Ejikele 25:14 - Bibilia Buk na Ŋun nagon koti luŋu a

¹⁴ A nan mo tiŋdi ŋutu kwe Yisaraele i ropakiŋdya na ŋutu ti Edom ko ropet nio; a lepeŋat mo konakiŋdye ŋutu ti Edom gwoso i woran nio ko gwoso i ŋoma nio; a se mo dene den ko nan ropakiŋdya toron ada. Kilo a kulyaesi kwe ti MATAT ŊUN.

Ejikele 25:14 ပူးပေါင်းရင်းမြစ်များ

Suluet 27:29

Ti gweyajin ti Ŋutu kitakiŋdye do, ti jurön dulakine kak konut i komor.Ti do gwe a duma lo luŋösurök, ti ŋwajik ti ŋuti dulakine kak konut i komor. Ti Ŋutu lio lo lömbu do kulo lömöni lömö, ti Ŋutu lio lo ’boroja do kulo ’boriani ’boria!

Yisaya 11:14

Ama a se mo ’duruu kak i goŋet lo Pelesete i swöt lo tokotyaŋ; a se murek liŋ mo ryaŋgi ŋwajik ti swöt lo ’yure. A se mo riöddi könisi kase i mörö ko Edom ko Moaba, a ŋutu ti Amon mo twöji lepeŋat.

Yeremia 49:2

Nyenagon nan MATAT lo kulyaadi, Mete, perok kilo popo logon nan mo tiŋdu ŋutu ti Raba i jur lo Amoni yiŋ na merok i sira na poŋdi se i mörö nu, a köji na Raba mo konani a murwö ko a sudi, a turön kanyit mo ’yurani ’yura ko kimaŋ, a kirut ŋutu ti Yisaraele mo riköddi ŋutu logon a morga köjinö kase kilo; a mo ruddye se. Ŋilo a nan MATAT lo jambu.

Yeremia 51:36

Nyenagon nan MATAT lo kulya adi, Mete ta, nan mo lo juŋdyö ta, iŋkoi, nan mo lo ropakiŋdya ŋo narok nagon a konaki ta kune. Kweja adi nan mo towere ’yu tör nanyit, a mo tiŋdi lelekesi kanyit ti pio i wereŋ;

Ejikele 25:17

A nan mo ropakiŋdye se ko ropesi temejik, a mo riŋge se parik ko ŋoma. A kirut lepeŋat mo dene den adi nan logon a MATAT, i diŋit nagon nan mo ropakiŋdye se toron nase nu.

Ejikele 35:11

Nyenagon nan MATAT ŊUN lo kulya adi, ’Diri ’diri gwoso na gwoŋdi nan na, nan mo roropakin ta woran nasu ko be ’ya nasu nagon ta aje kwekiŋdya adi ta a maŋdu lepeŋat; a nan mo tiŋdi mugun i dena kasu kiden i diŋit na ’duŋökiŋdye nan ta putet nu.

Nyökit 32:41

ko nan ködyö a jujö wale liŋ lo meme ’dekta, a könin liŋ ’dumuŋdye ’duŋgö na putet, a nan mo ropakiŋdye ŋutu lo ŋisa ko nan kulo, iŋkoi nan mo ropakiŋdya ŋutu lo maman nan kulo.

Nyökit 32:43

Ta ŋutu ti jurön, bu ’ye ta ŋutu kanyit; kogwon nye rorobba rima ti kölipönök kanyit, a nye ropakiŋdye ŋutu lo ŋisa ko lepeŋ kulo, a mo toke ’yi jur lonyit ko ŋutu kanyit.