Ejikele 29:21 - Bibilia Buk na Ŋun nagon koti luŋu a

²¹ A i pilu lor a nan mo tiŋdi uŋguri i punun kaŋo i kötumit na Yisaraele, a nan mo tiŋdi do ŋuro lo ŋuto i jambu kase kiden. A kirut lepeŋat mo deŋdi adi nan logon a MATAT.

Ejikele 29:21 ပူးပေါင်းရင်းမြစ်များ

Saumajin 112:9

Nye a gwelakindya abur, nye a ’dogga ŋutu lo yöŋö ŋo kilo; löti lonyit lo rigwo yeyeŋon ŋupi; lepeŋ a ŋuto lo riŋit logon bubula.

Saumajin 132:17

Nyu nan mo ŋiŋilun ŋuto lo riŋit i kötumit na Dawidi; a nan mo tetenakindye ŋuto logon nan welakin a mor lo kötumit nagon gwoso lombo lo kokobbu.

Saumajin 148:14

Nye a tindu ŋutu kanyit a jur lo gwon ko riŋit, nye a tindu ŋutu kanyit katwöyök i ŋuŋura, iŋkoi, nye a tindu ŋutu ti Yisaraele lo gwon kanyit nyona kulo i ŋuŋura. Pupurje ta MATAT!

Saumajin 51:15

Pon MATAT, ŋane kutuk nio; a nan de pupurje do.

Saumajin 92:10

Ama do a ’bilikindya oŋgwora kwe ki gwoso oŋgwora ti mekor; do a we ’ya nan ko welet ludukötyo.

Yisaya 27:6

A i kilu perok lo popo kulu a kötumit na Yakobo mo ’bekoddi kokorite nanyit kak, a ŋina kötumit na Yisaraele mo turöne turö, a wile wilan, a mo töjoreji kak ko ludweki.

Yeremia 23:5

Nan MATAT lo kulya adi, Mete, perok molu popo logon nan mo towiluŋdye Kene na löti lo rigwo i kumut na Dawidi, a ŋina Kene mo gwe a mor logon saŋu ko koŋon, a mo ’duŋge putesi jojo, a mo koŋdi kulya na rigwo i jur.

Ejikele 24:27

A i ŋilu lor a ŋedep ilot mo laggi laggu, a do mo jambi ko ŋuto lo rwösuŋdyö lo, a do mo tine gwon a mumut köti. Nyena a do mo gwe a kweyet kase, a se mo dene den adi nan logon a MATAT.

Ejikele 29:16

A kötumit na Yisaraele mo tine yinikin ’börik i Ejipeto köti kwöŋ; a kine kulya mo toyiyikiŋdye kötumit na Yisaraele toron nase nagon se a tu i pija na Ejipeto anyen parakiŋdya lepeŋat na. A kirut lepeŋat mo deŋdi adi nan logon a MATAT ŊUN.

Ejikele 29:6

A kirut ŋutu liŋ logon si ’da Ejipeto kulo mo deŋdi adi nan a MATAT, kogwon do aje gwon a ture pa ’duŋi i kötumit na Yisaraele;

Ejikele 29:9

A jur lo Ejipeto mo gwe a murwö ko a ruba, a ŋutu ti lu jur mo deŋdi adi nan logon a MATAT, kogwon do a jambu adi Supiri a ilot. do lo teteŋdya lepeŋ.

Ejikele 3:26

A nan mo tiŋdi ŋedep ilot i ’depakiŋdya konut i ’dako, anyen do gwon ti bulö jambu; a do mo tine bulo kunyaŋu lepeŋat, kogwon se a kötumit na karerenyak.

Ejikele 3:27

Ama ko nan a jambu ko do, a nan mo paji kutuk inot a do mo takiŋdye se adi, Kulo a kulyaesi ti MATAT ŊUN. Ko ŋuto logon yiyiŋ a ti nye yiŋge, ko logon rerenya yiŋga, a ti nye renyani; kogwon se a kötumit na karerenyak.

Ejikele 30:1

A kulyaet lo MATAT poki köyo adi,

Ejikele 33:22

Nyena a riŋit na MATAT gwe köyö i mugun suluja i koriri i ŋerot na poŋdi ŋuto logon a rwösuŋdyo lo; a nye iŋge tiŋdu nan riŋit nagon nan jajambi i ŋerot na diŋit nagon ŋilo ŋuto po köyö ni ko ’bure nu. Nyena a nan bulöni bulo jambu a nan köti gwe ’bayin a mumut.

Luka 1:69

Nye aje topukokiŋdyo yi Kalwo konit lo riŋit i kotumit na koliponit lonyit Dawidi,

Luka 21:15

kogwon nan mo titin ta kulyaesi se ko koŋon nagon lele lo merok kasu mo ti bulö teŋgu kode renya.

1 Samuele 2:10

Merok ti MATAT mo totorea asut; a nye mo peji se ko kipya lo ki. A MATAT mo ’duŋge putet lo ’dute-si ti kak; a nye mo togo ’yi mor lonyit, a töduma ’yi riŋit na ŋuto lonyit lo welaki a mor lo.