Ejikele 20:38 - Bibilia Buk na Ŋun nagon koti luŋu a

³⁸ A nan mo nyunyumbe katoronyak ko se lo toroŋdya nan kilo kaŋo kasu kiden. A nan mo joŋdi se kaŋo i jur logon se sisi ’dari a lepelok ŋilo, ama se mo ti lupö i jur lo Yisaraele kwöŋ. A kirut ta mo dene den adi nan logon a MATAT.

Ejikele 20:38 ပူးပေါင်းရင်းမြစ်များ

Saumajin 9:16

MATAT a tindu mugun i dena, a nye ’duŋge ŋutet; ŋutu lorok a loka ko kita na kon se ko könisi kase.

Saumajin 95:11

Nyena a nan milyeji i woran nio adi se mo ti luŋö köyö i ŋirit yukaet.

Yeremia 29:32

nyenagon nan MATAT lo kulya adi, Mete ta, nan mo ririŋ Semaya lo Nekelam se ko nyakwariat kanyit, a lepeŋ mo gwe ’bak lele ŋuto lo gwon jörun i kiden na kulo ŋutu i meddya na gwiliŋit lo ’but logon nan mo koko­nakin ŋutu kwe lo, kogwon lepeŋ a jambu kulya togiresi i kulya kwe ti MATAT. Ŋilo a nan MATAT lo jambu.

Yeremia 44:14

Ŋutu ti Yuda logon a pituŋdyö kulo aje po i si ’da i jur lo Ejipeto, a gwe ko yenet adi se mo yitö Yuda anyen si ’da yu. Ama se mo ti yitö kwöŋ, lele lose mo ti rwösöddu kode pituŋdyö, ake ŋutu ku ’dik mo lo wökön.

Ejikele 11:21

Ama ŋutu logon töilyet kase kebbu ŋo kase lut ko ŋo kase na mamana kulo, nan mo roropakin konesi kase kase i kusik. Kilo a kulyaesi kwe ti MATAT ŊUN.

Ejikele 13:9

a nan mo möröni ko nebijin logon ŋo na met se kase i töilyet kune a köpuröt kana, a ŋo na galun se i to ’bunun kune gwe a ’burönö. Lepeŋat mo ti morakiŋdya i momoret na ŋutu kwe, a karin kase mo tine wuröki i wuret na kötumit na Yisaraele, a se mo tine lupö i jur lo Yisaraele. A ta mo dene den adi nan logon a MATAT ŊUN.

Ejikele 15:7

A nan mo tiŋdi komor nio a naron ko lepeŋat; nyena ma ’di se ködyö a rwösöddu kaŋo i kimaŋ, ama kimaŋ mo nyuŋ tototum se; a ta mo dene den adi nan logon a MATAT na tiŋdi nan komor nio a naron ko lepeŋat nu.

Ejikele 20:15

A nan köti köju iŋge ’doggu könin ki i milyekiŋdyö na se i yöbu yu adi, nan ködyö ti joŋga se i jur logon nan a tikin se lu, ŋilu a jur lo ’dokon a le ko a siwatat, ko a jur lokwekwelen lwölwöŋ jurön liŋ,

Ejikele 20:16

kogwon se a renya jujuwesi kwe a tine wörö i saresi kwe lo wurö, a koŋi sabatajin kwe, kogwon töilyet kase kepoddu nyomuejin kase logon a ŋunyen kulo.

Ejikele 20:34

Nan mo riöddu könin lio iŋgo kaŋo i joŋdya na ta kaŋo i jurön logon ta köju a tore aji kata kulu.

Ejikele 23:49

a ta mo ropakine towutön nasu, a ta mo poŋgi riŋet na toron na twöju nasu na nyömuejin logon a ŋunyen kasu; a ta mo dene den adi nan logon a MATAT Ŋun.

Ejikele 6:7

A ŋutu lo tatua mo ’do ’done kasu kiden, a ta mo dene den adi nan a MATAT.

Malaki 3:3

a nye mo si ’dani gwoso kanamanit ko gwoso katokelanit lo podo, a nye mo toke ’yi ŋwajik ti Lewi, a mo nambi se gwoso dakap ko podo i namaddu na korodo kaŋo tojo ko se a wukiŋdya MATAT ’dokesi na rigwo.

Matayo 3:12

A nye gwe ko köbi setet kanyit i konin, a nye moseddi ’bolot liŋ lo gwon kanyit i pirit gwutet na ’bolot kulo, a yuŋdye ’bolot kanyit i gugu, ama a nye mo ’yuŋe pudi ko kimaŋ nagon ti bulö peŋa.

1 Korinto 10:5

Ma ’di sona, Ŋun a ko lyöŋön ko lojore kase, a jore kase iŋge twatwa, a öpuö kase parasake i yöbu na sese.

Ebere 4:3

Kölumbö yi logon aje yuŋ kulo luluŋö kanyit i pirit yukaet. Ŋun a kulya adi, Nan a milyeju i woran nio adi, Se kwöŋ mo ti luŋö köyö i pirit yukaet. Lepeŋ kulya sona ma ’di nagon nye a tutuŋgö kita nanyit suluja i diŋit na gweji nye kak nu.

Ebere 4:6

Ŋutu logon köju a tokuki Loŋe Lo ’but kulu a ko luŋö nyin kogwon se ti ’bön yiŋga, ama ’diri a gwak adi kulye ŋutu bubulö luŋö nyin,

Yuda 1:5

Ta köju a den kine kulya liŋ ’bura, ama soŋinana nan ’dek toyiyikiŋdyö ta; Matat aje Lwökuŋdyö ŋutu ti Yisaraele kaŋo i jur lo Ejipeto, ama i mukök a nye iŋge tukar ŋutu logon a ko yubbö kulo.