Ejikele 16:60 - Bibilia Buk na Ŋun nagon koti luŋu a

⁶⁰ Ama kölumbö nan mo yeye tomoret na teten nan ko do i diŋit nagon do köju nyuŋ a na ’dit nu, a nan ko do mo togwi ’dikiŋdye go tomoret na yeŋ nyin.

Ejikele 16:60 ပူးပေါင်းရင်းမြစ်များ

Suluet 9:15

a nan mo yiyiuŋdye tomoret nio na gwon i kiden nikao ko ta, ko na ŋo liŋ lo gwon jörun ti gweyarijin liŋ kulo; a karya mo tine baraŋdu Köti kwöŋ i tukaŋu na ŋo liŋ lo gwon jörun kilo.

2 Samuele 23:5

’Diri kötumit nio gwon sona ko Ŋun i swöt. Kogwon lepeŋ aje milyekiŋdyö nan tomoret na yeŋ nyin, nagon jojo i po liŋ ko a gwo ’dan ŋina a lwökit nio liŋ ko a ŋo nagon nan ’de ’dekan.

Saumajin 105:8

Leŋeŋ a kayeyeonit lo tomoret nanyit ŋupi, nye a kayeyeonit lo ŋilu kulyaet logon nye a sarakin lo tojo i nyakwariat aliŋ geleŋ.

Saumajin 106:45

A nye yiyiundye tomoret nanyit na milyekin nye lepeŋat nu, nyena kogwon nyaŋu nanyit a duma parik a nye gwe a ko kon ŋo nagon nye a yeye kondya na.

Yisaya 14:1

A MATAT mo wone konyen ko kötumit na Yakobo, iŋkoi, a mo koti wuluŋdye kötumit na nye logon a Yisaraele, a mo tosi ’dakiŋdye lepeŋat i jur lose gwak, a Lwaka mo momoruŋdye kase ni, a mo ’depakiŋdye ko Yakobo i kötumit.

Yisaya 55:3

Togwo ’yi ta swö kasu ko poŋdi ta köyö ni; yiŋge ta nan, anyen ta böŋö ruru; a nan mo teteŋdi tomoret na yeŋ nyin ko ta, i nyaŋu na ta ko to ’diri gwoso na nyaŋi nan Dawidi köju nu.

Yisaya 61:8

Kogwon nan MATAT nyanyar ’duŋgö gwogwo, a nan maŋdi ryaŋgu ko ŋonyan; a nan mo ropakiŋdye se ko to ’diri, a nan mo teteŋdi ko lepeŋat tomoret na ti ’duddyö.

Yeremia 2:2

Iti, laije laŋa anyen ŋutu ti Yerusalema yiyiŋ adi nan MATAT lo kulya adi, Nan a yeye twöju nasu na nan köju nu gwoso twöju na ŋuro ’diet, iŋkoi, nan a yeye nyaŋu nasu gwoso na ’diet na pete yema, i diŋit nagon ta köju kebbu nan i yöbu, i kak nagon a ko kuru a gwe a ko ’yutuki kinyojin nu.

Yeremia 50:5

a se mo pije kiko lo tu Siona komorsikan kase juŋ a lepeŋ, kulya adi, Po ta, ti yi morakiŋdye ta ’börik ko MATAT i tomoret na yeŋ nyin, nagon mo ti böŋörikin kwöŋ na.

Ejikele 16:8

A na lwöŋöddi nan koti konut nyona nu, a nan meddi do, mete, a do gwe a nagon jujukin i yema, a nan panyakiŋdye kume lo boŋgo nio konut loki a muŋge to ’buson inot, iŋkoi, a nan iŋge milyekin do a teteŋdi tomoret ko do, a do iŋge wora a nio. ŋilo a kulyaet lio lo MATAT ŊUN.

Ejikele 34:25

A nan ko se mo teteŋdi tomoret na taliŋ; a nan mo tu ’baka ’yi gwuruŋin i jur, anyen ŋutu kwe böŋö gwolor ’bura i yöbu a dotoni ’bura i ruduö.

Osea 2:15

Nyu a nan mo nyokokiŋdye Lepeŋ lukobiot kanyit ti kaden ti binyo, a koŋdi ŋirit na ’dir na luŋu a Sasanyesi anyen wora a kotumit Yenet na kulya na ’but. Nyu a nye mo ruŋge gwoso i perok ti tuko ’disen nanyit, na pori nye kaŋo i jur lo Ejipeto nu.

Lewi 26:42

nyena a nan mo yiyiuŋdye tomoret nio ko Yakobo, a nan mo yiyiuŋdye tomoret nio ko Yisaka ko tomoret nio ko Abarayama, a nan mo yeyeji lu jur.

Lewi 26:45

ama kogwon kulya kase a nan mo yiyiuŋdye tomoret nio ko merenyejin kase logon nan köju a jon kaŋo i jur lo Ejipeto a jurön liŋ memeddya, anyen nan böŋö gwon a Ŋun lose: nan logon a MATAT.

Luka 1:72

Lepeŋ koti koju a kulya adi nye mo wowon konyen ko merenye-jin kaŋ, a nye mo yeyeji tomoret nanyit nake ko ŋutu kanyit.

Ebere 12:24

Ta aje ’dur ko Yesu i komor logon a katomoranit lo tomoret ludukötyo. Rima kanyit na ’bukwe kune tukökin-dyö yi no na ’but parik lwölwön no na tuk rima ti Ebele kune.

Ebere 13:20

Ŋun a toŋiju Matat likaŋ Yesu i twan, logon a kayukunit duma lo yidin kogwon ’bukwe na rima kanyit i tomoret nagon Ŋun a torukökin koyi ko milye lo yeŋ nyin.

Ebere 8:10

Ama na a tomoret nagon nan mo tetenakin i kötumit na Yisaraele i mukök na kilu perok, nan Matat lo kulya; nan mo titin saresi kwe kase i yeyeesi, a wurökiŋdye se kase i töilyet, a nan mo gwe a ŋun lose, a se mo gwe a ŋutu kwe.