Ejikele 20:35 - Bibilia Buk na Ŋun nagon koti luŋu a

³⁵ A nan mo joŋgi ta i yöbu na gweyajin ti ŋutu, a nan mo jambi putet ko ta nyu a lokomor.

Ejikele 20:35 ပူးပေါင်းရင်းမြစ်များ

Saumajin 74:22

Pon Ŋun, ŋine ki, jundye kulya kunök; yeyeji ko ŋutu logon ti twöju do kulo ’dö ’dö do tuparan liŋ!

Yisaya 3:14

A MATAT ’duŋge putet lo temejik se ko kimak ti ŋutu kanyit adi, Gwon a ta kilo logon a nyesu melesen na binyo, go na ryakwe i lomerika gwon kasu i kadijik.

Yeremia 2:35

Ama ma ’di sona a do kulyani adi, Nan ’bak kulya; ’diri gwak woran nanyit aje löpuköddu kaŋo köyö. Mete, nan jojon do i putet, kogwon do kulya adi do a ko toroŋdya.

Yeremia 2:9

Nyenagon nan MATAT lo kulyaadi, Nan mo jojoŋ ta i putet daŋ nene ma ’di nyakwariat kasu nan mo jojoŋ i putet.

Yeremia 25:31

A woŋon nanyit mo woŋoro tojo i ’dutesi ti kak, kogwon MATAT gwon ko putet ko juron, a nye mo si ’dakine i ’duŋgo na putet lo ŋutu liŋ, a nye mo tiŋdi ŋutu lorok i tatua ko baŋdu. Kilo a kulyaesi kwe ti MATAT.

Yeremia 31:2

Nan MATAT lo kulya adi, ŋutu logon a pituŋdyö i baŋdu kulo a ryeju ’busan i yöbu yu, i diŋit nagon ŋutu ti Yisaraele ga ’yu yukan nu;

Ejikele 17:20

A nan mo gubakiŋdye birya nio kanyit loki, a boyi nio mo morgi lepeŋ, a nan mo joŋgi lepeŋ Babela yu i jambu na putet, kogwon toron nagon nye a konakin nan na.

Ejikele 19:13

Soŋinana lepeŋ aje nyökö ’yutuki i yöbu, i jur logon a loteyon ko a kure.

Ejikele 20:36

iŋkoi, a nan mo jambi putet ko ta gwoso na jambi nan ko merenyejin kasu i jur lo Ejipeto koju nu. Ŋilo a kulyaet lio lo MATAT ŊUN.

Ejikele 38:22

A nan mo kitani ko twanti iŋgo se ko tatuja i ’dupökiŋdyö na do na putet; a nan mo to ’do-ji kuduöt dumalak logon ’do ’dokon, ko torok ti kudu, ko kimaŋ se ko pisek konut loki, ko i tepon kunök, ko i gweyajin jore ti ŋutu lo gwon ko do kulo.

Ejikele 38:8

A i mukök na perok jore a ta mo lupuni lupu i mörö; iŋkoi, a i kiŋajin ti ’dutet a ta mo lupöni i mörö ko jur logon a nyököki i gwolor nanyit na kokwe i mukök na mörö, kweja adi ŋilo a jur logon ŋutu kanyit aje po kaŋo i jurön jore a momorakiŋdye i merya ti Yisaraele logon yeŋon a rubajin ko diŋit a najo kulo. Kilo ŋutu köju a jwe kaŋo i jurön, lepeŋat liŋ soŋinana si ’dani ’bura ’bak kujönö;

Osea 2:14

Nyenagon, mete, nan mo lulu-kun Lepeŋ, a joŋgi Lepeŋ mu ’diŋ, a jamakiŋdye Lepeŋ kulyaesi lo ’but.

Osea 2:16

Nan MATAT lo kulya adi, i ŋilu lor nye mo luluŋ nan adi nan a lalet lonyit, a nye koti mo tine luŋgu nan adi nan a Balas lonyit.

Osea 4:1

Ta ŋutu ti Yisaraele, yiŋge ta kulyaet lo MATAT; kogwon MATAT gwon ko rerenyet ko ŋutu lo si ’da i lo Jur kulo. Kogwon to ’diri, ko tunyar, se ko deŋdya na Ŋun gwe ’bayin i lo Jur;

Mika 4:10

Do köji na Siona, tomieni tomie i ruuŋdya, gwoso ŋuto na tata ’du; kogwon soŋinana ŋutu kulök mo kökolokin köji a si ’dani mu ’diŋ, a se mo iti tojo Babela. A se mo lwökoni lwökö nyu, a MATAT mo riŋuŋdye se kaŋo i könisi ti merok kulok.

Kweyatti 12:14

A ŋina ŋuto tikine köpukön murek ti yuku logon a duma, anyen ’daaddu pajo ko munu i yöbu kata kanyit i pirit nagon rurukarikin lepeŋ ’bura ko kipajin musala ko swöt nu.

1 Samuele 12:7

Nyenagon gwo ’de ta go, anyen nan bubulö nyönyökökiŋdyö ta ko MATAT i komor kulya ti lwökesi liŋ ti MATAT nagon nye a tetenakin ta ko merenyejin kasu kunu.