Ejikele 3:17 - Bibilia Buk na Ŋun nagon koti luŋu a

¹⁷ Ŋuro lo ŋuto, nan aje kon do a katiyunit lo kötumit na Yisaraele; nyenagon ko do yiyiŋ kulya na jam nan kine, a ti do taki lepeŋat adi, MATAT lo kulya adi, Kunyar ta!

Ejikele 3:17 ပူးပေါင်းရင်းမြစ်များ

2 Dekat 19:10

A ko luŋösurök logon si ’da i köjino kase a joŋdya putet kasu i komor i kulya ti ŋutu logon a tuböŋöro, kode i ’beleŋgu na saresi, kode jujuwesi, kode saresi lo wurö, kode kulya na ’duŋö kune, a ta kirut kodyo sarakiŋdye lepeŋat adi ti lepeŋat kodyo gwe ti toroŋdya ko MATAT i komor; an woran nanyit yukokin kasu ki se ko luŋasirik kasu. Nyenagon ko ta koŋdya sona a ta tine gwon a katoronyak.

Koli Lo ’but Parik 3:3

A katiyuk lo wörö lorga köjikulo ryeji nan, a nan pipije se adi, Ta ŋona a met ŋuto logon nan nyanyar ko töili lio liŋ lo le?

Koli Lo ’but Parik 5:7

A katiyuk lo wörö lorga köji kulo ryeji nan, a se ’biddye nan, a böŋöddi nan; kilo katiyuk ti mariŋ na köji a ’dumaddu boŋgo nio duma na­gon a muit.

Yisaya 21:6

Kogwon MATAT kulya ko nan sona adi, Iti, tiŋdi katiyunit, ti lepeŋ tuŋge ŋo nagon nye a met.

Yisaya 21:8

A katiyunit lo woŋe adi, MATAT liŋ, nan gwogwo ’di i bilili temba i tuparan. a nan gwo ’de i tiyit temba i tukwaje.

Yisaya 52:8

Yiŋge, katiyuk kulök lo ’bi ’yu gworolo kase ki, a se nyolani nyeda i pirit na geleŋ a se mo meddi MATAT a lokomor na yitöri nye Siona nu.

Yisaya 56:10

Katiyuk ti Yisaraele a mo ’dokeno, se liŋ ’bak tirikwet; se liŋ a ’dioŋjin mumuton; a lepeŋat tine bulö gwöju; se rurudwetu, a pirikine kak, nyanyar doto.

Yisaya 58:1

Wogoro ki parik; an do ko dara, ti gworo ilot woge gwoso tore, tukökiŋdye ŋutu kwe tukwölöŋesi kase, takiŋdye kötumit na Yakobo toronjin kase.

Yisaya 62:6

Do Yerusalema, nan aje saraki-ŋdya katiyuk i tiju na gorom inot nagon a mariŋ; a se mo tine yiŋa taliŋ kwöŋ ko tuparan ko tukwaje. Ta logon a katoyeyeok ti MATAT, ko yukan ta,

Yeremia 1:7

Ama a MATAT kulyani ko nan adi, An do ko luŋgu mugun a ŋuro lo ’dit; iti i ŋutu liŋ logon nan a soŋdi do kulu, a do jambi ŋo nagon nan a yökijö do i jambu kune.

Yeremia 31:6

Kogwon lor mo kata logon katiyuk lo gwon i jur lo Epuraima logon a merya kulo mo woŋoro ki adi, Po ta, ti yi iti ta Siona ko MATAT ŋun likaŋ yu.

Yeremia 6:10

Ko ŋa logon nan mo jajambi? Ko ŋa logon nan kukukin kulya anyen se ködyö yiyiŋga? Mete, swö kase a ’di ’dijatu, lepeŋat ti bulö yiŋga kwöŋ; lepeŋat ’dö ’dö kulyaet lo MATAT a lepeŋat tine lyöŋön ko ŋilo kulyaet.

