Ejikele 17:24 - Bibilia Buk na Ŋun nagon koti luŋu a

²⁴ A kaden liŋ ti mu ’diŋ mo dene den adi nan MATAT nyönyokun ködini lojo ki kak, a to ’duŋe ködini lorutut a lojo ki, a toliliŋge ködini lodon, a tiŋdi ködini loteyon i wilan. Nan MATAT aje jambu kine kulya, a nan mo kone kon se.

Ejikele 17:24 ပူးပေါင်းရင်းမြစ်များ

Eyobo 40:12

Meddi ŋutu liŋ logon a ka ’du ’du-ŋak, nyöku lepeŋat kak; ryokaki ŋutu lorok kak i piritön nagon se gwo ’dan kata kunu.

Eyobo 5:11

nye ’bi ’bilikin ki ŋutu logon gwon kak, a ’dukuŋdye ŋutu logon dudurwe ki i lyöŋön;

Saumajin 89:38

Ama soŋinana do aje woran ko ŋuto logon do aje welakin a mor lo, do aje ŋaju lepeŋ ko a renya lepeŋ.

Saumajin 89:45

Do a tindu lepeŋ yu na kwe duma parik, a nye tine meta a titinti köti.

Yisaya 22:19

A nan mo riköddi do kaŋo konut i kita, a do mo gubakine kak konut i pirit.

Yisaya 26:5

Kogwon nye a ruŋuŋdya ŋutu kak lo si ’da i köji najo ki.

Ejikele 12:25

Kogwon nan MATAT mo jajambu ŋo nagon nan ’de ’dekan, a kulya nagon nan mo jajam kune mo konani kona, a kine kulya mo tine jaran i kona. Ta kötumit na karerenyak, nan mo jajambu kulyaet a nan mo kitari kitari ŋilo kulyaet i perok kasu. Ŋilo a kulyaet lio lo MATAT ŊUN.

Ejikele 18:1

A kulyaet lo MATAT köti poki köyö pija adi,

Ejikele 21:26

Nyena nan MATAT ŊUN lo kulya adi, ’Dumara ema kaŋo konut i kwe, ’dumara Iŋguya kaŋo. Ŋo liŋ soŋinana aje wora ka ’de; ’bilikiŋdye ŋutu lo gwon kak ki, ko nyökuŋdye ŋutu lo gwon ki kulo kak.

Ejikele 22:14

Töilyet ti ŋutu kulök ŋona mo yeŋon a purwat i lor logon nan mo tu i meddya na kulya kasu lu? Könisi kase ŋona mo yeŋon a iŋgo le? Nan MATAT aje jambu, a, nan mo kone kon.

Ejikele 24:14

Nan MATAT aje jambu, kine ŋo mo kokona, ’diri nan mo kökon se; a nan mo tine kukutörö bot, a nan mo tine pitökiŋdyö kode löpuggö i ŋo nagon nan mo kökon na. Nan mo ’du ’duŋökin do putet gwoso i kikolin kulök ko i konesi kunök. Kilo a kulyaesi kwe ti MATAT ŊUN.

Ejikele 36:36

A kirut ŋutu ti jurön logon mo kölöki kasu nyona kulo mo deŋdi adi nan MATAT aje nyöggu ’duggö piritön nagon a kökörötu, ko aje nyöggu ’yuddu meleseno nagon a murwöki. Nan MATAT aje jambu kine kulya, a nan mo kone kon se.

Ejikele 37:14

A nan mo tiŋdi mulökötyo lio kasu i mugunya, a ta mo gwe jörun, a nan mo tiŋdi ta i jur losu; a kirut ta mo deŋdi adi nan MATAT aje jambu kine kulya a nan mo kone kon se. Kilo a kulyaesi kwe ti MATAT.

Daniele 5:21

a lepeŋ riköjine kaŋo ko ŋutu kiden, a yeyeesi kanyit iŋge löpukö gwoso ti kijakutat, a nye si ’dani ko kaineki ti mu ’diŋ i pirit na geleŋ; a nyesi döru gwoso duöt, a mugun nanyit iŋge gwon a puŋutut, tojo lepeŋ a den adi Ŋun Katoŋanit lo ki liŋ logon a kasaranit lo tumatyan na ŋutu, a tiŋdi ŋuto logon nye nyanyar lo a kasaranit.

Amosa 9:11

A i ŋilu lor a nan mo ’bilikiŋdye tumatyan na Dawidi ki nagon gwoso morogo nagon a ’doro kak na, a nyöggi teteŋdya piriton kanyit na tutulujo, a ’bilikiŋdye murwo nanyit ki a nyöggi ’duggö nye gwoso na ’beron koju nu,

Kenet 17:8

A ko gwe sona i ko ’bure nanyit a Mose lupöni i kemia na ŋurupö tökoresi; a meddi ture lo Arona lo kötumit na Lewi lo aje wilan a turöni turö, a rade ludweki sakeda.

Matayo 24:35

Ki ko kak mo ’du ’duddyö, ama kulyaesi kwe mo ti ’duddyö kwöŋ.

Luka 1:33

a nye mo lo tumatyane i kotumit na Yakobo ŋupi, a tumatyan nanyit mo tine ’duddyo kwöŋ.

Luka 21:33

Ki ko kak mo ’du ’duddyö ama kulyaesi kwe mo ti ’duddyö kwöŋ.