Ejikele 28:24 - Bibilia Buk na Ŋun nagon koti luŋu a

²⁴ A kikwa mo gwe ’bayin i söju na kötumit na Yisaraele, kode kalelerök i söggu na se, kweja adi kilo a maratejin kase lo ’dö ’döju se. A kirut lepeŋat mo dene den adi nan logon a MATAT ŊUN.

Ejikele 28:24 ပူးပေါင်းရင်းမြစ်များ

Yisaya 35:9

A kömiruöt mo tine gwon nyu, kode gwuruŋin lo maŋora mo tinekiyaddu i ŋilu kiko; ma ’di geleŋ mo tine rye nyu, ama ŋutu logon Ŋun a dakun kilo mo lo wörö nyu.

Yisaya 55:13

A kaden saru mo ruddye punun i i pirit na kikwa; a kaden kadasa mo ruddye pirit na kalelero; a kine ŋo mo tiŋdi nan MATAT i kwön, a mo gwe a kweyet na yeŋ nyin nagon, mo ti likin kwöŋ.

Yeremia 12:14

Nan MATAT lo kulya i kulya ti maratejin kwe liŋ Jorok logon a ’bulukiŋdyo konisi i jur logon nan a tiŋikin ŋutu kwe Yisaraele a lose lomore adi, Mete, nan mo gwugwunyun kulu ŋutu kaŋo kase i jur, a nan mo gwunyuŋdye kotumit na Yuda kaŋo kase kiden.

Ejikele 2:6

Ama do ŋuro lo ŋuto, an do ko kujönö lepeŋat, an do kujönö jamiat kase, ma ’di ködyö joju do gwoso kikwa ko kalelerök, kode koja do gwoso kitoni ko do a si ’daki kase loki; an do ko kujönö jamiat kase kode delya komorsikan kase najögitök, kogwon se a kötumit na karerenyak.

Ejikele 28:23

Kogwon nan mo susunyukin lepeŋ twanti iŋgo, a nan soŋdi katatuak i kikolin kanyit; iŋkoi, ŋutu logon ko baŋdujin mo mörö ko lepeŋ i swötön liŋ, a ŋutu kanyit lo tatua kilo mo ’do ’done kanyit kiden.

Ejikele 28:26

A lepeŋat mo gwolore nyu ’bura ’bak kujönö, a mo ’duŋge kadijik, a mo ’yuddi lukö-biöt ti kaden ti binyo. A lepeŋat mo gwolore ’bura ’bak kujönö i diŋit na ’duŋökiŋdye nan maratejin kase putesi nu, kweja adi kilo a maratejin logon a ’do ’doju se. A kirut lepeŋat mo dene den adi nan a MATAT ŊUN lose.

Ejikele 39:28

A lepeŋat mo deŋdi adi nan logon a MATAT ŊUN lose, kogwon nan köju a son lepeŋat i to ’dupien i kiden na jurön, a nan mo nyökuŋdye se bot i pirit na geleŋ kase i jur lomore. A nan mo tine pitökin lele lose bot kwöŋ i kiden na jurön.

Mika 7:4

Ma ’di ŋuto logon a lo ’but kase kiden lo gwon gwoso kikwa, a ŋuto lo yiyiniki kase kiden lo gwe gwoso mariŋ nagon a kikwa. Lor aje po logon katiyuk kasu nebijin aje tuk kulya kanyit lo ŋilo a lor lo riparikin ta, a kilo ŋutu mo dyadyaŋgi dyadyaŋgu.

Kenet 33:55

Ama ko ta mo ti rikörö ŋutu ti lu jur kaŋo kasu i komor, nyena a ŋutu kase logon ta a kölökin i si ’da kata kulu mo gwe a kikwa na tu ’yö konyen kasu ko a sowesi na söju mara kasu, a se mo yöyöŋgi ta i lu jur lo si ’dari ta lu.

2 Korinto 12:7

Nyena kikwöti a suki köyö i mugun anyen teŋgu nan i ’du ’duŋga kogwon ŋo sörösi jore na met nan kune. Ŋina kikwöti a luyökie lo Satani anyen tomijö nan anyen teŋgu nan i ’du ’duŋga.

Yosua 23:13

dene ta den ’diri adi MATAT Ŋun losu mo ti riköddu kulu juron kaŋo koti kasu i komor; ama a se mo gwe kasu a meyi loket, ko a kurubasi kasu i mara, ko a kikwa kasu i konyen, tojo ko ta mo a tukaraji kaŋo i lo jur lo ’but logon MATAT Ŋun losu aje tin ta lo.

Kweyatti 21:4

A nye mo seji ŋolitan liŋ kase i konyen; a twan, ko delya, ko gwien, se ko mien mo köti gwe ’bayin kwöŋ; kogwon ŋo ti ’beron kune aje ’baka.

Ka’duŋök 2:3

Nyenagon nan köti lo kulya adi, Nan mo ti riköddu se koŋo kasu i komor; ama a se mo gwe a merok kasu, a ŋunyen kase mo gwe a lokesi kasu.