Ejikele 16:27 - Bibilia Buk na Ŋun nagon koti luŋu a

²⁷ Nyenagon meddi, nan a rioro ko-nin lio kaŋo i riŋga na do, a nan iŋge ’duŋoro kinyo ilot kak logon a tiki do lo, a ŋutukiŋdye do i pusok na ŋutu wa-te ti Pelesete nagon maman do kune, kusik kase koti a yu kogwon gwiliŋit ilot lo towuton.

Ejikele 16:27 ပူးပေါင်းရင်းမြစ်များ

2 Moran 24:2

A MATAT soŋdi teŋon ti ŋutu ti Kaledea, ko teŋon ti ŋutu ti Suria, ko teŋon ti ŋutu ti Moaba, ko teŋon ti ŋutu ti Amon i mörö ko Yeyoyakim, a soŋdi se i mörö ko jur lo Yuda i tukaŋu na lepeŋ gwoso kulyaet lo MATAT logon nye a kulyari ko köliŋönök kanyit nebijin i kutusen.

Saumajin 106:41

A nye pakindye se i könisi ti ŋutu ti jurön; nyena a merok kase tumatyane ko se.

Yisaya 3:1

Kogwon mete, MATAT logon a MATAT lo kurumi jojoŋga kaŋo i Yerusalema ko i Yuda go liŋ nagon ŋutu a tökökin ’börik kata kune, kweja adi kinyo ko pioŋ,

Yisaya 5:25

Nyenagon a woran na MATAT iŋge tulekin i ŋutu kanyit, a nye riöddi könin lonyit i lepeŋat, a gwuddye se, a merya böböŋdi böböŋdu; a öpuö kase gwe gwoso korodo i ’baŋin lukata. Nyena i kine kulya liŋ a woran nanyit tine wöriŋöddu kaŋo, a könin lonyit nyuŋ gwon i riöji kaŋo i riŋga na ŋutu.

Yisaya 9:12

Ŋutu ti Suria i swot lo ’yure ko ŋutu ti Pelesete i swot lo tokotyaŋ ŋaŋaju kutusen kase a nagalaŋak i nyesu na Yisaraele. Nyena i kine kulya liŋ a woran nanyit tine wöriŋöddu kaŋo, a könin lonyit nyuŋ gwon i riöji kaŋo i riŋga na ŋutu.

Yisaya 9:17

Nyenagon a MATAT tine pitökiŋdyö teton kase, a nye tine won konyen ko kikijikö kase kode karu ’bejin; kogwon ŋutu liŋ ti twöju Ŋun ko a katoronyak, a kutusen liŋ jajamaji a wuya. Nyena i kine kulya liŋ a woran nanyit tine woriŋoddu kaŋo, a könin lonyit nyuŋ gwon i riöji kaijo i riŋga na ŋutu.

Yeremia 34:21

A nan mo ŋutukiŋdye Sedekia mor lo Yuda se ko temejik kanyit ti miri i könisi ti merok kase logon ga ’yu tatuja se kulo, iŋkoi, i könisi ti kamörök ti mor lo Babela logon aje mijörö kaŋo kasu kulo.

Ejikele 14:9

A ko nebi a mumuluka a jamuŋdye kulya keet, ŋilo a nan MATAT lo mumulugga ŋilo nebi, a nan mo riöddi könin lio i tukaŋu na lepeŋ i kiden na ŋutu kwe Yisaraele.

Ejikele 16:37

nyenagon mete, nan mo tutun kanyarak kulök liŋ logon ta tulyoŋgu ’börik i pirit na geleŋ kilo, kweja adi se liŋ logon do nyanyar kilo se ko logon do maman kilo. A nan mo tutunuŋdye se liŋ i swötön liŋ i moro ko do, a nan mo panyakiŋdye lepeŋat to ’busön inot, anyen se meddya do i gwon a limu kana.

Ejikele 16:47

Do a ko mirakiŋdya gwiliŋisi kase ka ’de i koŋdya na po na mamana, ama i diŋit a na ’dit a do iŋge lwöŋ se i konesi kase liŋ narok.

Ejikele 16:57

kweja adi i ŋerot nagon toron inot a ko nyuŋ kweki köke nu? Soŋinana do aje wora a yuyuket na ŋwajik wate ti Suria se ko ŋutu na si ’da kanyit nyona, ko a yuyuket na ŋwajik wate ti Pelesete; kine a se nagon lorga do ko a lauŋdya do kune.

Ejikele 23:22

Nyenagon do Oliba, mete, nan MATAT ŊUN lo kulya adi, Nan mo totoŋiun kanyarak kulök i mörö ko do. Kilo a kanyarak logon do köju a löpukuŋdyö kaŋo kase ko dara ti ’bön se kulu, a nan mo joŋdi se i swötön liŋ konut ni i mörö ko do;

Ejikele 23:25

Nan mo yiyinöri do arabat, anyen se ködyö kitari do ko woran na pape. Lepeŋat mo ’du ’duŋun kumesikö se ko swö ti ŋutu kulök kaŋo, a ŋutu kulök lo pituŋdyö kulo mo tatuani ko baŋdujin. A lepeŋat mo momokaddi ŋwajik kulök lulyan ko nawate, a ŋutu kulök lo pituŋdyö mo totumöni ko kimaŋ.

Jepania 3:19

Mete, i ŋinu diŋit a nan mo kona-kiŋdye karudak kulok liŋ arabat. A nan mo lwöggi ŋutu logon a bata, a momori ŋutu logon aje toreki, a nan mo löpuŋge lawe nase a pupuret anyen kuörö i kak ’bukuluŋ.

Kweyatti 17:16

A oŋgwora puök lo met do kilo, se ko ŋilo gworoŋ, lepeŋat mo maman ŋina kawute; a se mo kölökiŋdye lepeŋ ’bak nene oŋ, a rösöddi boŋgwat kanyit kaŋo, a mo nyesi mugun nanyit a ’yuŋe lepeŋ ko kimaŋ.