Ejikele 20:42 - Bibilia Buk na Ŋun nagon koti luŋu a

⁴² A ta mo dene den adi nan a MATAT na joŋdi nan ta i jur lo Yisaraele nu, kweja adi ŋilo a jur logon nan koju a milyekin tiŋdu merenyejin kasu lu.

Ejikele 20:42 ပူးပေါင်းရင်းမြစ်များ

Yeremia 24:7

A nan mo tiŋdi se töilyet anyen se deden adi nan a MATAT; a se mo gwe a ŋutu kwe, a nan mo gwe a ŋun lose, kogwon se mo yiyitwe köyö ni ko töilyet kase liŋ.

Yeremia 30:3

Kogwon mete, nan MATAT lo kulya adi, Perok mo popo logon nan mo nyökuŋdye ŋutu kwe Yisaraele se ko Yuda bot i to ’dupien, a nan mo toyituŋdye se i jur logon nan köju aje tin merenyejin kase lo, a se mo ruddye lepeŋ. ŋilo a nan MATAT lo jambu.

Yeremia 31:34

A ŋutu liŋ geleŋ geleŋ mo köti tine todiŋdyö maratejin kase kode lupasirik kase adi, Deŋdi ta MATAT, kogwon nan MATAT lo jambu adi, Se liŋ mo deden nan suluja i lo ’di ’dik tojo ko temejik, kogwon nan mo pipitökin lyapesi kase, a nan mo tine yeye toronjin kase kwöŋ.

Ejikele 20:15

A nan köti köju iŋge ’doggu könin ki i milyekiŋdyö na se i yöbu yu adi, nan ködyö ti joŋga se i jur logon nan a tikin se lu, ŋilu a jur lo ’dokon a le ko a siwatat, ko a jur lokwekwelen lwölwöŋ jurön liŋ,

Ejikele 20:38

A nan mo nyunyumbe katoronyak ko se lo toroŋdya nan kilo kaŋo kasu kiden. A nan mo joŋdi se kaŋo i jur logon se sisi ’dari a lepelok ŋilo, ama se mo ti lupö i jur lo Yisaraele kwöŋ. A kirut ta mo dene den adi nan logon a MATAT.

Ejikele 20:44

Ta kötumit na Yisaraele, ta mo deden adi nan a MATAT i diŋit nagon nan mo ti konakiŋdya ta gwoso i kikolin kasu lorok, se ko i konesi kasu narok na kon ta kine, ama kölumbö a nan mo konakiŋdye ta gwoso nagon jujukin i karin kwe. Ŋilo a kulyaet lio lo MATAT ŊUN.

Ejikele 20:6

I ŋilu lor nan a ’doggu könin ki i milyekiŋdyö na se adi, Nan mo jojon ta kaŋo i jur lo Ejipeto tojo i jur logon nan aje galakin ta lu, ŋilu ajur logon ’dokon a le ko a siwatat, ko ajur lokwekwelen lwölwöŋ jurön liŋ.

Ejikele 24:24

A Ejikele mo gwe a kweyet kasu; ŋo liŋ nagon nye a kon kine ta mo köti kökon se. Ko kine ŋo mo a pukun a ta mo kirut dene den adi nan logon a MATAT ŊUN.

Ejikele 26:13

A nan mo toyipaji kölisi kulök i yolo, a woŋon na arabiajin kunök mo köti tine yiŋa kwöŋ.

Ejikele 34:13

A nan mo joŋdi lepeŋat kaŋo i gweyajin ti ŋutu, a nan mo pepenuŋdye lepeŋat i jurön, a nan mo toyituŋdye lepeŋat i lukata na jur lose; a nan mo tunyeji lepeŋat i loki na merya ti Yisaraele nyona ko karya ko i piritön liŋ ti jur nagon sisi ’darikin kune.

Ejikele 37:21

A kirut kulyani ko lepeŋat adi, MATAT ŊUN lo kulya adi, Mete ta, nan mo jojon ŋutu ti Yisaraele kaŋo i jurön logon lepeŋat aje tu kata kulu, a nan mo momoruŋdye lepeŋat i swötön liŋ, a nan mo nyökuŋdye lepeŋat i jur lose.

Ejikele 37:25

A se mo gwolore i jur logon nan aje tikin köliŋönit lio Yakobo. (Ŋilo a jur logon merenyejin kasu si ’da kata lo.) A ŋutu ti Yisaraele ko ŋwajik kase se ko nyakwariat kase mo si ’dani nyu ŋupi ŋupi; a köliŋönit lio Dawidi mo gwe a kasaranit lose ŋupi.

Ejikele 38:23

Nyena a nan mo kweji todumalan nio se ko kelan nio, a nan mo tiŋdi mugun i dena ko ŋutu jore i komor. A kirut lepeŋat mo deŋdi adi nan logon a MATAT.

Yoane 17:3

Ŋina a ru na yeŋ nyin anyen se deden do logon a Ŋun geleŋ ko a gwak, se ko nan Yesu Kristo logon do aje sunyun lo.

1 Yoane 5:20

Yi deden adi Ŋuro lo Ŋun aje po. Lepeŋ aje tiŋdu yi kuruŋdyö na kulya anyen yi deden nye logon a gwak lo. Yi gwon ko lepeŋ logon a gwak lo i mugun, kogwon yi gwon ko Yesu Kristo Ŋuro lonyit i mugun. Ŋilo a Ŋun ’diri; ŋina a ru na yeŋ nyin.