Ejikele 33:20 - Bibilia Buk na Ŋun nagon koti luŋu a

²⁰ Ama ta kulya adi, Kiko lo MATAT ti gwon jojo. Ta kötumit na Yisaraele, nan mo ’du ’dupökin ta liŋ geleŋ geleŋ putesi gwoso i kikolin kasu.

Ejikele 33:20 ပူးပေါင်းရင်းမြစ်များ

Eyobo 34:11

Kogwon nye ropakiŋdya ŋutu gwoso i konesi kase, a nye korakiŋdye se gwoso i gwiliŋisi kase.

Saumajin 62:12

ŋon MATAT, do kulya köti adi nyaŋu inot ti ’duddyö kwöŋ. Do ropakindya ŋutu gwoso i temet na kitajin kase.

Tolupesi 19:3

Ŋuto öŋu kiko lonyit ko tu ’bögön, a töili lonyit mandi MATAT.

Katokuönit 12:14

Kogwon ŋun mo ’du ’duŋökin putesi i konesi liŋ ti ŋutu, se ko lwönö liŋ kode a na ’but kode a narok.

Ejikele 18:25

Ama kölumbö a ta kulyani adi, Kiko lo MATAT ti gwon jojo. Nyena ta kötumit na Yisaraele, yiŋge ta; ’Diri kiko lio lo MATAT ti gwon jojo le? Ama kikolin kasu logon ’bayin jojo.

Ejikele 33:12

Do ŋuro lo ŋuto, jambi ko ŋutu kasu adi, Löti lo ’but lo ŋuto lo rigwo ti bulö lwöggu lepeŋ i diŋit na toroŋdi nye nu; a toron na ŋuto loron mo tine to ’doro ’yu lepeŋ i diŋit na löpukuŋdye nye kaŋo kanyit i toronjin nu. A ko ŋuto lo rigwo a toroŋdya, a löti lonyit lo rigwo tine bulö lwöggu ru nanyit.

Ejikele 33:17

Ama ŋutu ti jur losu kulya adi Kiko lo MATAT ti gwon jojo; ama kölumbö kikolin kase logon ’bayin jojo

Ejikele 33:19

A ko ŋuto loron a löpukuŋdyö kaŋo i po narok nagon nye kökon kune, a koŋdi po nagon a na ’but i saret ko a gwak, a nye mo rune ru kogwon kine kulya.

Ejikele 7:8

Nyena, ’de ’de kijek nan mo ’bu ’bukökin woran nio kasu loki, a nan pomani ko ta asut, a ’duŋökiŋdye ta putesi gwoso i konesi kasu, a nan mo ropakiŋdye ta gwoso i konesi kasu na mamana kine.

Matayo 16:27

Kogwon nan Ŋuro lo ŋuto mo popo ko malaikajin kwe i pirit na geleŋ i minyo lo Baba, a kirut a nan mo ropakiŋdye ŋutu liŋ gwoso i konesi kase.

Yoane 5:29

a se mo lupuŋdye kaŋo, se logon aje koŋdya ’bura kulo mo ŋiŋisu a gwe jorun, ama se logon aje koŋdya arabat kulo mo ŋiŋien a ’duŋo kine putesi.

2 Korinto 5:10

Kogwon yi liŋ mo gwoŋwo ’dan i komor na si ’daet nagon Kristo ’duŋgö putet kata na, anyen yi liŋ geleŋ geleŋ böŋö ropaki ŋo na kon yi na gwoŋdi yi nyuŋ ko kune mugunya kune, kode yi a koŋdya ŋo na ’but kode yi a koŋdya ŋo narok.

Kweyatti 22:12

Mete, nan ŋoŋo ’de ’de, baruŋdya ropesi nagon nan ropakiŋdye ŋutu liŋ geleŋ geleŋ gwoso i konesi kase.