Ejikele 23:32 - Bibilia Buk na Ŋun nagon koti luŋu a

³² Nan MATAT ŊUN lo kulya adi, Do mo möju ko kopo lo kiösur logon a logulu ko a luŋa laŋ; a do mo kweniarikin kweniarikin a ’dö ’döyöni ’dö ’döyö, kogwon ŋilo kopo a jore parik;

Ejikele 23:32 ပူးပေါင်းရင်းမြစ်များ

1 Moran 9:7

a nan mö ’duŋöddi ŋutu ti Yisaraele kaŋo i jur logon nan aje tin se lo; a nan mo tolikiŋdye ŋina kadi köyö i metet nagon nan aje gelakin karin kwe na; a ŋutu ti Yisaraele mo gwe a temet ko a tojowet i kiden na jurön liŋ.

Saumajin 44:13

Do a tindu maratejin kaŋ i ’dö ’döju na yi, iŋkoi, se logon si ’da kayaŋ nyona kulo lalaun yi i kwekweni koyi.

Saumajin 60:3

Do aje tindu ŋutu kulok i ŋoŋga na ŋo nago. Do a tindu yi i möju na binyo nagon tindu yi i dödöŋtu.

Saumajin 79:3

A se ’buköddi rima kase gwoso pioŋ i mara ti Yerusalema, a ŋutu gwe ’bayin lo nugga lepeŋat.

Yisaya 51:17

Yerusalema, purwene purwe, ŋine ki, do aje möju ko diköri na woran na MATAT na gwon kanyit i könin, a do aje titiyaddu nyot ti diköri nagon tiŋdu ŋutu i luŋtö ko meran.

Yeremia 25:9

Babela köliŋönit lio, a nan mo joŋdi se i mörö ko lo jur se ko ŋutu lo si ’da kata kulo, ko i mörö ko kilo jurön liŋ lo didiŋö kulo; a nan mo tukaŋi se asut, a koŋdi se a torigwökit, ko a ’diuket, ko a lomit ŋupi.

Yeremia 48:26

Tomere tomer Moaba kogwon lepeŋ a bu ’ya mugun i lauŋdya na MATAT; nyena lepeŋ mo gwugwuluŋ mugun i jaat kanyit, a lepeŋ köti mo kweniarikin kweniarikin.

Ejikele 16:57

kweja adi i ŋerot nagon toron inot a ko nyuŋ kweki köke nu? Soŋinana do aje wora a yuyuket na ŋwajik wate ti Suria se ko ŋutu na si ’da kanyit nyona, ko a yuyuket na ŋwajik wate ti Pelesete; kine a se nagon lorga do ko a lauŋdya do kune.

Ejikele 25:6

Nyena nan MATAT ŊUN aje jambu adi, Kogwon ta aje naŋgu könisi kasu, a lame lam, a lyöŋi lyöŋön ko ’dö ’döju kasu i töilyet i maŋdu na jur lo Yisaraele,

Ejikele 26:2

Ŋuro lo ŋuto, kogwon Turo a ’dö ’döju i kulya ti Yerusalema adi, Aha! Nye nagon a kötumit na tiri ŋutu ti jurön na aje ’beleŋo, kötumit nanyit aje paki nan; lepeŋ aje kona a murwö, a nan mo worani a kwörinit.

Ejikele 35:15

Nyena nan mo kokonakin jur losu gwoso na lyöŋgi ta ko jur lomore lo kötumit na Yisaraele kogwon nye a kona a murwö. Do mere Seir, iŋkoi, do jur lo Edom liŋ mo gwon a murwöki kweja adi i swötön kulök liŋ. A kirut ŋutu mo deŋdi adi nan logon a MATAT.

Ejikele 36:3

Nyena keŋ keju adi, MATAT ŊUN lo kulya adi, Ta merya ti Yisaraele, ta aje ryaka i swötön liŋ, a iŋge kölöki kana ’bak ŋutu, anyen kulye jurön morga ta a kase, a kulya kasu ’dumani a jamiat ko a po na ’dö ’döyö.

Ejikele 5:14

A nan köti mo koŋdi do köji a murwö, ko a ŋo na ’dö ’döyö i kiden na ŋutu ti jurön logon lorga do kulo, a ŋutu lo lwöŋöddi nyona kulo mo meddi kine kulya.

Ejikele 5:15

A na ’duŋökiŋdye nan ŋutu kulök putesi, i riŋga na se ko woran nio duma na pape nu, a do mo gwe a ŋo na ’dö ’döyö ko a na lalawe, ko a kweyet tokujönöet, ko a ŋo nagon tusöŋu ŋutu ti jurön liŋ logon lorga do kulo. Nan MATAT aje jambu.

Osea 7:16

Lepeŋat a löpuköddu ko Bala yu, a se gwe gwoso daŋ nakolok, a ŋutu kase temejik mo tatuani ko baŋdujin, kogwon ŋedep a kase a lori. A ŋina mo tiŋdi se i ’dö ’döyö i jur lo Ejipeto.

Mika 7:8

Ta merok kwe, ko lyöŋön ta ko nan; ma ’di nagon nan aje ’doro nan mo ŋiŋien, a ko nan si ’da i mudwe, a MATAT mo lo gwe a parara nio.

Nyökit 28:37

A ta mo poŋdi a torigwökit, ko a temet ko a tojowet, i kiden na gweyajin liŋ ti ŋutu logon MATAT mo nyömöddi ta kaŋo nu.

Kweyatti 16:19

A köji duma iŋge ki ’ya i tupesi musala, a köjinö ti jurön ’do ’done kak. A Ŋun iŋge yeye Babela duma, a tiŋdi lepeŋ i möju na binyo nagon a woran nanyit na pape na gwon i koŋo kune.

Kweyatti 18:6

Konaki ta lepeŋ gwoso na konakiŋdye nye kulye ŋutu na. Ropaki ta lepeŋ daŋin murek kogwon oŋ na kon nye kune. ’Yulöki ta lepeŋ i koŋo nagon nye yeŋ ’yulokiŋdye kulye ŋutu na.