Ejikele 33:10 - Bibilia Buk na Ŋun nagon koti luŋu a

¹⁰ Do ŋuro lo ŋuto, kulyani ko kötumit na Yisaraele adi, Ta ŋupi jambu adi, Lyaŋesi kaŋ se ko toronjin kaŋ gwon kayaŋ i kusik, a yi kakaŋi kakaŋu kogwon se, a yi ŋona bulöni bulö gwon jörun ada?

Ejikele 33:10 ပူးပေါင်းရင်းမြစ်များ

2 Dekat 34:24

MATAT lo kulya sona adi, Mete, nan mo jakiŋdya ŋina pirit se ko ŋutu kanyit lomosi liŋ logon a wuröki i nu buk nagon a kena ko mor lo Yuda i komor nu.

Ejira 9:15

A, pon MATAT Ŋun lo Yisaraele, do logon a lo rigwo, kogwon yi kulo gwe a pitönö logon gwon Jörun gwoso i lo lor na. Mete, yi makulo katoronyak konut i komor. Lele ŋuto ’bayin logon bubulö gwo ’dan konut i komor kogwon kine kulya.

Saumajin 130:7

Ta ŋutu ti Yisaraele, yendi ta MATAT! Kogwon lepeŋ nyaŋu ŋutu ’bak ’dutet, lepeŋ gwon ko riŋit a duma i lwöggu na ŋutu.

Yisaya 49:14

Ama a Siona kulyani adi, MATAT aje kö ’yu nan, MATAT liŋ aje böŋöri nan.

Yisaya 51:20

Ŋwajik kulök aje dosakiŋdya kak, a se pirikine kak i keresi ti kikolin liŋ gwoso aburiöt i biryajin; se a yimönö ko woran na pape na MATAT, se ko riŋet na Ŋun ilot.

Yeremia 2:25

Ko wöwöki abur ’bak kamuka, ko kölökin mugun i moka ko kure. Kölumbö a do kulyani adi, ’Bulit ’bayin i jambu ko nan, kogwon nan gwon ko pusök i Lwaka, nan ’de ’dekan kepoddu se.

Ejikele 18:19

Ama kölumbö a ta pipije adi, Ko nyo nagon ŋuro ti poŋga kogwon toron na monye? A ko ŋuro a koŋdya po nagon a na ’but i saret ko a gwak, a iŋge tiju saresi kwe liŋ lo wuro, lepeŋ mo ’diri gwon jörun.

Ejikele 24:23

A ta mo dukukiŋdye emalan kasu i kusik, a mo sukiŋdye kamuka kasu i mokosi, a ta mo tine delya, a tine gwien, ama a ta mo sokara sokara kogwon toronjin kasu, a ta mo ’du ’duati ’du ’duatu ko ’börik.

Ejikele 37:11

A kirut lepeŋ takiŋdye nan adi, Ŋuro lo ŋuto, kilo kuyu a kötumit ’bukuluŋ na Yisaraele. Mete, se kulya adi, Kuyu kaŋ gwe a loteyok, yenet nikaŋ aje ’baka; yi aje ’duŋöji kaŋo asut.

Ejikele 4:17

Nyena a kinyo se ko pioŋ mo tine temakiŋdya se, a se mo totoboŋe ko ’börik dedelya. A lepeŋat mo soke sokan kogwon toronjin kase.

Lewi 26:16

nyena a nan mo konakiŋdye ta kune ŋo: kweja adi nan mo totorigwöggu ta ’de ’de kijek ko kujönö, nan mo su-sunyukin ta twanti lo tosogga ŋutu, se ko sa ’yu na mugun nagon köŋu konyen a tolikaddi ru kaŋo. A ta mo weji nyomot kasu ko kana, kogwon merok kasu mo nyesu lepeŋat;

Lewi 26:39

a ŋutu kasu lo pituŋdyö kulo mo tolikine toliki i jurön ti merok kase kogwon ŋonyan nase; köti kogwon ŋonyesi ti merenyejin kase a se mo tolikine toliki gwoso lepeŋat.