Ejikele 30:13 - Bibilia Buk na Ŋun nagon koti luŋu a

¹³ Nan MATAT ŊUN lo kulya adi, Nan mo tutukar nyömuejin logon a punyen, iŋkoi, a nan mo tu ’baka ’yi punyen kana i lukata na Mempisa; a kasaranit mo tine pukun köti asut i jur lo Ejipeto; a nan mo tokujoŋdi jur lo Ejipeto.

Ejikele 30:13 ပူးပေါင်းရင်းမြစ်များ

Yuörö 12:12

Kogwon i lu tukwaje nan mo laŋaddu i jur lo Ejipeto, a nan mo tatuje kayujin liŋ ti jur lo Ejipeto, kweja adi kayujin ti Ŋutu ko ti toro ’bo; a nan mo ’duŋökiŋdye ŋunyen liŋ ti Ejipeto putet. Nan logon a MATAT.

Yisaya 2:18

A nyömuejin mo wusajine kaŋo asut.

Yeremia 10:11

A ta mo takiŋdye lepeŋat adi, ŋunyen logon a ko gweja ki ko kak kulomo totoliki asut i kak ni nagon a mukö ko ’diko na.

Yeremia 2:16

ŋutu ti Mempisa ko ti Takapenesa gwagwalak kwe inot.

Yeremia 43:12

A nye mo mokakiŋdye kimaŋ i kadijik ti gunyen ti Ejipeto, a nye mo ’yuŋe kine kadijik a joŋgi kilo gunyen. A nye mo ’du ’dumbe ŋo liŋ lo gwon i jur lo Ejipeto kulu gwoso na ’du ’dumbe kayukunit Sior kaŋo kanyit i boŋgo na; a nye mo ŋiörö nyu ko taliŋ.

Yeremia 43:13

Iŋkoi, a nye mo gwagwalaggi ŋurupö ti Bete-semese logon a togwi ’diki ki i kwakwasa lo gwon i jur lo Ejipeto kulu, a nye mo ’yuŋe kadijik ti ŋunyen ti Ejipeto ko kimaŋ.

Yeremia 44:1

A lo gwe a kulyaet logon a pokin ko Yeremia i kulya ti Yudayaki liŋ logon si ’da i jur lo Ejipeto kulu, kweja adi Yudayaki lo si ’da Migedola, ko lo si ’da Takapenesa, ko lo si ’da Mempisa, se ko lo si ’da i jur lo Patorosa, adi,

Yeremia 46:14

Tuke ta kine kulya Ejipeto yu, laiyara ta se Migedola, ko Mempisa, ko Takapenesa, adi, Gwo ’de ta ajo, teteŋdi ta teteŋdya, kogwon merok tatatuja kasu i swö­tön liŋ.

Yeremia 46:19

Ta ŋutu lo si ’da Ejipeto kulo, toŋi ta tito kasu nagon ta mo babarara na joŋari ta i to ’dupien nu. Kogwon Mempisa mo kökörö asut, a gwe a murwö ’bak ŋutu lo si ’da kata.

Yeremia 46:25

Nan MATAT lo kurumi ŋun lo Yisaraele lo kulya adi, Mete, nan ririŋ Amon ŋun lo No, ko Paro, ko Ejipeto ko punyen kanyit, ko moran kanyit, kweja adi, nan ririŋ Paro se ko ŋutu lo yinikiŋdyö ’börik ko lepeŋ kulo.

Yeremia 46:5

Nyo nan meddya ŋo gwoso kine? Kilo kamörök kukujönö a iŋge kukut bot, iŋkoi, ŋutu kase walan a tela, a wöki wökön ’de ’de; a se gwe a ko boŋga bot— kujönö kata i swötön liŋ! Kilo a kulyaesi ti MATAT.

Ejikele 30:16

A nan mo ’yuŋe Ejipeto, a ŋutu ti Sewene mo poŋgi poŋga bia parik; a bar mo tutuluje goroma nagon a maripan ti ŋo, a mo baranyaddi lukata.

Osea 9:6

Kogwon mete, se mo wowökön kaŋo i tukara, a Ejipeto mo wuji se, a öpuo kase mo nukani Memijisa yu. A tito kase lo ’but ti pödö mo muluwani muluwa ko lo ’yu ’yuri; a kikwa mo ’duŋe kase i kemialan.

Jepania 2:11

Kogwon MATAT mo tiŋdu lepeŋat i kujono parik, a nye mo tomunyaŋdi ŋina ŋunyen liŋ ti kak, a ŋutu lipina ti juron lo gwon i tikonyo kulo mo kwakwaddi lepeŋ, ŋutu liŋ geleŋ geleŋ kase i piriton.

Jakaria 10:11

A delyaesi mo poki i kare Perat, a nan mo gwuddye yalajin kanyit, a piritön nagululök ti Supiri mo lilikara ki. A bu ’ya na Asura na kwe mo nyökwene kak, a ture lo Ejipeto lo tumatyan mo liki likin.

Jakaria 13:2

Nan MATAT lo kurumi lo kulya adi, I ŋilu lor nan mo seyara karin ti nyömu-ejin logon a punyen kaŋo i lo jur, anyen se gwon ti yeyeŋ köti; a nan köti mo toyuöddi nebijin se ko mulökotyo lo tolutan kaŋo i lo jur.