Ejikele 29:19 - Bibilia Buk na Ŋun nagon koti luŋu a

¹⁹ Nyenagon nan MATAT ŊUN lo kulya adi, Mete, nan titikin Nebukadaresar mor lo Babela jur lo Ejipeto, a nye mo ’dokoddi tukwörien nanyit, a köŋi nye, a ryaggi nye; a ŋina tukwörien mo roparikin ŋutu kanyit kamörök.

Ejikele 29:19 ပူးပေါင်းရင်းမြစ်များ

Yisaya 19:4

A nan mo wukiŋdye ŋutu ti Ejipeto i könin lo matat iŋgo;a mor kaŋa mo tumatyane ko lepeŋat, ŋilo a kulyaet liŋ lo MATAT logon a MATAT lo kurumi.

Ejikele 26:5

a do mo gwe a pipi i kiden na tör duma na ’balaŋ, a ŋutu mo loji ku ’yilan kase konut loki; kogwon nan aje jambu sona, ŋilo a nan MATAT ŊUN lo kulya. A do mo worani a po ryakat ti jurön,

Ejikele 30:14

A nan mo koŋdi Patorosa a murwo, a mo ’yuŋe Soan ko kimaŋ, a nan mo ’duŋökiŋdye ŋutu ti Ŋo putet.

Ejikele 30:4

A baŋdujin mo poki i Ejipeto, a ŋutu ti Etiopia mo poŋgi poŋga bia parik i diŋit nagon ŋutu lo tatua ’do ’do kak Ejipeto yu nu, a tukwörien nanyit na Ejipeto yeka-jine kaŋo, a pipilesi kanyit dukani kak.

Ejikele 31:2

Ŋuro lo ŋuto, pine Paro mor lo Ejipeto se ko ŋutu kanyit logon jore parik kulo adi. Do gwoso nyo i todumalan inot?

Ejikele 32:11

Kogwon nan MATAT ŊUN lo kulya adi, Baŋdu lo mor lo Babela mo ’du ’dukin kasu loki.

Ejikele 32:15

I Diŋit nagon nan koŋdi jur lo Ejipeto a murwo, ko i diŋit nagon ŋo liŋ ti jur a ryakaji, ko i diŋit nagon nan tatuje ŋo liŋ logon si ’da i lukata nanyit kulo nu, a kirut lepeŋat mo deŋdi adi nan logon a MATAT.

Ejikele 38:12

A do mo iti i ryaggu na toro ’bo a yekaddi se kaŋo, a do mo iti i mörö ko ŋutu logon si ’da i piritön nagon köju a rubajin ama soŋinana si ’darikin si ’darikin kune. Kweja adi do mörö ko ŋutu logon a momoruŋdya kaŋo i jurön, logon a ryeju toro ’bo ko tito, kilo a ŋutu logon si ’da i kiden na kak.