Ejikele 16:53 - Bibilia Buk na Ŋun nagon koti luŋu a

⁵³ A nan mo nyökuŋdye Sodoma ko ŋwajik kanyit nawate, ko Samaria se ko ŋwajik kanyit nawate anyen se gwon ko komor na ’but, a i mukök a nan mo nyökuŋdye do ko se i pirit na geleŋ anyen do gwon ko komor na ’but.

Ejikele 16:53 ပူးပေါင်းရင်းမြစ်များ

Eyobo 42:10

A na kwasakiŋdye Eyobo julin kanyit nu, a MATAT nyokokiŋdye lepeŋ komor na ’but, a tiŋdi lepeŋ ŋo liŋ daŋin murek Iwolwoŋ ti kokwe kunu.

Saumajin 126:1

I diŋit nagon MATAT a toyitundyö bot yi ŋutu ti Siona i to ’duŋien nu, a yi gwe gwoso ŋutu lo rurudwe!

Saumajin 14:7

A, ko kodyö kalwokonit lo Yisaraele a pukun kaŋo Siona yu! Nyena a nyakwariat ti Yakobo de lyoŋi lyoŋon, iŋkoi, ŋutu ti Yisaraele de kwekweni i diŋit nagon MATAT a löpukun kulya ti ŋutu kanyit i gwon ’bura.

Saumajin 85:1

Pon MATAT, do a gwon ko ŋele na ’but ko Jur ilot; do a toyitundyö kulya ti kötumit na Yakobo i gwon ’bura.

Yisaya 1:9

Ko ködyö MATAT lo kurumi a ko kolokin yi a pitönö ku ’dik, a yi ködyö gwe gwoso Sodoma, a yi worani gwoso Gomora.

Yeremia 12:16

Koju lepeŋat a todinikiŋdyo ŋutu kwe i milyeju ko karin ti Bala, ama ko se mo jujumbu gwiliŋit lo ŋutu kwe i milyeju ko karin kwe adi, ’Diri ’diri gwoso na gwoŋdi MATAT na, a kirut lepeŋat mo puputuru ŋerot ko ŋutu kwe kiden.

Yeremia 20:16

Ti ŋilo ŋuto gwe gwoso köjino naŋon MATAT a sopuk ’bak won na konyen kune, ti lepeŋ yiŋge ŋutu i gwien i ko ’bure ko i lulujö i tuparan kiden,

Yeremia 31:23

Nan MATAT lo kurumi Ŋun lo Yisaraele lo kulya adi, A nagon nan aje ’dumara to ’dupien kaŋo kase nu, a se mo nyöggi jambu kulo kulyaesi i jur lo Yuda ko i köjinö kanyit adi, Do pirit nagon löti lo rigwo si ’da kata na, iŋkoi, do mere loke, ti MATAT ’boroji do!

Yeremia 46:27

Ama do Yakobo köliŋönit lio, an do ko kujönö, iŋkoi, do Yisaraele, an do ko delya, kogwon nan mo lwölwökun do pajo nyu, iŋkoi, nan mo lwölwökun nyakwa­riat kulök i jur lo gwoŋdi se a ’dupi lu. Kötumit inot na Yakobo mo yiyi­twe, a mo si ’dani ’bura ko taliŋ, a lele ŋuto mo gwe ’bayin lo tokujöŋdu se.

Yeremia 48:47

Ama nan MATAT lo kulya adi, I perok lo popo nan mo nyönyökun Moaba kaŋo i to ’dupien. Putet lo ’duŋöki Moaba ’duddyö ŋini.

Yeremia 49:39

Ama i perok lo popo kulu, a nan mo nyökuŋdye ŋutu ti Elam kaŋo i to ’dupien. Kilo a kulyaesi kwe ti MATAT.

Yeremia 49:6

Ama i mukök a nan mo nyökuŋdye ŋutu ti Amon kaŋo i to ’dupien. Kilo a kulyaesi kwe ti MATAT.

Ejikele 16:52

Do ködyö poŋga lawe inot, kogwon do köju a lilija adi kiösurök a narok, kölumbö do aje koŋdya po na mamana lwölwöŋ lepeŋat, nyena ti do gwe ko kwe na yu ko poŋgi lawe inot, kogwon do a koŋdya kiösurök ŋuru gwoso se a nake.

Ejikele 16:54

Ama do ködyö poŋoŋ lawe inot ko yu na kwe i po liŋ nagon do a kon kune, a kine kulya mo tulyöŋgi lepepat.

Ejikele 26:6

a ŋwajik kunök na gwon i jur kaŋo kune mo totokoni kak ko baŋdujin, a ŋutu liŋ mo dene den adi nan logon a MATAT.

Ejikele 29:14

A nan mo nyökuŋdye ŋutu ti Ejipeto lo gwon i to ’dupien kulu, a nan mo joŋdi lepeŋat bot i jur lo Patorosa logon se a pipiluŋdya kata lu, nyu a lepeŋat mo gwe ko tumatyan nagon a namunyan.

Ejikele 39:25

Nyenagon nan MATAT ŊUN lo kulya adi, Soŋinana nan de nyönyökun ŋutu ti Yakobo bot i to ’dupien, iŋkoi, nan wowon konyen ko kötumit na Yisaraele ’bukuluŋ; a nan mo yinöni kogwon karin kwe nake na rurwan.

Yoele 3:1

Kogwon mete, i kiden na kilu perok ko i ŋinu diŋit na nyokuŋdye nan ŋutu ti Yuda ko ti Yerusalema kaŋo i to ’dupien nu,