Ejikele 16:18 - Bibilia Buk na Ŋun nagon koti luŋu a

¹⁸ A do ’dumuŋdye boŋgwat kunok nagon a ripaki tokwelenyesi kune a muŋge lepeŋat, a wukiŋdye se welet nagon kodyo wuki nan na, se ko bökur logon kodyo wuki nan lo.

Ejikele 16:18 ပူးပေါင်းရင်းမြစ်များ

Yeremia 1:16

A nan mo ’duŋökiŋdye putesi kwe i ŋutu kwe, kogwon toronjin liŋ nagon se a kon i kölokiŋdyö na nan kune; lepeŋat aje ’yurakiŋdya kulye ŋunyen bökur a kwakwaddi kita na könisi kase.

Ejikele 14:14

Nyena ma ’di kilu ŋutu musala logon a ko Noa, ko Daniele, se ko Eyobo ködyö gwolor nyu, lepeŋat ködyö lwökuŋdyö ru nase tuŋ kogwon torigwo nase. Ŋilo a kulyaet lio lo MATAT ŊUN.

Ejikele 16:10

A nan koti iŋge tojup do ko boŋgo nagon a ripaki tokwelenyesi, a tojubbi do ko kamuka lo ’but logon a tetena ko gobero, a doggi do ko kamba nagon a tetena ko boŋgo na waratat naparere nagon gworo go, a tojubbi do ko top nagon a kariri.

Ejikele 16:17

A do koti ’dumuŋdye minyojin kunok nake ti dakap nio se ko ti podo nio nagon nan a tikin do kune, a tetenakiŋdye mugun a nyomue-jin ti ŋutu lyan, a biryeri mugun ko lepeŋat a kawute.

Ejikele 16:19

A do koti ’dumuŋdye kinyo logon nan a tikin do anyen wowoji do lo, kweja adi ’bolot na jio a nalilipök. ko welet, se ko siwatat, a wukiŋdye lepeŋat a ŋo na mon paleleŋ. Ŋilo a kulyaet lio lo MATAT ŊUN.

Ejikele 23:41

a se si ’dani i dotoesi nakwekwelen, a iŋge petakin misajin kase i komor nagon se tiŋdi bökur lio se ko welet nio.

Ejikele 27:16

Ŋutu lo po Edom po konut ni i tujaŋu kogwon tito kunök jore parik, a lepeŋat togwouŋdye ŋo kunök ko ŋurupö nakwekwelen na luŋu a antarak, ko boŋgwat na ’bule, ko boŋgwat nagon a ripaki minyojin, ko boŋgwat naparere, ko ŋurupö nakwekwelen na luŋu a muŋan, se ko ŋurupö na luŋu a aŋatiso.

Osea 2:7

Nye mo kekeporo kanyarak kanyit, ama a nye mo tine ryo se, nye mo gagalara se, ama a nye mo tine ŋu se. A kirut nye mo kulyani adi, Nan mo yiyitwe i lalet lio lo kokwe, kogwon koju a na ’but koyo Iwo-lwöŋ na soŋinana na.

Nyökit 32:38

ŋilu lurutat logon a nyesu welet na rubaŋgajin kase, ko a möju binyo ti ’bu ’buket lo rubaŋga lose liya? Ti se ŋine ki i parakiŋdya na ta, ti se gaji ta!