Ejikele 17:20 - Bibilia Buk na Ŋun nagon koti luŋu a

²⁰ A nan mo gubakiŋdye birya nio kanyit loki, a boyi nio mo morgi lepeŋ, a nan mo joŋgi lepeŋ Babela yu i jambu na putet, kogwon toron nagon nye a konakin nan na.

Ejikele 17:20 ပူးပေါင်းရင်းမြစ်များ

2 Samuele 18:9

A köliŋönök ti Dawidi kulo iŋge ’bunyökin Abisaloma na wöggiri nye ko kaine nu. A kaine wöggiri lepeŋ i ködini duma logon kenia kanyit a reregga, a lepeŋ iŋge reka i kwe i ŋilu ködini. A nye iŋge liliŋ i ki, a kaine na ’doggu lepeŋ na wöki wökön.

2 Dekat 33:11

Nyenagon a MATAT sunyukiŋdye dumalak ti kamorok ti mor lo Asura i moro ko se, a woggi Manase ko jabadalan, a rereggi ko topot ti mölwö, a joŋgilepeŋ Babela.

Eyobo 10:16

A ko nan ködyö a kabulanit lo mugun, a do ködyö goŋi nan gwoso na goŋi ŋuto kömiru na, a te ’yi nan köti ko riŋit inot tusörit.

Katokuönit 9:12

Kogwon ŋutu ti den diŋitan kase. Lepeŋat a loka na pondi diŋitan narok ’de ’de kijek kase loki nu, gwoso somot logon a moka i ku ’yi dumet, ko gwoso kwen nagon a moka i patala lokesi.

Yeremia 2:35

Ama ma ’di sona a do kulyani adi, Nan ’bak kulya; ’diri gwak woran nanyit aje löpuköddu kaŋo köyö. Mete, nan jojon do i putet, kogwon do kulya adi do a ko toroŋdya.

Yeremia 2:9

Nyenagon nan MATAT lo kulyaadi, Nan mo jojoŋ ta i putet daŋ nene ma ’di nyakwariat kasu nan mo jojoŋ i putet.

Yeremia 34:21

A nan mo ŋutukiŋdye Sedekia mor lo Yuda se ko temejik kanyit ti miri i könisi ti merok kase logon ga ’yu tatuja se kulo, iŋkoi, i könisi ti kamörök ti mor lo Babela logon aje mijörö kaŋo kasu kulo.

Yeremia 37:17

A mor Sedekia sonyoddi ŋuto i joŋdya na Yeremia, a mor pije lepeŋ a lwön kanyit kadi adi, Lele kulyaet ŋona kata lo po ko MATAT yu le? A Yeremia waddi adi, Kata koi. A nye takiŋdye lepeŋ adi, Do mo wuwuki i könisi ti mor lo Babela.

Yeremia 50:44

Mete, nan gwoso kömiru lo lupuŋdyö kaŋo i rudu lo Yardene i koja na yidin na gwon i goro iŋgo kune, a nan mo tiŋdi ŋutu ti Babela ’de ’de i wökön kaŋo i lukata na jur lose; a nan mo wulökiŋdye lepeŋat ŋuto logon nan a wulun i saŋu na se. Kogwon ŋa logon gwoso nan? Ŋa mo lo luŋgu nan? Lon kayukunit logon bubulö gwo ’dan go köyö i komor?

Delyasi 1:13

Ki yu nye a sunyuŋdyo kimaŋ kak a iŋge to ’dukin koyo i kuyu, a nye iŋge rikin birya koyo i mokosi; a nye iŋge lopukun nan bot; lepeŋ aje kolokin nan kana, a nan iŋge doddya tuparan liŋ.

Delyasi 4:20

A se morgi ŋuto logon MATAT a welakin a mor lo kase i meyi, ŋilo ŋuto a ru nikaŋ. Ama yi aje yinikin ŋilo ŋuto adi lepeŋ kodyo lo muggö yi ko tolimot nanyit i kiden na juron.

Ejikele 12:13

Ama nan MATAT mo gugubakin birya kanyit loki, a ŋina birya nio mo morgi lepeŋ. A nan mo joŋgi lepeŋ tojo Babela i jur lo ŋutu ti Kaledea, ama a nye mo tine met ŋilu jur; a nye mo twaki nyu.

Ejikele 15:8

A nan mo koŋdi jur a murwö kogwon se a kö ’yu twöju nan. Ŋilo a kulyaet lio lo MATAT ŊUN.

Ejikele 17:19

Nyenagon nan MATAT ŊUN lo kulya adi, ’Diri ’diri gwoso na gwoŋdi nan na, nan mo roropakin milye lio logon nye a lanu lo kanyit i kwe, iŋkoi, tomoret nio nagon nye a ’beleŋ na.

Ejikele 18:24

Ama ko ŋuto loron a löpukuŋdyö kapo i torigwo nanyit a iŋge toroŋdya, a koŋdi po na mamana jojo ko nagon ŋuto loron kökon kune, lepeŋ ŋona gwon jörun le? Iŋkoi, nene na konesi kanyit na rigwo nagon nye a kon kune ’bayin nagon yeyeŋ; lepeŋ twatwan kogwon nye a ko ’yu twöju a iŋge koŋdya toron.

Ejikele 32:3

Nan MATAT ŊUN lo kulya adi, Na momori ŋutu jore ti jurön nu, a nan mo gubakiŋdye birya nio konut loki, a lepeŋat mo pikuŋdye do kaŋo.

Ejikele 38:22

A nan mo kitani ko twanti iŋgo se ko tatuja i ’dupökiŋdyö na do na putet; a nan mo to ’do-ji kuduöt dumalak logon ’do ’dokon, ko torok ti kudu, ko kimaŋ se ko pisek konut loki, ko i tepon kunök, ko i gweyajin jore ti ŋutu lo gwon ko do kulo.

Osea 2:2

Ŋuti ’bayin a nakwan nio, a nan tine gwon a lalet lonyit, ama tiddye ta takiŋdya Leŋeŋ adi ti nye koloki meddya ko komor na towuton, ko ti nye koloki momoka na kinasi kanyit ti kaluŋe;

Osea 7:12

A na tiri se nu, a nan mo gubakiŋdye boyi nio kase loki, a nan mo pikuŋdye se kak gwoso kwen ti ki, a nan mo riŋge se na yiŋge nan se i momora nu.

Mika 6:2

Ta merya, se ko ta pipilesi ti kak lo yeyeŋon ŋupi, yiŋge ta rerenyesi kwe ti MATAT, kogwon nan MATAT kata ko rerenyet ko ŋutu kwe, a nan mo rerenyani ko Yisaraele adi,

Luka 21:35

kogwon ŋilu lor mo pokin i ŋutu liŋ lo si ’da i kak ’bukuluŋ kulo.