Ejikele 27:28 - Bibilia Buk na Ŋun nagon koti luŋu a

²⁸ A nagon ŋutu logon tuwöröju do kulo lulujö nu, a tör köbuŋe köbuŋö a ya ’yi ya ’yu parik.

Ejikele 27:28 ပူးပေါင်းရင်းမြစ်များ

Yuörö 15:14

A gweyajin ti Ŋutu ko yiŋge, a se böböŋdi böböŋdu; a tömiesi iŋge mok Ŋutu lo si ’da i jur lo Pelesete.

Yeremia 50:46

A kak mo do doŋgi dodoŋga i woŋon na moka na Babela, a gwien nanyit mo yiŋajine i kiden na jurön.

Ejikele 26:10

A nye mo muŋge do ko ŋutut na topiun ŋutu lo wörö ko kusanjin aliŋan na, a goroma kunök mo böböŋdi böböŋdu i wopon na arabiajin lo jikö ko kusanjin se ko na kajopak kase, i diŋit na lupöri se konut i kötu-mitön gwoso na lupöddi ŋutu i köji nagon goroma kanyit a tutulujö nu.

Ejikele 27:27

A tukwörien inot, ko tito kunök, ko ŋo kunök na tutugwörö, ko kakitak kulök, ko ŋutu logon tuwöröju do ki ’bo, ko ŋutu kulök logon ’di ’dija piritön nagon a tutulujö konut i mara, ko ŋutu kulök katujarak, ko ŋutu kulök liŋ walan kamörök lo gwon konut lukata, se ko teŋon ti ŋutu kulök liŋ lo gwon konut lukata kulo iŋge ’dirön i kiden na tör duma na ’balaŋ i lor lo tukarari do lu.

Ejikele 27:35

A ŋutu liŋ logon si ’da i jurön lo gwon i tikönyö kulo iŋge lwö ’yu kase i töilyet ko do; a moran kase iŋge kujönö parik, a komorsikan kase gwe a nagusu-lak.

Ejikele 31:16

A nan mo tiŋdi ŋutu ti jurön i böböŋdu i wopon na ’doro nanyit adi yurum, i diŋit na gubaddi nan lepeŋ kak i pirit na mulökö nu se ko ŋutu logon tu kak i dili nagon ’bak ’dutet kulo; a kaden liŋ ti Edene, logon a kaden ti Libanon lokwekwelen parik, kweja adi kaden liŋ logon a möju pioŋ najore kulo mo sukani suka i pirit na gwon i lukak na kak nu.

Ejikele 45:2

A i ŋinu kak a ta ködyö koruŋdye nene kak nagon a regorego a na pirit nake na rurwan. Temet nanyit a lokiliŋan miajin mukanat i swötön liŋ. A nene pirit nagon a kölöki kana lolorgi pirit nagon a regorego, temet nanyit a lokiliŋan merya mukanat i tugalaŋ nanyit i swötön liŋ.

Naum 2:3

’Bukwo ti ŋutu kanyit walan a tuma ’daka, a ŋutu kanyit jupuni boŋgwat nator. A arabiajin kase lo jijiko kobbi gwoso kimaŋ na ’dakakiŋdye se i moro nu, a ŋutu lo woro ko kusanjin kulo mikoni kak yoŋo moro.

Kweyatti 18:17

Kogwon kine tukwörienjin liŋ a körö i saa geleŋ tuŋ! A kirut dumalak ti ki ’bojin ko ŋutu lo jölö i kilo ki ’bojin kata, ko kakamak liŋ, se ko ŋutu lo tujaŋu i tör duma na ’balaŋ kulo gwo ’de pajo,