Ejikele 12:24 - Bibilia Buk na Ŋun nagon koti luŋu a

²⁴ Kogwon nebijin ’burönök mo ’bayin i Yisaraele logon jambu ’burönö i ŋo na met se, a ’bu ’buddye ŋutu ko to ’bunun.

Ejikele 12:24 ပူးပေါင်းရင်းမြစ်များ

1 Moran 22:17

A Mikaya kulyani adi, Nan a met ŋutu liŋ ti Yisaraele a rekin i merya kata gwoso yidin nagon ’bak kayu-kunit; a MATAT kulyani adi, Duma lo kilo ŋutu ’bayin; ti se liŋ geleŋ geleŋ yitöni kase i ’bapin ko taliŋ.

Tolupesi 26:28

Ŋedep lo ŋuto ’burönit mandu ŋuto logon nye sasan, a kutuk na ka ’bu ’busanit jondi kulya narok.

Delyasi 2:14

Nebijin kulok aje metakiŋdya do kulya kase i toilyet nagon a ’burönö ko a mumulukesi, se a ko timun lyaŋesi kunok anyen nyokuŋdyo do kaŋo i to ’dupien, ama se aje metakiŋdya do kulya kase i toilyet nagon a ’burönö ko a tulyaŋesi.

Ejikele 13:23

Nyenagon ta mo köti ti meddya kulya nagon a köpuröt kana kasu i töilyet, a mo tine galuŋdya ŋo i to ’bunun. A nan mo riŋuŋdye ŋutu kwe kaŋo kasu i könisi; a kirut ta mo dene den adi nan logon a MATAT.

Ejikele 13:6

Ŋo na met kilo nebijin kase i töilyet kune a köpuröt kana, ŋo na galun se i to ’bunun nase kune a ’burönö. Lepeŋat kulya adi nan MATAT lo jambu kine kulya, ama kudyakan nan MATAT a ko yökijö se; ama lepeŋat yen-du adi nan mo titikin kulyaesi kase wora a gwak.

Roma 16:18

kogwon ŋutu gwoso kilo ’bayin kitakiŋdya Kristo Matat likaŋ, ama lepeŋat kita pelela kase. A lepeŋat mumuluŋge töilyet ti ŋutu logon ’bak kulya kulo ko jamesi lo paleleŋ se ko kulyaesi ’bu ’busesi.

1 Tesalonike 2:5

Ta deden ’bura adi yi kwöŋ a ko Tambu kulya ’bu ’busesi; koti Ŋun a met yi adi yi kwöŋ a ko Tambu kulyaesi mumulukesi anyen muggo goma nikaŋ na ŋo kasu.