Ejikele 21:21 - Bibilia Buk na Ŋun nagon koti luŋu a

²¹ Kogwon mor lo Babela gwo ’dan i keresi ti kikolin i suluet na kilo kikolin murek, anyen wawaŋdu; a lepeŋ sogwoŋgi loya i gwolo kata adi kosok kosok, a pipije nyömuejin logon a ŋunyen ti mede, a lepeŋ ga ’yi lukata na munyet na kijakutat.

Ejikele 21:21 ပူးပေါင်းရင်းမြစ်များ

Suluet 31:19

A Labana aje tu i ’bariŋdu na kupir ti köbilu kanyit kune, a kudyakan Raele kokoladdi nyömuejin logon a ŋunyen ti mede na monye.

Suluet 31:30

Nyena do soŋinana aje tu kogwon do yöyöŋö mede na munyi parik; ama kwe a nyo nagon do kokoladdi ŋunyen kwe?

2 Moran 23:24

A Yosia köti togwo ’yi ŋutu logon do ’ya ko kwen ti mulökö, ko ’bunuk, ko nyömuejin, ko ŋojinö ti Ŋunyen kana, ko manat liŋ nagon a meta i jur lo Yuda ko Yerusalema, anyen nye böŋö togo ’yu kulyaesi ti saresi logon a wuröki i buk nagon koane Kilikia a ryeju i kadi na MATAT.

Tolupesi 16:10

Liliet na kulya gwoŋ ko mor i kutuk gwoso nagoŋ nye a piyu-ndye ko ŋun na; kutuk nanyit ti lyaŋan i ’duŋgo na putet.

Tolupesi 16:33

Guralan ŋuba i lukata na boŋgo muit nagoŋ a gudula, ama ’dutet na kulya MATAT lo dendya ka ’de.

Tolupesi 21:1

Toili lo mor gwon ko MATAT i könin gwoso kikolin ti pioŋ i melesen; a nye lopuköddi lepeŋ i pirit nagon nye ’de ’deggi gwoso pioŋ na ’bulöki i melesen.

Osea 3:4

Kogwon ŋutu ti Yisaraele mo sisi ’da ko perok Jore ’bak mor, kode kimak, ’bak rubaŋgajin kode ŋurupit lo togwi ’diki ki i kwakwa-sa, ’bak eŋoda kode nyomuejin ti mede.

Osea 4:12

ŋutu kwe piyuŋdya kulya i ŋo nagon a kaden kana, a turya kase ti to ’bunun nyönyöko-kiŋdye Lepeŋat kulya, kogwon töili lo wutön ko kulye ŋunyen aje togiŋa Lepeŋat, a se kö ’yi nan Ŋun lose a se koŋdi towutön.

Jakaria 10:2

Kogwon nyömuejin ti mede tuggö ŋo kana, a ’bunuk waŋdi kulya ’burönö; a karudwök nyönyöggi rudweesi nagon a wuya, a se tiŋdi togolesi nagon a wuya kana. Nyenagon a kulo ŋutu wirte gwoso yidin; a se iŋge tomie kogwon se ’bak kayukunit.

Kenet 22:7

A temejik ti Moaba se ko temejik ti Midiyan giörö giörö jogga ’dokesi waŋesi; a se ’dure ko Balam yu, a jamakiŋdye lepeŋ jamesi ti Balak.

Kenet 23:23

Kogwon jwöjwöŋö ’bayin nagoŋ jwöjwöŋöri Yakobo, iŋkoi waŋdu ’bayin nagoŋ wanari Yisaraele; soŋinana ŋutu de jambu i kulya ti ŋutu ti Yakobo logon a Yisaraele adi, Ŋun aje koŋdya nyo?

Kenet 23:28

A Balak joŋgi Balam i kwe na Peor, na metaddu i yöbu na sese.

Matayo 22:9

Nyenagon iti ta i keresi ti kikolin ko luŋu ta ŋutu liŋ logon ta a ryö anyen po i budu.

Konesi 16:16

A ko gwe sona na tiri yi i pirit kwakwaset nu, a yi torumbe ko nene ’diet nagon a ’dupiet. Lepeŋ gwon ko mulökötyo logon keju gwoso ’bunit, a lepeŋ iŋge jakiŋdya komonye ’bulit a duma kogwon keju nanyit na kulya na popo.

Nyökit 18:10

A lele ŋuto ködyö tine rye kasu kiden logon ’yuŋa ŋuro lonyit kode ŋuro nanyit a rubaŋga, kode ŋuto logon koŋdya to ’bunun, kode kadolanit lo mian, kode ŋuto logon jwöjwöŋgu ŋutu ko winikö, kode kamönyönit,

Ka’duŋök 17:5

A lu ŋuto Maika gwe ko kadi kwakwaset, a nye teteŋdi epoda ko nyömuejin ti mede, a nye ’burukiŋdye lele lo ŋwajik kanyit anyen gwon a koane lonyit.

Ka’duŋök 18:14

A kirut ŋutu mukanat logon a tu i wiŋa na jur lo Laisa kulo takiŋdye luŋasirik kase kulo adi, Ta a ko den adi epoda, ko nyömuejin ti mede, ko nyömue lo gigiru ko nyömue lo ninitö gwon i kine kadijik lukata le? Nyenagon yeyeji ta yeyeju ko ta de koŋdya nyo.

Ka’duŋök 18:17

a ŋutu mukanat logon a wiŋa lu jur kulo iti tu, a lupöni kadi, a joŋgi nyomue lo gigiru, ko epoda, ko nyömuejin ti mede, ko nyömue lo ninitö, a koane leru gwo ’dan i kötumit na mariŋ ko ŋutu miajin buker i pirit na geleŋ logon a leleju tito möriesi ti gor kulo.

Ka’duŋök 18:18

A nagon kulo ŋutu aje lupö ko Maika kadi yu a joŋgi nyömue lo gigiru, ko epoda, ko nyömuejin ti mede, ko nyömue lo ninitö nu, a koane lo pipije se adi, Ta koŋdya nyo?

Ka’duŋök 18:20

A töili lo koane gwe ko lyöŋön, a nye ’dumuŋdye epoda, ko nyömuejin ti mede, ko nyömue lo gigiru, a iti ko kulu ŋutu kiden.

Ka’duŋök 18:24

a lepeŋ waddi adi, Ta a ’dumaddu ŋunyen kwe logon nan a teten kulo, se ko koane liŋ, a ta iti tu, a nan kirut pitokine ko nyo? Kwe a nyo nagon ta pija nan adi, Kulya kunok a nyo?

1 Samuele 15:23

Kogwon rerenya gwon gwoso toron na to ’bunun, a töili iŋgo gwe gwoso twöju na nyömue. Nyena MATAT aje renya do i gwon a mor kogwon do a renya kulyaet lonyit.