Ejikele 20:31 - Bibilia Buk na Ŋun nagon koti luŋu a

³¹ Na wukiŋdye ta ’dokesi se ko rubaŋgajin, a ’yuŋe ŋwajik kasu a rubaŋgajin nu, ta toluddya ’börik ko nyomuejin kasu liŋ logon a ŋunyen tojo ko lo lor. A kirut nan mo rukökiŋdye ta kötumit na Yisaraele i piyuŋdya na nan ada? Nan MATAT ŊUN lo kulya adi, ’Diri ’diri gwoso na gwoŋdi nan na, nan ti ’dekan ta i piyuŋdya na nan kwöŋ.

Ejikele 20:31 ပူးပေါင်းရင်းမြစ်များ

Eyobo 27:10

Lepeŋ ŋona mo lyölyöŋön ko Ŋun Kabulönit lo ŋo liŋ, a luŋgi karin kanyit i diŋitan liŋ?

Eyobo 27:8

Ko Ŋun a ’duŋoddu kaŋo ŋuto logon ti twoju nye, a ’dumaddi ru na ŋilo ŋuto, ŋilo ŋuto ŋona gwon ko nan yenet?

Saumajin 66:18

Ko nan ködyö a yiyiundyö lyaŋan köyö i töili, a MATAT ködyo tine yiŋga nan.

Tolupesi 28:9

Ko ŋuto logon kölökindyö yiŋga na saresi, ma ’di kwakwasesi kanyit mamana.

Yisaya 1:15

A ko ta a mamanyuŋdya ko konisi kasu, a nan de muŋge konyen kwe ko ta; ma ’di ködyö ta a kwakwaddu kwakwasesi jore, Könisi kasu a jore ko rima;

Yisaya 57:5

Ta ’de ’dekan parik kwakwaddu i mukökö ti kaden ti mian, ko i mukökö ti kaden liŋ lo rurwan; ta lögon tatuja ŋwajik i luruki, i mukökö ti lelya.

Yeremia 14:12

Ma ’di ködyö se a miŋdya, nan mo ti yiŋ gwien nase, ma ’di ködyö se a wukiŋdya nan rubaŋgajin lo ’yu ’yura ’buluŋ se ko ’dokesi ti ’bolot, nan mo ti wu se kwöŋ, kölumbö a nan mo togirökiŋdye lepeŋat ko baŋdujin, ko dyaŋ, se ko twanti iŋgo.

Yeremia 19:5

A se iŋge ’duggö piritön na gwon i ko ’dulan ti merya kune a ti Bala, anyen ’yurakiŋdya Bala ŋwajik kase a rubaŋgajin. Nan a ko sarakin ŋo gwoso kine, kode jambu adi ti konani kona, iŋkoi, nan kwöŋ a ko yiyiun se.

Yeremia 7:31

A se iŋge gweja pirit na ’du na gwon Topet na gwon i pirit na ’dir na ŋuro lo Inoma, anyen ’yuŋa ŋwajik kase lulyan ko nawate i kimaŋ. Nan a ko sarakin ŋo gwoso kine, iŋkoi, nan kwöŋ a ko yiyiun se.

Ejikele 16:20

a do ’dumuŋdye ŋwajik kulok lulyan ko nawate, logon do a yuŋwekin nan kulo, a wukiŋdye kilo nyomuejin a kinyo lose. Do yeyeju adi ŋina ŋo a na ’dit Iwolwoŋ wuton inot le?

Ejikele 16:36

Nan MATAT ŊUN lo kulya adi, Kogwon do aje panyakiŋdya mugun köke a tiŋdi mugun i meta ’busön i towuton ko kanyarak kulök, köti kogwon nyömuejin kulök liŋ lo mamana logon a ŋunyen kilo, köti kogwon do a wukiŋdya lepeŋat ŋwajik kulök a rubaŋgajin,

Ejikele 20:26

a nan iŋge tolut se i ’dokesi kase, anyen se ’yuŋa ŋwajik kase kayujin a rubaŋgajin, anyen nan ködyö tokujö-ŋdu se. Nan koŋdya sona anyen se ködyö deden adi nan logon a MATAT.

Ejikele 20:3

Ŋuro lo ŋuto, jambi ko kilo temejik ti Yisaraele ko taki lepeŋat adi, MATAT ŊUN lo pija adi, Ta po i piyuŋdya na nan le? Nan MATAT ŊUN lo kulya adi, ’Diri ’diri gwoso na gwoŋdi nan na, nan ti ’dekan ta i piyuŋdya na nan.

Ejikele 23:37

Kogwon se aje biryeri ’börik a kalupejin, a könisi kase iŋge ’buköddu rima, iŋkoi, se aje koŋdya toluŋ ko nyömuejin logon a punyen kase, a wukiŋdye se ma ’di ŋwajik logon se a yuŋwekin nan kulo. Kilo ŋwajik tiki se a kinyo lose.

Ejikele 33:30

Ama do ŋuro lo ŋuto, ŋutu kasu logon jambu i pirit na geleŋ i kulya kunök logon gwo ’dan i tölimösi ti goroma ko i kötumiten ti kadijik kulo, tujamakin ko ’börik lele takiŋdya luŋaser adi, Po ko yiŋge ko kulyaet lo po ko MATAT lo a nyo?

Amosa 8:12

A ŋutu mo wirte abur suluja i tor tojo ko nene tör, ko i swöt lo lobot tojo ko swöt lo ’yure, a se mo wöwökine abur i ga ’yu na kulyaesi kwe ti MATAT, ama a se mo tine ryö.

Jakaria 7:13

a ko gwe sona adi, Na luŋgi nan se nu a se tine ’bon yioga, nyena a se ruddye luŋgu nan, a nan tine ’bon yioga, nan MATAT lo kurumi lo kulya,