko nene ŋo kanyit i mugun nagon tiŋdu lepeŋ gwon a lut i kulya ti keri, a lu ŋuto kodyo riköjine kaŋo i ŋutu kanyit.

Lewi 7:21

A ko lele ŋuto a ’bo ’yu nene ŋo nagon a lut i kulya ti keri, kode a lut ti ŋuto, kode a kijakutat logon a lut i kulya ti keri, kode a nene ŋo na mamana nagon a lut, a nye nyesi lokore na ’duŋö a na lubaŋga lo wuki MATAT kogwon taliŋ na, ŋilo ŋuto kodyo riköji kaŋo i ŋutu kanyit.

Konesi 15:29

adi ta ködyö paju kinyojin logon wuki ŋunyen logon a nyömuejin, a paji nyesu na rima, ko nyesu na ŋo nagon totolo, köti ta ködyö teŋgu ’börik i towutön. Ko ta a teŋgu ’börik i kine ŋo, a ta mo koŋdi ’bura. Ti Ŋun gwe ko ta.

Konesi 21:25

Ama i kulya ti ŋutu ti jurön lo yubbö kulu, yi köju aje wurökin lepeŋat waraga, i takiŋdya na se adi yi aje lilija adi se ködyö paju kinyojin logon wuki ŋunyen logon a nyömuejin. ko ti gwe ti nyesu rima, ko ti nyesu ŋo nagon totolo, köti ti se ködyö teŋgi ’börik i towutön.

Nyökit 12:16

Ake rima kase ta ti nyesu, ama a ta ködyö ’bukörö se kak gwoso pioŋ.

Nyökit 12:23

Ama kunyar ta an ta ko nyesu rima; kogwon rima a ru, a ta ködyö tine nyesu lokore ko ru i pirit na geleŋ.

Nyökit 15:23

Tuŋ a do tine nyesu rima kanyit kwöŋ; a do ködyö ’buköki se kak gwoso pioŋ.

Nyökit 4:19

Köti an ta ko ’biluru konyen kasu ki i ’diko, a ta meddi kolor ko yapa ko kaser, iŋkoi kurumi na ki liŋ, a ta lulukajine kaŋo anyen kwakwaddu se ko anyen kitakiŋdya se, kogwon MATAT ŋun losu aje korakiŋdya kine ŋo i gweyajin ti ŋutu liŋ lo gwon i na kak kulo.