Ejikele 28:17 - Bibilia Buk na Ŋun nagon koti luŋu a

¹⁷ Töili ilot a ka ’du ’duŋanit kogwon kwelen inot, a do iŋge kör koŋon inot kogwon kulya ti minyo ilot. Nan aje gubakin do i kujöŋ; nan aje kölökin do nyu a ŋo nagon moran memet.

Ejikele 28:17 ပူးပေါင်းရင်းမြစ်များ

Saumajin 147:6

MATAT tötökökin ŋutu lokoyokak ki, a nye gubakindye ŋutu lorok kak.

Saumajin 73:18

’Diri do a tosi ’dakindya se i piritön jeletesi; do gubakindya se kak i tukara.

Tolupesi 11:2

Ko bu ’ya na mugun kata, a yu na kwe koti gwe kata; ama a ŋuto lokoyok gwe a lokoŋ.

Tolupesi 16:18

Bu ’ya na mugun jondya karan, a ’du ’dugga to ’doro ’yi ŋutu.

Yisaya 25:12

A nye rupuŋdye bililyat lojo iŋgo ti goroma nagon a mariŋan ti Moaba kune kak, a mo nyökuŋdye se kak, a mo gubakiŋdye se kak i ŋutut.

Yisaya 26:5

Kogwon nye a ruŋuŋdya ŋutu kak lo si ’da i köji najo ki.

Yeremia 8:9

Ŋutu lokoŋ mo totoyuö kusik, a mo todelyani todelya, a momokani momoka. Lepeŋat a renya kulyaet lo MATAT, a koŋon na gwon kase na gwe a nyo?

Ejikele 16:41

A se mo ’yuŋe kadijik kunök, a se mo ’duŋökiŋdye do putesi a ŋutu wate memeddya. A nan mo to ’duddye towutön inot, a do mo köti tine gwöruŋdyö kanyarak kulök kwöŋ.

Ejikele 19:12

Ama a lepeŋ iŋge gwunye kaŋo ko woran, a gubakine kak i kujöŋ, a köbuŋöt lo ’yure toliliŋge lepeŋ, a ludweki kanyit ’do ’done kak, a kenia kanyit nago kune iŋge teteyon, a kimaŋ totumbe se.

Ejikele 23:48

A nan mo to ’duddye towutön i jur, anyen ŋutu wate liŋ ködyö kukujönö koŋdya towutön gwoso na koŋdi se na.

Ejikele 26:16

A kirut moran liŋ ti kilo jurön lo gwon i tör duma na ’balaŋ nyona kulo mo kiuŋdye kak i si ’daesi kase ti tumatyanjin, a mo rusuŋdye kaŋo boŋgwat kase najo nagon a muisi se ko boŋgwat kase na ripaki minyojin kata kune; a böböŋdu mo muluje lepeŋat gwoso boŋgwat; a se mo si ’dani i kujöŋ a mo böböŋdi böböŋdu diŋitan liŋ, a mo söŋi söŋu ko do ko kujönö.

Ejikele 27:3

Kulyani ko Turo adi, Do na gwon i kijit na tör, do nagon tujarakiŋdya ŋutu ti jurön lo gwon i tikönyö na, nan MATAT ŊUN lo kulya ko do adi, Do Turo, do aje kulya adi do kwe-kwelen bia parik lwölwöŋgu.

Ejikele 27:4

Lokökoritan kulök gwon i kiden na tör duma na ’balaŋ, katetenak kulök a teten do a ki ’bo lokwekwelen bia parik lwölwöŋgu.

Ejikele 28:15

Do köju ’bak yuyuket i konesi kunök liŋ, suluja i lor lo yuŋwe ’i do lu tojo do a rye ko toron.

Ejikele 28:2

ŋuro lo ŋuto, taki kasa-ranit lo Turo adi, MATAT ŊUN lo kulya adi, Kogwon do a ka ’du ’dupanit konut i töili, do aje kulya adi do a ŋun, köti adi do si ’da i si ’daet na tumatyan na ŋun i kiden na tör duma na ’balaŋ, ama kölumbö do a ŋuto, do ’bayin a ŋun, ma ’di ködyö do a yeyeju mugun a lokoŋ gwoso pun.

Ejikele 28:5

köti do aje tuŋdijö tukwörien inot, kogwon do a lokoŋ i tugwöŋu, a do iŋge wora a ka ’du ’dupanit konut i töili kogwon tukwörien inot.

Ejikele 28:7

nyena mete, nan mo jajakin do Lwaka i mörö ko do, kilo a ŋutu logon a kaŋajin mörö ’bak pitönö lwölwöŋ ŋutu ti jurön liŋ, a lepeŋat mo ’dutuŋdye baŋdujin kase i mörö ko koŋon inot nakwekwelen, a mo köŋi minyo ilot.

Ejikele 31:10

Nyenagon nan MATAT ŊUN lo kulya adi, Kogwon ŋilo ködini aje ’duröddu ki parik, a kwe nanyit tulöddi kaŋo i kiden na kaden ti rudu, a lepeŋ iŋge ’du ’duŋga kanyit i töili kogwon tojolan nanyit,

Ejikele 32:10

A nan mo tiŋdi gweyajin jore ti ŋutu i lwö ’yu kase i toilyet ko do, a moran kase mo kujönöni kujonö kogwon do i diŋit nagon nan ’di ’diŋge baŋdu lio kase i komor nu; iŋkoi, a lepeŋat mo kikirani kikira diŋitan liŋ, a i lor lo ’doro ’yi do lu a ŋutu liŋ kujono ni kujö-ŋo, ŋuto geleŋ kujöno ru nanyit an tukara.

Daniele 11:12

A nagon lodir lo kamörök aje moka nu, a lepeŋ mo bu ’ye mugun, a nye mo tatuje ŋuto aliŋan puök ti aliŋan, ama lepeŋ molu tine te ’ya a ’dutet.

Luka 14:11

Kogwon ŋutu liŋ logon toduma ’yu ’börik kilo mo toto ’dita, ama nye lo to ’diddya mugun lo mo totodumala.

Yakobo 4:6

Ama nye a ka ’buse bia parik lwölwöggu; kogwon a wuro adi, ŋun rerenya ŋutu kabulak ti kusik, ama kölumbö kwekiŋdya ’busan i ŋutu lokoyokak.