Ejikele 24:17 - Bibilia Buk na Ŋun nagon koti luŋu a

¹⁷ ’Duani ’dua, ama ’bayin ko gworo logon yiyiŋa; ti do gwe ti delya nye na twan na. Dukukiŋdye ema konut i kwe, sukiŋdye kamuka konut i mokosi, ti do gwe ti muggö kutuk inot ko boŋgo a delyaet, ti do gwe ti nyesu kinyo lo ŋutu lo dedelya.

Ejikele 24:17 ပူးပေါင်းရင်းမြစ်များ

2 Samuele 15:30

Ama a Dawidi kije ki i mere lo Jeitun, gwigwiörö ko kwe nanyit a mukö, a nye wöröni ’bak kamuka; a ŋutu liŋ logon a tu ko lepeŋ kulo köti muŋge kusik kase, a se kije ki gwigwi-örö.

Saumajin 37:7

Gwe taliŋ ko MATAT i komor, nyiŋge lepeŋ ’bak gwogga; an do ko gwon ko wiwinya konut i toili i ŋutu logon kulya kase wörö ’bura, iŋkoi, i ŋutu logon mwönyesi kase a te ’ya kulo!

Saumajin 39:9

Nan a yiŋa taliŋ, a tine ŋaju kutuk; kogwon do lo kondya kine kulya.

Saumajin 46:10

Yiŋani ta taliŋ, dendi ta adi nan logon a Ŋun. Nan totoŋun ŋutu ti jurön, nan totopundya i kak ’bukuluŋ!

Yisaya 20:2

a i ŋinu diŋit MATAT aje jamakiŋdya Yisaya ŋuro lo Amosa adi, Iti, lakuŋdye boŋgwat terekesi kunök kaŋo konut i mukök ko rusuŋdye kamuka kaŋo konut i mokosi, a Yisaya aje koŋdya sona, a wöröni a limu ko mokosi kana.

Yeremia 13:18

Taki mor se ko ŋote mor adi, Si ’dakine ta i si ’daesi na ’di ’dik, kogwon Iŋguyajin kasu lokwekwe-len kulo aje ’dumaji kaŋo kasu i kusik.

Ejikele 24:18

Nyena a i ko ’bure a nan nyönyö-kökiŋdye ŋutu kine kulya, a i tokotyaŋ a narakwan nio twane twan. Kotumalu a nan iŋge koŋdya gwoso na saraki ’e nan na.

Ejikele 44:18

A se ködyö doggi kusik kase ko emalan nagon a ti waratat naparere, a jupukiŋdye boŋgwat ti mok nagon a ti waratat naparere, a se ködyö tine doggu mukökö kase ko ŋo nagon joŋdya ŋiŋiret.

Osea 9:4

Lepeŋat mo ti bulo popogga binyo a rubaŋgajin ti MATAT, a se mo tine bulo tulyöŋgu lepeŋ ko rubaŋgajin kase yu. Kinyo lose gwon gwoso kinyo lo ŋutu lo dedelya; ŋutu lio lo nyesu ŋilo kinyo mo totoluta; kogwon kinyo lose a lo magor nase ka ’de; a mo tine wuki i kadi na MATAT.

Lewi 10:6

A Mose kulyani ko Arona ko ŋwajik kanyit logon a ko Elejara ko Itamar, adi, An ta ko laggu kupir kasu ti kusik, köti ko kereŋdya ta boŋgwat kasu, an ta twatwa, an woran pokin i na momoret liŋ; ama luŋösurök logon a kötumit na Yisaraele ’bukuluŋ kulo bubulö gwien nu ’yuŋa nagon MATAT a totule ’yu na.

Lewi 13:45

A ŋuto lo rimajin lo gwon ko ŋilo twanti lo ködyö jupukiŋdye boŋgwat kereketwat a laggi kupir kanyit ti kwe, a nye ködyö muŋge lo ’biu lonyit lo ki, a gwiörö adi, Nan a lut, nan a lut.

Lewi 21:10

A ŋilo koane logon a duma i kiden na luŋasirik kanyit lo, logon welet aje ’buköki kanyit i kwe, logon aje ’boroki i jupukiŋdya na kunu boŋgwat lo, ködyö ti laggu kupir kanyit ti kwe, kode kekereŋdya boŋgwat kanyit;

Amosa 8:3

Iŋkoi, i ŋilu lor kolisi lo yolo i kadi na MATAT kulo mo wora a luluesi, a öpuö mo gwe jore, a gubani kaŋo taliŋ i piriton liŋ. Kilo a kulyaesi kwe ti MATAT ŋun.

Mika 3:7

A kametak ti kulya na popo se ko ŋutu lo koŋdya to ’bunun kilo mo toyuone kusik; a lepeŋat lio mo muŋge kutusen kase, kogwon ruket gwe ’bayin na po ko Ŋun yu.

Abakuk 2:20

Ama MATAT gwon i kadi nanyit nake na rurwan; ti kak ’bukuluŋ yiŋani taliŋ kanyit i komor.

Matayo 9:23

A Yesu ko luponi ko ŋilo duma kadi, a nye meddi kakutak ti kili ’bajin se ko ŋutu jore wowoŋon,