Ejikele 18:26 - Bibilia Buk na Ŋun nagon koti luŋu a

²⁶ A ko ŋuto lo rigwo a löpukuŋdyö kapo i torigwo nanyit a iŋge toroŋdya, lepeŋ twatwan kogwon ŋina toron; lepeŋ twan kogwon toron nagon nye kökon na.

Ejikele 18:26 ပူးပေါင်းရင်းမြစ်များ

Tolupesi 2:13

Kilo ŋutu a renya kikolin ti torigwo, a woroni i gwokiot logon tu i mudwe,

Ejikele 18:18

A ko gwe gwoso monye lonyit, kogwon nye a karudanit a ryaggi kulye ŋutu, a koŋdi ŋo nagon ’bayin a na ’but i kiden na ŋutu kanyit, mete ta, lepeŋ aje twan kogwon toronjin kanyit.

Ejikele 18:24

Ama ko ŋuto loron a löpukuŋdyö kapo i torigwo nanyit a iŋge toroŋdya, a koŋdi po na mamana jojo ko nagon ŋuto loron kökon kune, lepeŋ ŋona gwon jörun le? Iŋkoi, nene na konesi kanyit na rigwo nagon nye a kon kune ’bayin nagon yeyeŋ; lepeŋ twatwan kogwon nye a ko ’yu twöju a iŋge koŋdya toron.

Ejikele 18:25

Ama kölumbö a ta kulyani adi, Kiko lo MATAT ti gwon jojo. Nyena ta kötumit na Yisaraele, yiŋge ta; ’Diri kiko lio lo MATAT ti gwon jojo le? Ama kikolin kasu logon ’bayin jojo.

Ejikele 18:27

Köti ko ŋuto loron a löpukuŋdyö kapo ’i po narok liŋ nagon nye kökon kune, a koŋdi po nagon a na ’but i saresi ko a gwak, lepeŋ ’diri lwölwök ru nanyit.

Ejikele 3:20

Köti ko ködyö ŋuto lo rigwo a löpuköddu kaŋo i torigwo nanyit, a koŋdi toron, a nan iŋge tikin ŋurupit köpuket kanyit ŋerot, a lepeŋ mo twane twan; nyenagon kogwon do a ko takin lepeŋ adi, Kunyar! lepeŋ mo twatwan kogwon toron nanyit, a konesi kanyit na rigwo nagon nye a kon kune mo tine yeyeo kwöŋ; ama a nan mo luŋgi rima kanyit konut i könin.

Ejikele 33:13

Ma ’di ko nan a kulya ko ŋuto lo rigwo adi lepeŋ ’diri mo gwon jörun, ama ko lepeŋ yinikiŋdyö mugun adi nye a lo rigwo a koŋdi toron, a konesi kanyit na rigwo kune tine yeyeo kwöŋ, ama a lepeŋ mo twane ko toron nagon nye a kon na.

Ejikele 33:18

A ko ŋuto lo rigwo a löpukuŋdyö kaŋo i torigwo a iŋge toroŋdya, lepeŋ mo twatwan kogwon ŋina toron.

Lewi 6:7

a koane wukiŋdye ŋilo lopijot ko MATAT i komor anyen ŋilo ŋuto totokela, a nye pitökine pitöki i konesi kanyit liŋ nagon a lyaŋesi, nagon a tiŋdu lepeŋ i gwon ko toron kune.

Kolosai 1:23

Ama ta agu kodyo yeŋon gwo ’dan go i yubbo nasu, an ta ko wusaji ta kaŋo i yeŋdu na kulya nagon ta a yiŋ i Loŋe Lo ’but kune. ŋilo Loŋe Lo ’but aje tokuki i ŋutu liŋ ti kak ’bukuluŋ; nan Paulo logon a katokuonit lo ŋilo Loŋe.

1 Yoane 5:17

Kulya narok liŋ a toron, ama toron kata nagon ’bayin a twayet.