Ejikele 21:17 - Bibilia Buk na Ŋun nagon koti luŋu a

¹⁷ A nan mo köti naŋgi könisi kwe, a nan mo toliŋge woran nio ŋilo a kulyaet lio lo MATAT.

Ejikele 21:17 ပူးပေါင်းရင်းမြစ်များ

Yisaya 1:24

Nyenagon nan MATAT logon a MATAT lo kurumi, nan logon a Riŋit lo Yisaraele, nan kulya adi, Nan mo konakiŋdya merok kwe ŋo narok, a nan mo robbi mugun ko kaŋisak kwe.

Yeremia 31:19

I mukök nagon nan aje girara kaŋo nu a nan löpuŋge töili, iŋkoi, i mukök nagon nan aje tojumuki nu a nan naŋgi puŋdiat kwe ko delya; a nan gwe ko yu na kwe a dyadyaŋgi dyadyaŋgu, iŋkoi, kwe nio yuyu kogwon ŋo na kon nan i toteton nio kune.

Yeremia 6:25

An ta ko tu ta kaŋo köji kata anyen tu i jur, ko wörö ta i kikolin temejik; kogwon merok gwon ko baŋdujin, ŋutu kukujönö i swötön liŋ.

Ejikele 16:42

A kirut nan mo tutupökiŋdye woran nio konut loki, a yinö nio mo kölökiŋdye do, a nan mo gwe taliŋ a mo tine woran köti.

Ejikele 21:14

Nyenagon ŋuro lo ŋuto, keŋ keju, naŋgi konisi kulok; wiŋörö baŋdu kak daŋin murek, iŋkoi, wiŋöro daŋin musala, ŋilo a baŋdu tatuet lo ŋutu jore parik, ŋilo a baŋdu logon wiŋö i swötön kase liŋ.

Ejikele 21:16

Ti lepeŋ tokoddi ko topilan i swöt lo lutaten ko i swöt lo kadoŋe, ko i swötön liŋ logon lepeŋ tu kata kulu.

Ejikele 21:18

A kulyaet lo MATAT köti poki köyö adi,

Ejikele 22:13

Nyenagon mete, nan a naŋgu könisi dedelya kogwon ’bulit na ryö ŋutu kulök i kikolin lorok, koti kogwon rima nagon a ’buköŋ konut kiden kune.

Ejikele 36:31

A kirut ta mo yiyiuŋdye kikolin kasu lorok se ko konesi kasu nagon köju ’bayin a na ’but kune, a ta mo maŋdi ’börik kogwon kulya ti toronjin kasu se ko konesi kasu na mamana kune.

Ejikele 5:13

A kirut nan mo tutuŋge woran nio, a nan mo toliŋge woran nio na pape i lepeŋat, a nan mo gwe ko taliŋ. A ko woran nio na pape aje ’baka, a se mo deŋdi adi ŋilo a nan MATAT lo jambu ko yinö.

Jakaria 6:8

A nye maraŋgi a kulyani ko nan adi, Mete, se logon a tu i jur lo lobot kulo aje tiŋdu Mulökötyo lio i si ’da ’bura i jur lo lobot.

Kenet 24:10

A Balak iŋge woran parik ko Balam, a nye naŋgi könisi kanyit; a Balak kulyani ko Balam adi, Nan a luŋgu do i lömbu na merok kwe, ama mete, do aje ’boroja se kine daŋin musala.

Nyökit 28:63

Nyena MATAT mo lyölyöŋön ko ta i tolikiŋdyö na ta ko i tukaŋu na ta, gwoso nagoŋ nye köju aje lyöŋön ko ta i konakiŋdya na ta ’bura ko i tuŋöŋö na ta nu; a ta mo ’dutujine kaŋo i lu jur logon ta lubbö i morga lu.