Ejikele 21:24 - Bibilia Buk na Ŋun nagon koti luŋu a

²⁴ Nyenagon nan MATAT ŊUN lo kulya adi, Kogwon ta aje tiŋdu toronjin kasu i yeyeo, köti kogwon rerenyesi kasu gwe köke, a toronjin kasu metani i konesi kasu liŋ, nyena kogwon kulya kasu aje yeyeo, merok mo momokara ta.

Ejikele 21:24 ပူးပေါင်းရင်းမြစ်များ

Yisaya 3:9

Komorsikan kase ka ’du ’duŋak na gökiŋdyö se; se koŋdya toronjin kase kaŋo gwoso ŋutu ti Sodoma, a tine muk se. Wöidiö, ködudwölön kase! kogwon se a jakiŋdya ’börik toron.

Yeremia 15:2

A ko lepeŋat a pija do adi, Yi tu da? A do mo waddi se adi, Nan MATAT lo kulya adi, Se logon a wulöki i twanti iŋgo kilo ti lepeŋat iti i twanti iŋgo, se logon a wulöki i baŋdu kilo ti leperiat iti i baŋdu; se logon a wulöki i dyaŋ kilo ti se iti i dyan, se logon a wulöki i to ’dupien kilo ti se iti i to ’dupien.

Yeremia 2:34

Iŋkoi, makine rima konut i boŋgwat; kine a rima ti ŋutu lomerika logon ’bak kulya logon do a tatu kulo, do a ko ryö lepeŋat i ’beleŋgu na kadi.

Yeremia 3:2

’Biluddi konyen kulök ki i ko ’du­lan ti merya nagon gwon kana ’bak nene ŋo, a meddi se;nan pirit nagon do a ko körö kata? Do si ’da i merete lo kiko i mömöŋdu na kanyarak kulök gwoso Arabityo lo mömöŋdu ryag­gu kajölök i yöbu. Do aje toluddya jur ko wutön i lulupujö inot se ko toron inot.

Yeremia 6:15

Lepeŋat ŋona ti yu kusik i koŋdya na ŋo na mamana nu le? Kusik kase a nago, lepeŋat ti yu kusik kwöŋ. Nyena lepeŋat mo ’do ’do kak i kiden na ŋutu lo twatwa kulo, lepeŋat guba kak i diŋit nagon nan mo pöri i riŋga na se nu. Ŋilo a nan MATAT lo kulya.

Yeremia 8:12

Lepeŋat ŋona ti yu kusik i koŋdya na ŋo na mamana nu le? Kusik kase a nago, lepeŋat ti yu kusik kwöŋ. Nyena lepeŋat mo ’do ’do kak i kiden na ŋutu lo twatwa kulo, lepeŋat guba kak i diŋit nagon nan mo pöri i riŋga na se nu. Ŋilo a nan MATAT lo kulya.

Ejikele 21:23

Ama kine kulya meta ko ŋutu ti köji gwoso waŋdu na ’burönö; ma ’di se köju a nyesu milyejin temejik, kölumbö a nye mo yeyeji toronjin kase anyen se kodyö momokaji.

Ejikele 21:25

Ama do duma lo Yisaraele, do a loron, do ti twoju ŊUN, diŋit inot aje po nagon riparikin do a ’dutet.

Ejikele 23:23

kweja adi, kilo a ŋutu ti Babela, ko ŋutu liŋ ti Kaledea, ko ti Pekoda, ko ti Soa, ko ti Koa, mora ko ŋutu liŋ ti Asura, kweja adi, kilo a teton logon ŋwajik wate nyanyar, ko mödirön ko yumiat kase liŋ, ko temejik ti kamörök se ko ŋutu walan, se liŋ wörö ko kusanjin.

Ejikele 24:7

Kogwon köji gwon ko rima kanyit lukata, a nye iŋge ’bukökin se i lele nagon gwon kana ’bak nene ŋo, a nye gwe a ko ’bukökin kak anyen yiyik ko kujöŋ.

Osea 4:2

tuŋ gwon a milyeju, ko ’burönö.ko torem, ko koko ’ya, se ko toluŋ; Lepeŋat koŋdya ŋo narok nagon a lwoŋgu i tatuaddu na ŋutu.