Ejikele 20:28 - Bibilia Buk na Ŋun nagon koti luŋu a

²⁸ Kogwon na joŋdi nan se köju i jur logon nan a milyeju i tiŋdu na se lu, a se iŋge meddya lurwat liŋ lojo, se ko kaden liŋ logon ko koropo jore, a se wukiŋdye rubaŋgajin kase nyu, a tiŋdi ’dokesi kase nyu nagon towoŋa nan; köti a se wukiŋdye ’dokesi na mon paleleŋ a ’bukökiŋdye rubaŋgajin ’bu ’bukesi nyu.

Ejikele 20:28 ပူးပေါင်းရင်းမြစ်များ

1 Moran 14:23

Kogwon se köti a tetenakiŋdya ’börik piritön kwakwasesi i ko ’dulan ti merya, ko ŋurupö logon a togwi ’diki ki anyen kwakwasa kulo, ko a tiŋdu kaden ti mian logon a Asera i merya lojo liŋ ko i mukökö ti kaden lo rurwan liŋ;

2 Moran 17:10

a se togwi ’dikiŋdye ’börik ŋuruŋö lo kwakwasa ko kaden ti mian logon a Asera i merya lojo liŋ ko i mukökö ti kaden lo rurwan liŋ;

2 Moran 17:12

a se kitakiŋdye nyomuejin, logon MATAT a kulyari ko lepeŋat adi, Ta ködyö ti koŋdya na ŋo kulo.

2 Moran 17:9

a ŋutu ti Yisaraele konakiŋdye MATAT Ŋun lose a Iwon ŋo nagon ’bayin a na ’but. A se ’dukokiŋdye ’börik piritön kwa-kwasesi na gwon i ko ’dulan ti merya kune i köjinö kase liŋ, suluja i bililiyat ti katiyuk tojo ko köjinö nagon a gomö ko mariŋan nago;

Yisaya 65:7

tukwölöŋesi kase ko tukwölöŋesi ti komonye i pirit na geleŋ, nan MATAT lo kulya; kogwon se aje ’yuŋa bökur i merya loki a iŋge lauŋdya nan i lurwat ki, a nan mo tembi a kokwe ropet na konesi kase a mo robbi robba asut.

Yeremia 19:13

Kadijik ti Yerusalema ko kadijik ti moran ti Yuda mo totoluta gwoso Topet. Iŋkoi, lepeŋat liŋ totoluta, kogwon ŋutu a ’yurakiŋdya kurumi na po liŋ ti ki bökur, a ’bukökiŋdye kulye punyen rubaŋgajin ’bu ’bukesi i lo ’deka ti kadijik kase.

Yeremia 2:7

Nan a joŋdya ta i jur logon a rit anyen ko nyesu ludweki kanyit seko ŋo kanyit na ’but. A nagon ta aje lupö kata nu, a ta iŋge kör kak nio, a koŋdi lomore nio a ŋo na mamana.

Yeremia 3:6

A i perok ti mor Yosia a MATAT pije nan adi, Do a met ŋo nagon Yisaraele a kon i tu nanyit kaŋo köyö a iti i ko ’dulan liŋ ti merya ko i mukökö ti kaden liŋ logon rurwan, a nye biryeri mugun gwoso kalupe nyu?

Yeremia 32:30

Ko­gwon ŋutu ti Yisaraele ko ti Yuda a ko koŋdya nene ŋo na ’but ama tuŋ koŋdya ŋo narok köyö i komor suluja i toteton nase; iŋkoi, ŋutu ti Yisaraele a ko koŋdya nene ŋo na ’but, ama tuŋ towoŋa nan ko konesi kase, ŋilo a nan MATAT lo jambu.

Ejikele 16:19

A do koti ’dumuŋdye kinyo logon nan a tikin do anyen wowoji do lo, kweja adi ’bolot na jio a nalilipök. ko welet, se ko siwatat, a wukiŋdye lepeŋat a ŋo na mon paleleŋ. Ŋilo a kulyaet lio lo MATAT ŊUN.

Ejikele 16:24

Ŋo a ’du ’duluki-ŋdya mugun piriton najo ki, a do tetenakiŋdye mugun piriton na ’du i piriton liŋ nagon a terereki;

Ejikele 20:15

A nan köti köju iŋge ’doggu könin ki i milyekiŋdyö na se i yöbu yu adi, nan ködyö ti joŋga se i jur logon nan a tikin se lu, ŋilu a jur lo ’dokon a le ko a siwatat, ko a jur lokwekwelen lwölwöŋ jurön liŋ,

Ejikele 20:29

(A nan pipije se adi, Pirit na ’du nagon ta wörö kata i kwa-kwaddu nu a nyo? Nyena karin kanyit luŋu a Na ’du tojo ko lo lor.)

Ejikele 20:6

I ŋilu lor nan a ’doggu könin ki i milyekiŋdyö na se adi, Nan mo jojon ta kaŋo i jur lo Ejipeto tojo i jur logon nan aje galakin ta lu, ŋilu ajur logon ’dokon a le ko a siwatat, ko ajur lokwekwelen lwölwöŋ jurön liŋ.

Ejikele 6:13

A kirut ta mo dene den adi nan a MATAT, na dotori öpuö ti ŋutu kasu lo tatua i kiden na nyömuejin kase logon a ŋunyen lorga piritön kase ’yuresi ti rubaŋgajin, i lurwat liŋ loki, ko i kusik ti merya liŋ, ko i mukökö ti kaden liŋ lo rurwan se ko i mukökö ti rinö lobot liŋ, kweja adi i piritön liŋ nagon se wukiŋdye nyömuejin kase liŋ rubaŋgajin lo mon paleleŋ kune.

Lewi 17:5

Kine kulya saraki sona anyen ŋutu ti Yisaraele böŋö joŋdya rubaŋgajin kase lo ’duŋ se mu ’diŋ kulo ko MATAT ni, ko koane ni i kömit na kemia torumet, i ’duŋgö na se a rubaŋgajin ti taliŋ ti MATAT.

Yosua 23:14

Köti mete ta, so pinana nan gwe nyona ko tiri kiko logon ŋutu liŋ titiri lo; ta liŋ aje den kasu i töilyet ko kasu i ködu dwölön adi nene ŋo ’bayin nagon a jaran i kiden na ŋo na ’but liŋ nagon MATAT Ŋun losu a jambu i kulya kasu kune; se liŋ a konaki ta, a nene ŋo gwe ’bayin nagon a jaran i kona.