Yeremia 6:17

Nan a tiŋdu ta katiyuk i gwögwöŋu na merok, a nan jujuje ta adi, Yiŋge ta kuta na toriot. A lepeŋat kölumbö waddi adi, Yi ti ’bön yiŋga.

Ejikele 11:25

A nan nyönyö-kökiŋdye ŋutu lo gwon i to ’dupien kulo ŋo liŋ nagon MATAT a kwekin nan kune.

Ejikele 11:4

Nyenagon pon ŋuro lo ŋuto, keŋ kulya narok kogwon lepeŋat, iŋkoi, keŋ keju.

Ejikele 2:7

A do ködyö takiŋdye lepeŋat kulyaesi kwe kode se yiyiŋ kode se ti ’bön yiŋga, kogwon se a kötumit na karerenyak.

Abakuk 2:1

Nan mo gwogwo ’dan i tiju, a gwo ’de i taka loki, a diŋe ŋerot i meddya ko nye de jamakin nan nyo, koti ko nan waddu lepeŋ ada i kulya ti wiwinyesi kwe.

Kagai 1:13

A Kagai luyökie lo MATAT, jamakiŋdye kulu ŋutu ŋilo lore lo MATAT adi, MATAT lo kulya adi nye gwon ko ta.

Matayo 3:7

Ama a na meddi lepeŋ Parusijin jore se ko Sadokejin jore poŋdya i batisa nu, a nye pije se adi, Ta torela ti munuö, ŋa lo tokujöŋdu ta i woran na popo nu, anyen ta rwörwöddu le?

1 Korinto 12:28

Nyena i kanisa, Ŋun a tiŋdu luyökie a togeleŋ, a tomurek gwe a nebijin katokuök, a tomusala gwe a katodinök ti Kulyaet lo Ŋun, a kirut gwe a kakonak ti sörösi, a gwe a ŋutu logon a tiki riŋitön tolikesi ti ŋutu, a gwe a se logon parakiŋdya kulye ŋutu, a gwe a ŋutu logon bubulö meddya kitajin, a gwe a ŋutu logon jambu ko kutuk na gwon ka ’de.

1 Korinto 4:14

Nan ’bayin wurokiŋdyo ta kine kulya anyen toyujo kusik kasu, ama anyen kukuju ta gwoso ŋwajik kwe lonyanyara.

2 Korinto 5:11

Nyenagon kogwon yi deden ko kuka na Matat a nyo, a yi möŋi löpukuŋdyö ŋutu; ama Ŋun deden koyi gwon ada, nyena nan yeŋdu adi töilyet kasu köti deden koyi gwon ada.

2 Korinto 5:20

Nyena yi a gworolo ti Kristo, gwoso nagon Ŋun ko mugun nanyit lo mo ’yu ta kayaŋi kutusen na. Yi mo ’yu ta i karin ti Kristo adi, Morani ta mora ko Ŋun.

Kolosai 1:28

Ŋilo a Kristo logon yi tokujöŋ kulya kanyit lo, i kukuju na ŋutu liŋ ko i todiŋdyo na Ŋutu liŋ ko koŋon ’bukuluŋ, anyen kwekiŋdya se liŋ geleŋ geleŋ ko Ŋun i komor gwoso Ŋutu lo wora kulo ko Kristo i mugun.

1 Tesalonike 5:14

Luŋasirik, yi momo ’yu ta anyen ta kukuju ŋutu logon a yokia ti ’bön kita kilo. Togole ta ŋutu logon töilyet a lomunyak, ŋuraki ta ŋutu lomunyak i yupet. ŋoŋgi ta taliŋ i se liŋ.

Ebere 13:17

Twöji ta temejik kasu ko kuŋge ta lepeŋat, kogwon lepeŋat titi ta gwoso ŋutu logon mo pipiya i kulya kasu. Ti ta gwe ti todelyaju lepeŋat anyen se kita ko lyöŋön, kogwon ko se kita ko ’du ’duatu a kine kulya tine parakiŋdya ta.