Ejikele 31:10 - Bibilia Buk na Ŋun nagon koti luŋu a

¹⁰ Nyenagon nan MATAT ŊUN lo kulya adi, Kogwon ŋilo ködini aje ’duröddu ki parik, a kwe nanyit tulöddi kaŋo i kiden na kaden ti rudu, a lepeŋ iŋge ’du ’duŋga kanyit i töili kogwon tojolan nanyit,

Ejikele 31:10 ပူးပေါင်းရင်းမြစ်များ

2 Dekat 25:19

A do kulyani adi, Nan aje te ’ya Edom, a do iŋge bu ’ya mugun. Ama soŋinana si ’dani konut i ’baŋ; nyo nagon do ga ’yu lodök, anyen tiŋdu do ko mugun inot i ’doro se ko Yuda i pirit na geleŋ liŋ na?

2 Dekat 32:25

Ama a Kijikia gwe a ko nyokökiŋdyo ’busan i ŋo na­ ’but nagon a konaki lepeŋ na, kogwon nye a bu ’ya mugun i ŋinu diŋit. Nyena a woran iŋge ’dukin kanyit loki ko i Yuda se ko i Yerusalema.

Tolupesi 16:18

Bu ’ya na mugun jondya karan, a ’du ’dugga to ’doro ’yi ŋutu.

Tolupesi 18:12

Töili ka ’du ’duŋanit jondya karan, a tokoyok tindi ŋutu i bula.

Yisaya 10:12

A mo gwe sona nagon MATAT aje tutuggö kita nanyit liŋ i mere Siona ko i Yerusalema nu, a nye mo riŋge mor lo Asura kogwon konesi ti töili kabulanit se ko wörö nanyit a lowo ’duŋ ko konyen ki.

Ejikele 28:17

Töili ilot a ka ’du ’duŋanit kogwon kwelen inot, a do iŋge kör koŋon inot kogwon kulya ti minyo ilot. Nan aje gubakin do i kujöŋ; nan aje kölökin do nyu a ŋo nagon moran memet.

Ejikele 31:14

Nyena a kaden liŋ lo gwon nyona ko kare kulo mo köti tine ’duröddu ki a lojo parik, kode kusik kase tulöddu kaŋo i kiden na kaden ti rudu. Iŋkoi, a kaden logon möju pioŋ jore kulo mo tine ’duröddu ki a lojo gwoso se; kogwon lepeŋat liŋ aje paki i tatua anyen tu i pirit na gwon i lukak na kak, i kiden na ŋutu logon a liŋo kana, kweja adi kilo a ŋutu logon tu kak i dili nagon ’bak ’dutet.

Ejikele 31:3

Mete Asura. Lepeŋ a ködini logon gwoso tika Libanon yu, logon kenia kanyit a na ’but a muŋge rudu ko tölimöt nanyit, a gwe a lojo, a kwe nanyit tulöddi kaŋo i kiden na kaden ti rudu.

Daniele 4:14

A lepeŋ maraŋgi adi, Tukuki ŋilo ködini kak, totoke totok kenia kanyit, ko rote koropo kanyit kaŋo, ko rate ludweki kanyit mu ’diŋ. Ti kijakwa reki rekin i mukok nanyit se ko kwen i kenia kanyit.

Daniele 4:30

a mor kulyani adi, Na ŋona ’bayin a Babela duma le nagon nan a ’duk ko riŋit nio duma anyen gwon a pirit si ’daet nio na mor ko a minyo lo tomoran nio?

Daniele 5:20

A na bu ’ye lepeŋ mugun, a töili lonyit iŋge golon, a nye gwe ko ’du ’duŋga nu, a lepeŋ iŋge riköji kaŋo i si ’daet nanyit na tumatyan, a minyo lonyit ’dumajine kaŋo;

Obadia 1:3

A töili ilot ka ’du ’duŋanit iŋge mumuluk do, do logon gwolor i kiri ’diyat ti mere nagon pirit inot gwon ki, do logon jambu konut i töili adi, ŋa de lo joŋdya nan kak?

Matayo 23:12

ŋuto logon toduma ’yu mugun lo mo toto ’dita, ama nye lo to ’diddya mugun lo mo totodumala.

Yakobo 4:6

Ama nye a ka ’buse bia parik lwölwöggu; kogwon a wuro adi, ŋun rerenya ŋutu kabulak ti kusik, ama kölumbö kwekiŋdya ’busan i ŋutu lokoyokak.