Ejikele 31:18 - Bibilia Buk na Ŋun nagon koti luŋu a

¹⁸ I kiden na kaden ti Edene, lon logon gwoso do i kwelen ko i todumalan? Do mo jopa kak se ko kaden ti Edene i pirit na gwon i lukak na kak; a do mo topirikine i kiden na ŋutu logon a lawe a ko tawero, i pirit na geleŋ ko ŋutu logon a tatua ko baŋdujin kulo. Kine kulya kweja adi ŋilo a Paro se ko ŋutu kanyit logon jore parik kulo. Kilo a kulyaesi kwe ti MATAT ŊUN.

Ejikele 31:18 ပူးပေါင်းရင်းမြစ်များ

2 Samuele 1:20

An ta ko jam ta kine kulya Gata yu, köti ko tokuörö ta kine kulya i kikolin ti Asekelon; an ŋwajik wate ti Pelesete ko lyöpön, an ŋwajik wate ti ŋutu logon a ko tawero kulo ko nyola.

2 Dekat 28:22

Ŋilo mor Akaja na sasanyari nye nu, kolumbo köti a kukutörö bot pajo i twoju na MATAT;

Saumajin 52:7

Meddi lu ŋuto logon a ko tindu Ŋun a ŋirit ’danaet nanyit nago, ama a nye yinikindye mugun i tukwörien nanyit duma, a nye togo ’yi mugun i kulya kanyit nakwölöŋök!

Ejikele 28:10

A Lwaka mo tatuje do gwoso ŋuto logon ’bak ’bulit logon a ko tawero. kogwon nan aje jambu, ŋilo a nan MATAT ŊUN lo kulya.

Ejikele 31:14

Nyena a kaden liŋ lo gwon nyona ko kare kulo mo köti tine ’duröddu ki a lojo parik, kode kusik kase tulöddu kaŋo i kiden na kaden ti rudu. Iŋkoi, a kaden logon möju pioŋ jore kulo mo tine ’duröddu ki a lojo gwoso se; kogwon lepeŋat liŋ aje paki i tatua anyen tu i pirit na gwon i lukak na kak, i kiden na ŋutu logon a liŋo kana, kweja adi kilo a ŋutu logon tu kak i dili nagon ’bak ’dutet.

Ejikele 31:16

A nan mo tiŋdi ŋutu ti jurön i böböŋdu i wopon na ’doro nanyit adi yurum, i diŋit na gubaddi nan lepeŋ kak i pirit na mulökö nu se ko ŋutu logon tu kak i dili nagon ’bak ’dutet kulo; a kaden liŋ ti Edene, logon a kaden ti Libanon lokwekwelen parik, kweja adi kaden liŋ logon a möju pioŋ najore kulo mo sukani suka i pirit na gwon i lukak na kak nu.

Ejikele 31:2

Ŋuro lo ŋuto, pine Paro mor lo Ejipeto se ko ŋutu kanyit logon jore parik kulo adi. Do gwoso nyo i todumalan inot?

Ejikele 31:8

A kaden logon gwoso tika lo gwon i melesen nio na ŊUN kulo tine bulö mupö lepeŋ, a kaden araja tine töjowe ko kenia kanyit, a kaden aremon tine bulö töjowe asut ko kenia kanyit, kweja adi, kaden liŋ lo gwon i melesen nio na ŊUN kulo ti bulö lwöŋgu kwelen nanyit.

Ejikele 31:9

Nan MATAT aje gweja lepeŋ kwekwelen i kenia kanyit nagon jore kune, nyena a kaden liŋ ti Edene nagon a melesen nio na ŊUN kulo be ’yi lepeŋ.

Ejikele 32:10

A nan mo tiŋdi gweyajin jore ti ŋutu i lwö ’yu kase i toilyet ko do, a moran kase mo kujönöni kujonö kogwon do i diŋit nagon nan ’di ’diŋge baŋdu lio kase i komor nu; iŋkoi, a lepeŋat mo kikirani kikira diŋitan liŋ, a i lor lo ’doro ’yi do lu a ŋutu liŋ kujono ni kujö-ŋo, ŋuto geleŋ kujöno ru nanyit an tukara.

Ejikele 32:19

Do Paro ŋona lwölwöŋ ŋa i kwelen? iti kak ko pirikine i pirit na geleŋ ko ŋutu logon a lawe a ko tawero kulo.

Ejikele 32:21

a i pirit na mulökö a kimak ti riŋiton lo gwon nyu kulu mo kulyani ko Paro se ko ŋutu lo parakiŋdya lepeŋ kulo adi, Ŋutu logon a lawe a ko tawero logon aje tatua ko baŋdujin kulo aje moruŋdya kak kayaŋ ni, lepeŋat dotoni taliŋ.

Matayo 13:19

Ko ŋuto a yiŋga kulyaet lo Tumatyan, ama a gwe a ko kurun, a ŋilo loron poŋdi po a jekaddi ŋo logon aje weki kanyit i töili kulo. Nyomot lo weki i merete lo kiko kulo gwon sona.

1 Korinto 10:14

Nyenagon ta julin kwe lo nyanyara kulo, paji ta kwakwaddu na nyömuejin logon a punyen kilo.

1 Samuele 17:26

A Dawidi pije ŋutu lo gwo ’dan kanyit nyona kulo adi, Nyo mo na konaki i ŋuto logon a tatuja ŋilo Pelesetetyo, anyen joŋga yu na kwe kaŋo i Yisaraele? Kogwon ŋilo Pelesetetyo logon a ko tawero lo, lepeŋ a ŋa logon woro i lauŋdya na teŋon ti ŋun lo gwon jörun lo?

1 Samuele 17:36

Nan köliŋönit ilot aje tatuja kömiruöt ko kulye gwuruŋin; a ŋilo Pelesetetyo logon a ko tawero ŋilo de gwe gwoso lele lose, kogwon nye a lauŋdya teŋon ti ŋun lo gwon jörun.