Ejikele 14:14 - Bibilia Buk na Ŋun nagon koti luŋu a

¹⁴ Nyena ma ’di kilu ŋutu musala logon a ko Noa, ko Daniele, se ko Eyobo ködyö gwolor nyu, lepeŋat ködyö lwökuŋdyö ru nase tuŋ kogwon torigwo nase. Ŋilo a kulyaet lio lo MATAT ŊUN.

Ejikele 14:14 ပူးပေါင်းရင်းမြစ်များ

Suluet 6:8

Ama a Noa iŋge ryö ’busan ko MATAT i komor.Noa a teteŋdya ki ’bo

Suluet 7:1

A MATAT kulyani ko Noa adi, Po ta i ki ’bo lukata, do se ko mede inot liŋ; kogwon nan a met do a lo rigwo köyö i komor i Ŋutu ti na toberon.

1 Dekat 1:4

ko Noa, ko Seme, ko Ama, ko Yapete.

Eyobo 1:1

Koju ’beron lele ŋuto kata i jur lo Osa, karin kanyit a Eyobo, ŋilu ŋuto a loke ko a lo rigwo. Lepeŋ kukujono Ŋun ko maman kulya narok.

Eyobo 1:5

A nagon perok kase ti rorwe aje lwöggu nu, a Eyobo luŋgi lepeŋat a tiŋdi se i toke ’ya na ’borik a nye ŋine ŋien i kwökö a wukiŋdye rubaŋgajin lo ’yu ’yura ’buluŋ gwoso i kenet nase liŋ; kogwon Eyobo a kulya adi kode ŋona ŋwajik kanyit aje toroŋdya ko a renya ŋun kase i toilyet. Nyena a nye yeŋe koŋdya sona.

Tolupesi 11:4

Tukworien ’bak ’bulit i lor lo woran, ama loti lo rigwo Lwolwöggu ŋuto i twan.

Yeremia 11:14

Nyenagon do Yeremia, an do ko kwakwaddu kogwon kilo ŋutu, an do ko ’doggu gworo ilot ki i gwien ko nan kode i momo ’yu i kulya kase, kogwon nan mo ti yiŋ na luŋgi se nan i diŋit nase nagusu nu.

Yeremia 15:1

A kirut MATAT kulyani ko i nan adi, Ma ’di kodyo Mose ko Samuele a gwo ’dan koyo i komor i pija na nan, a töili lio mo tine Lopukuŋdyö i ŋutu ti Yuda. Sonye lepeŋat kaŋo köyö i komor, ko ti se iti!

Yeremia 7:16

Do Yeremia, an do ko kwakwaddu i kulya ti kilo ŋutu, ko ’doggu gworo ki i gwien kode i momo ’yu kogwon lepeŋat, an do ko piyuŋdya nan i kulya kase, kogwon nan de ti yiŋ do.

Ejikele 14:16

nan MATAT ŊUN lo kulya adi, ’Diri ’diri gwoso na gwoŋdi nan na, ma ’di kilo ŋutu musala ködyö gwolor nyu, lepeŋat ka ’de mo lo lwökö, a se ködyö tine lwökuŋdyö ŋwajik kase lulyan kode nawate, ama a jur ködyö konani a murwö.

Ejikele 14:18

nan MATAT ŊUN lo kulya adi, ’Diri ’diri gwoso na gwoŋdi nan na, ma ’di kilo ŋutu musala ködyö gwolor nyu, lepeŋat ka ’de mo lo lwökö, a se ködyö tine lwökuŋdyö ŋwajik kase lulyan kode nawate.

Ejikele 14:20

nan MATAT ŊUN lo kulya adi, ’Diri ’diri gwoso na gwoŋdi nan na, ma ’di ko Noa, ko Daniele, se ko Eyobo ködyö gwolor nyu, lepeŋat ködyö lwökuŋdyö ru nase tuŋ kogwon torigwo nase, a se ködyö tine lwökuŋdyö ŋwajik kase lulyan kode nawate.

Ejikele 16:18

A do ’dumuŋdye boŋgwat kunok nagon a ripaki tokwelenyesi kune a muŋge lepeŋat, a wukiŋdye se welet nagon kodyo wuki nan na, se ko bökur logon kodyo wuki nan lo.

Ejikele 16:20

a do ’dumuŋdye ŋwajik kulok lulyan ko nawate, logon do a yuŋwekin nan kulo, a wukiŋdye kilo nyomuejin a kinyo lose. Do yeyeju adi ŋina ŋo a na ’dit Iwolwoŋ wuton inot le?

Ejikele 18:20

Ŋuto logon a toroŋdya lo mo kakaŋu. A ŋuro mo tine poŋga kogwon toron na monye, a monye mo tine poŋga kogwon toron na ŋuro. Ŋuto lo rigwo ropaki torigwo nanyit, a katoronyanit ropakine toron nanyit.

Ejikele 28:3

Iŋkoi, do ’diri a lokoŋ lwölwöŋ Daniele; lwönö ti ’dela konut.

Ejikele 3:19

Ama ko do ködyö a takin ŋuto loron adi, Kunyar! a lepeŋ tine ’bön löpukuŋdyö kaŋo i toron nanyit, kode i kiko lonyit loron, lepeŋ mo twatwan nyuŋ gwon ko toron, ama a do mo lwöggi ru inot.

Daniele 1:6

Ti lepeŋat ködyö todinoni todino kiŋajin musala, a ko kilo kiŋajin aje ’baka, a ti lepeŋat ködyö kitakiŋdye mor. A i kiden na kulo teton gwe a ko Daniele, ko Kanania, ko Misaele, ko Ajaria logon a ti kotumit na Yuda.

Daniele 10:11

A nye kulyani ko nan adi, Daniele, do ŋuto lo nyanyara parik, yiŋe ’bura kune kulya nagon nan jamakin do kune, ŋine ki, kogwon nan a sunyue konut ni. A nagon nye nyuŋ jamakiŋdya nan kine kulya nu, a nan ŋine ki böböŋdu.

Daniele 9:21

a nagon nan nyuŋ kwakwaddu nu, a ŋilu Gabariele, logon nan a met köyö i yeyeesi i daŋ togeleŋ lo, nye lo ’dauŋdye ’de ’de köyö ni i diŋit na rubaŋga lo koriri i ’doro na kolor.

Daniele 9:23

I diŋit na suluje do kwakwaddu nu, saret a tiki, nyena nan a po i takiŋdya na do na lepeŋ, kogwon do nyanyara parik; nyena yeyene yeye ŋilu saret ko kuru kurun ŋo na met do kune.

Ebere 11:7

Ko ŋina yupet, Noa a yiŋ kukuesi ti Ŋun i kulya ti ŋo nagon a ko nyuŋ po, a lepeŋ iŋge twö kulya na jam Ŋun kune, a ’duŋge ki ’bo anyen lwöggu mede nanyit. Nyena kogwon yupet nanyit, a kak ’bukuluŋ iŋge ’duŋöki putet arabat, a lepeŋ iŋge wuju löti lo rigwo lo po kogwon yupet.

2 Petero 2:9

Konesi kase nagon koŋu saret kune totomi toili lonyit lo rigwo perok liŋ.Matat deden ko nye lwokun ŋutu lo twoju nye kulo ada kase i möriesi. Lepeŋ deden ’de ’ya ŋutu lorok i pirit ririŋet tojo ko lor ’dupet lo putet,