Ejikele 31:12 - Bibilia Buk na Ŋun nagon koti luŋu a

¹² A ŋutu lepelok logon a kipajin logon mörö ’bak pitönö lwölwöŋ ŋutu ti jurön liŋ kulo mo tukukiŋdye lepeŋ kak, a kölökiŋdye lepeŋ. A kenia kanyit mo ’do ’done i merya loki se ko i piritön liŋ na ’dir, a kenia kanyit mo parasake kak a ’bi ’biliŋiki i luruki liŋ ti jur, a gweyajin liŋ ti ŋutu ti kak mo iti kaŋo i tölimöt nanyit, a kö ’yi lepeŋ.

Ejikele 31:12 ပူးပေါင်းရင်းမြစ်များ

Ejikele 28:7

nyena mete, nan mo jajakin do Lwaka i mörö ko do, kilo a ŋutu logon a kaŋajin mörö ’bak pitönö lwölwöŋ ŋutu ti jurön liŋ, a lepeŋat mo ’dutuŋdye baŋdujin kase i mörö ko koŋon inot nakwekwelen, a mo köŋi minyo ilot.

Ejikele 30:11

Nan mo jojoŋ lepeŋ nyu ko ŋutu kanyit i pirit na geleŋ i köŋu na jur. Lepeŋat a kaŋajin mörö ’bak pitono Iwolwoŋ ŋutu ti jurön liŋ, a mo ’dutuŋdye baŋdujin kase kaŋo i mörö ko ŋutu ti Ejipeto, a mo töjoreji jur ko öpuö ti ŋutu.

Ejikele 30:12

A nan mo towere ’yi kinasi ti Supiri, a nan mo tugworokiŋdye jur i könisi ti ŋutu lorok, a nan mo tiŋdi ŋutu logon a lepelok i tomurwöju na jur se ko po liŋ na gwon i lukata nanyit kune. Kilo a kulyaesi kwe ti MATAT.

Ejikele 31:17

A lepeŋat köti mo iti kak i pirit na mulökö ko lepeŋ i pirit na geleŋ, i ŋutu logon a tatua ko baŋdujin kulo, kweja adi kilo a jurön logon köju parakiŋdya lepeŋ a sakani i tölimöt nanyit kulu.

Ejikele 32:12

A nan mo tiŋdi ŋutu kulök logon jore parik kilo i totoko kak ko baŋdujin ti ŋutu walan logon a kaŋajin logon morö ’bak pitönö lwö-lwöŋ ŋutu ti kulye jurön liŋ kulo. A lepeŋat mo koŋi kwelen na Ejipeto, a ŋutu kanyit liŋ logon jore parik kulo mo tukarani tukara.

Ejikele 35:5

Ta aje wowoja tomirikulan na yeyeŋon, a na gwoŋdi se i diŋit nagusu nu, kweja adi i diŋit na riparikin se i ’dutet nu, a ta iŋge pakiŋdya ŋutu ti Yisaraele i tatua ko baŋdujin;

Ejikele 35:8

A nan mo töjoreji merya kasu ko ŋutu kasu lo tatua, iŋkoi, a ŋutu logon tatua ko baŋdujin kulo mo ’do ’done i lurwat, ko i piritön na ’dir, ko i luruki liŋ ti jur losu.

Ejikele 39:4

A do ko teŋon kunok liŋ se ko gweyajin ti ŋutu lo gwon ko do kulo mo ’do ’done a twatwa i merya ti Yisaraele loki; a nan mo tiŋdi ta a kinyo lo gweyarijin liŋ ti kwen logon nyesu lokore, a gwuruŋin köti mo nyesi ta.

Ejikele 7:21

A nan mo ŋutukiŋdye kilo minyojin i könisi ti Lwaka gwoso ŋo na gŋgora, a ŋutukiŋdye i ŋutu lorok ti kak a ryakat, a se mo toluddye kilo minyojin.

Daniele 4:11

ŋilo ködini a ’duŋö, a iŋge wora a iŋgo, ko kwe nanyit ’bo ’yu ’diko, a metani meta i ’dutesi ti kak ’bukuluŋ.

Abakuk 1:11

A kirut lepeŋat wukoddi gwoso kobuŋot a Iwoŋoddi Iwoŋoddu; kilo a ŋutu lorok logon twötwö riŋit nase gwoso ŋun lose.

Abakuk 1:6

Kogwon mete ta, nan totoŋiun ŋutu ti Kaledea, ŋutu ti ŋilu Jur logon a kaŋajin ko a lowulekak, kilo ŋutu Iwoŋoddu i kiden na kak anyen morga midijik nagon ’bayin a kase.

Kweyatti 17:16

A oŋgwora puök lo met do kilo, se ko ŋilo gworoŋ, lepeŋat mo maman ŋina kawute; a se mo kölökiŋdye lepeŋ ’bak nene oŋ, a rösöddi boŋgwat kanyit kaŋo, a mo nyesi mugun nanyit a ’yuŋe lepeŋ ko kimaŋ.