Ejikele 31:11 - Bibilia Buk na Ŋun nagon koti luŋu a

¹¹ nyena a nan mo pa-kiŋdye lepeŋ i könin lo kasaranit lo riŋit lo jurön, a nye mo riŋge lepeŋ gwoso nagon toronjin kanyit jujukin i riŋa na. Nan aje gubara lepeŋ mu ’diŋ.

Ejikele 31:11 ပူးပေါင်းရင်းမြစ်များ

Suluet 3:24

Nyena a nye turöddi lu ŋuto kaŋo, a i swöt lo ’yure na melesen na Edene, a nye tiŋdi kerubajin se ko baŋdu lo tule a kimaö, logon wöwöriŋöddu i swötön liŋ anyen teŋgu kiko lo tu i ködini toruet.

Saumajin 119:126

Pon MATAT, na a diŋit nagon do ködyö kondya nene ŋo; kogwon ŋutu aje ’beleŋgu saresi kulök.

Yeremia 25:9

Babela köliŋönit lio, a nan mo joŋdi se i mörö ko lo jur se ko ŋutu lo si ’da kata kulo, ko i mörö ko kilo jurön liŋ lo didiŋö kulo; a nan mo tukaŋi se asut, a koŋdi se a torigwökit, ko a ’diuket, ko a lomit ŋupi.

Yeremia 50:18

Nyenagon nan MATAT lo kurumi Ŋun lo Yisaraele lo kulya adi, Mete, nan mo ririŋ mor lo Babela se ko jur lonyit, gwoso na riŋge nan mor lo Asura köju nu.

Delyasi 1:21

Yiŋge nan i ’dua; lele ŋuto ’bayin logon sugga nan. Merok kwe liŋ aje yiŋ ŋoŋga nio a se iŋge lyoŋon kogwon do aje konakin nan sona. Tiŋdi lor logon do aje wulun lo anyen se gwon gwoso na gwoŋdi nan na.

Ejikele 11:9

A nan mo joŋgi ta kaŋo i ŋina köji, a ŋutukiŋdye ta i könisi ti Lwaka, a nan mo ’duŋökiŋdye ta putesi.

Ejikele 21:31

Nan mo ’bu ’bukökin woran nio kasu loki, a nan mo kutakiŋdye woran nio na pape kasu loki, a nan mo ŋutukiŋdye ta i könisi ti ŋutu kipajin logon a diniki tukaŋu.

Ejikele 23:28

Kogwon nan MATAT ŊUN lo kulya adi, Mete, nan mo puŋutukin do i könisi ti ŋutu logon do maman, logon do a löpukuŋdyö kaŋo kase ko dara tine ’bön se kilo;

Ejikele 30:10

Nan MATAT ŊUN lo kulya adi, Nan mo tiŋdu Nebukadaresar mor lo Babela i tu ’baka ’yu na ŋutu ti Ejipeto logon jore parik kulo.

Ejikele 30:11

Nan mo jojoŋ lepeŋ nyu ko ŋutu kanyit i pirit na geleŋ i köŋu na jur. Lepeŋat a kaŋajin mörö ’bak pitono Iwolwoŋ ŋutu ti jurön liŋ, a mo ’dutuŋdye baŋdujin kase kaŋo i mörö ko ŋutu ti Ejipeto, a mo töjoreji jur ko öpuö ti ŋutu.

Naum 3:18

Do mor lo Asura, kayukuk kulok dodoto, ŋutu kulök temejik lulur. Ŋutu kulök a rekin i merya a ŋuto gwe ’bayin lo tutunuŋdya se.

Nyökit 18:12

Kogwon ŋutu liŋ logon koŋdya kine kulya kulo MATAT maman; nyena kogwon kine ŋo na mamana a MATAT Ŋun losu gwe i riköddu na se kaŋo kasu i komor.

1 Timoteo 1:20

Kulye kase a ko Umenaio se ko Alesaŋöero logon nan a ŋutu kin ko Satani i konin anyen se boŋö totodino adi ti se gwe ti lauŋdya Ŋun.

Yakobo 2:13

Kogwon ŋutu logon ti yatakiŋdya lo mo ’duŋöki ’bak yataki, ama yatakiŋdya te ’ya ’duŋöki na putet.

Ka’duŋök 1:7

A Adoni-bejek kulyani adi, Moran merya buryo logon nan a ’duŋ morin kase lobot ti könisi ko ti mokosi koŋo kulo yeŋ kwökwöddu tupesi ti kinyo koyo i misa mukök. Nyena ŋun aje ropakiŋdya nan gwoso na koŋdi nan nu. A se joŋge lepeŋ Yerusalema, a nye twane twan nyu.

Ka’duŋök 16:23

Nyena a kimak ti ŋutu ti Pelesete momoruŋdye i pirit na geleŋ i ’duŋö-kiŋdyö na ŋun lose logon a Dagona rubaŋga duma anyen lyölyöŋgi, kogwon lepeŋat a kulya adi, ŋun likaŋ aje wukiŋdya yi miriku likaŋ Simasona kayaŋ i könisi.