Ejikele 16:63 - Bibilia Buk na Ŋun nagon koti luŋu a

⁶³ A i diŋit nagon nan mo pitökiŋdye do i ŋo liŋ na kon do kune nu, a do mo yeyene yeye a yune yu kwe, a do mo köti tine ŋaju kutuk kwöŋ kogwon yu na kwe. Ŋilo a kulyaet lio lo MATAT ŊUN.

Ejikele 16:63 ပူးပေါင်းရင်းမြစ်များ

Ejira 9:6

adi, Pon ŋun lio, nan gwon ko yu na kwe ko kujönö i ’bi ’yu na komor nio konut yu pon Ŋun lio, kogwon toronjin kaŋ aje ŋdi Jore a tu ki lwöŋgu kusik kaŋ, ko lyapesi kaŋ aje gwululuöddu ki.

Saumajin 39:9

Nan a yiŋa taliŋ, a tine ŋaju kutuk; kogwon do lo kondya kine kulya.

Saumajin 65:3

kogwon toronjin kase. Toronjin kaŋ nagon yi a kon aka kune tete yi, do geleŋ lo bubuddyö se.

Saumajin 78:38

Ama Ŋun a kayatanit, lepeŋ ŋiŋitökin lyaŋan nase a tine tukaŋu se; diŋitan jore a nye teŋgi woran nanyit, a tine wiwijö ŋoma nanyit liŋ.

Saumajin 79:9

Pon Ŋun kalwökönit likaŋ, parakindye yi anyen karin kunök bubula; lwökundye yi ko bubuddye toronjin kaŋ, kogwon karin kunök.

Saumajin 85:3

Do aje kö ’yu woran, do aje löpuköddu kaŋo i woran inot na pape.

Yisaya 33:24

A ŋuto lo si ’da tiyu gwe ’bayin logon mo kulya adi, Nan a ŋilö; a ŋutu lo sisi ’datu nyu mo pitökine gonyea i kase;

Yisaya 44:22

Nan aje toreara lyaŋesi kunök kaŋo gwoso ’dikolo, a toronjin kunök iŋge toreki gwoso luru; yitweni köyö ni, kogwon nan aje dakun do.

Delyasi 3:39

Ko nyo ŋuto lo gwon jörun ködyö wiwinya? Nyo ŋuto logon a katoronyanit wiwinya?

Ejikele 16:61

A kirut do mo yeyene yeye kikolin kulök a iŋge yu kwe, na wuji do kiasirik kunök duma ko na ’dit nu. A nan mo tiŋdi do se a ŋwajik kunök, ama se ’bayin i kulya ti tomoret nio ko do.

Ejikele 17:1

A kulpet lo MATAT poki köyö adi,

Ejikele 20:43

Nyu a ta mo yeyeji kikolin kasu ko konesi kasu liŋ nagon ta koju a toluddye ’borik kune, a ta mo maŋdi ’börik kogwon po narok liŋ nagon ta köju a kon kune.

Ejikele 39:26

A i diŋit nagon se köti mo si ’dani ’bura kase i jur nu, a ŋutu mo gwe ’bayin lo tokujöŋdu se, a se mo böŋöni yu nase na kusik se ko dumesi liŋ nagon se köju a dudumuje nan kune.

Ejikele 43:10

Ŋuro lo ŋuto, nyönyököki kötumit na Yisaraele kulya ti ŋina kadi nio na ŊUN, ko meta nanyit se ko temesi kanyit, anyen kusik kase ködyö yuyu kogwon toronjin kase.

Ejikele 44:13

Lepeŋat ti po köyö nyona i kitakiŋdya na nan gwoso koanejin; lepeŋat ti mijun nyona ko nene na po kwe nake na rurwan se ko i po nake parik na rurwan na totopuŋdya; kölumbö a lepeŋat mo wuji yu na kusik kogwon po na mamana nagon se a kon kune.

Roma 2:1

Nyenagon do ŋilo ŋuto ma ’di do a ŋa, ko do a ’duŋökin lele ŋuto arabat do ’bak kulya nagon do renyuŋdye mugun kaŋo. Kogwon i ’duŋökiŋdyo inot na lepeŋ do ’duŋökiŋdyö mugun arabat, kogwon do logon a ka ’duŋonit lo koti kökon ŋo nagon do a jam adi a narok kine.

Roma 3:19

Yi a den adi ŋo liŋ nagon kilo Saresi a tuk kine a ti ŋutu lo ’debba kilo Saresi kulo, anyen ŋuto gwon ’bayin logon ’buruddu mugun kaŋo anyen ŋutu liŋ ti kak ’bukuluŋ gwon i putet lo non.

Roma 3:27

a kirut yi bu ’ye ’börik ada? Nene ŋo ’bayin nagon yi bu ’ye ’börik. Ko nyo yi ti bu ’ya ’börik? Koyi a ’debba Saresi a yi bu ’ye ’börik, ama koyi a yubbö a yi tine bu ’ya ’börik.

Roma 6:21

Nyenagon ’bulit a nyo nagon ta a wu i koŋdya na ŋo nagon soŋinana toyujö kusik kasu kine? Kogwon ’dutet na kine ŋo gwon a twan.

1 Korinto 4:7

Löju, nyo lo tiŋdu do gwon ka ’de lwölwöŋ kulye ŋutu? Ŋo a nyo konut nagon do a ko wu? A ko do a wu lepeŋ, a nyo nagon do bu ’ye mugun gwoso nye ’bayin a ’doket?

Nyökit 32:43

Ta ŋutu ti jurön, bu ’ye ta ŋutu kanyit; kogwon nye rorobba rima ti kölipönök kanyit, a nye ropakiŋdye ŋutu lo ŋisa ko lepeŋ kulo, a mo toke ’yi jur lonyit ko ŋutu kanyit.