Ejikele 12:13 - Bibilia Buk na Ŋun nagon koti luŋu a

¹³ Ama nan MATAT mo gugubakin birya kanyit loki, a ŋina birya nio mo morgi lepeŋ. A nan mo joŋgi lepeŋ tojo Babela i jur lo ŋutu ti Kaledea, ama a nye mo tine met ŋilu jur; a nye mo twaki nyu.

Ejikele 12:13 ပူးပေါင်းရင်းမြစ်များ

Eyobo 18:10

A pata iŋge ’delaki kak lokari-kin lepeŋ, ridiket a ’delaki i gwoke lonyit.

Eyobo 19:6

dene ta den adi Ŋun lepeŋ aje kiun adi nan a loron, a iŋge kalapakin birya nanyit köyö i mugun.

Saumajin 11:6

Nye to ’doju kuk ti kimaŋ ko pisek gwoso kudu i ŋutu lorok; nye sondu köbuŋot lo ’yu ’yuŋa i riŋga na se.

Saumajin 66:11

Do a tolupökindyö yi i widi lukata, do a sopakindya yöyöŋesi kayaŋ i ki ’dirinö.

Yeremia 24:8

Ama nan MATAT lo kulya adi, Nan mo kokonakin Sedekia mor lo Yuda, ko ŋutu temejik ti miri nanyit, ko pitönö ti ŋutu ti Yerusalema logon a pitöki i lo jur kulo, se ko ŋutu lo wökön i jur lo Ejipeto anyen si ’da yu kulo, gwoso kilo ki ’biet lorok logon a lorok parik ti bulö nyei kulo.

Yeremia 32:5

a mor mo joŋgi Sedekia Babela yu, a mo si ’dani nyu tojo nan MATAT mo a tu i meddya na lepeŋ. ŋilo a nan MATAT lo jambu. Ma ’di ködyö ta a mörö ko ŋutu ti Kaledea a ta mo tine te ’ya.

Yeremia 34:3

A do mo tine rwosoddu kanyit i konisi, ama do ’diri mo momoka a ŋutu kine kanyit i konisi, a do se ko mor lo Babela mo tomete tomet ko ’börik, a ta mo jambi a lokomor; a do mo joŋani Babela yu.

Yeremia 37:17

A mor Sedekia sonyoddi ŋuto i joŋdya na Yeremia, a mor pije lepeŋ a lwön kanyit kadi adi, Lele kulyaet ŋona kata lo po ko MATAT yu le? A Yeremia waddi adi, Kata koi. A nye takiŋdye lepeŋ adi, Do mo wuwuki i könisi ti mor lo Babela.

Yeremia 39:7

A nye tomo ’dokeji Sedekia, a toŋi lepeŋ ko toŋot anyen joŋga lepeŋ tojo ko Babela.

Yeremia 50:24

Do Babela, nan aje lokakiŋdya do loket, do aje moka a do gwe a ko den; do a rye a iŋge moka, kogwon do a möŋu mörö ko nan MATAT.

Delyasi 1:13

Ki yu nye a sunyuŋdyo kimaŋ kak a iŋge to ’dukin koyo i kuyu, a nye iŋge rikin birya koyo i mokosi; a nye iŋge lopukun nan bot; lepeŋ aje kolokin nan kana, a nan iŋge doddya tuparan liŋ.

Delyasi 3:47

Kujönö, ko meyi, ko tukara, ko körit aje ’dukin kayaŋ loki.

Ejikele 1:3

a kulyaet lo MATAT poki köyö i Jur lo Kaledea nyona ko kare Kebar; nyu a riŋit na MATAT poki köyö i mugun.

Ejikele 12:6

A i sömukö, ’dumuŋdye tito kunök ko ’dukukiŋdye se konut i kwe ko iti kaŋo a lepeŋat memeddya. Ti do muke muk komor inot anyen do gwon ti met jur. Kogwon nan koŋdya do a kweyet i ŋutu ti kötumit na Yisaraele.

Ejikele 17:16

Nan MATAT ŊUN lo kulya adi, ’Diri ’diri gwoso na gwoŋdi nan na, ŋilo ŋuto mo twatwan Babela yu i jur lo mor lo tiŋdu nye i si ’daet na tumatyan lo, logon nye a lanu milye lonyit a ’beleŋgi tomoret nanyit lo.

Ejikele 17:20

A nan mo gubakiŋdye birya nio kanyit loki, a boyi nio mo morgi lepeŋ, a nan mo joŋgi lepeŋ Babela yu i jambu na putet, kogwon toron nagon nye a konakin nan na.

Ejikele 32:3

Nan MATAT ŊUN lo kulya adi, Na momori ŋutu jore ti jurön nu, a nan mo gubakiŋdye birya nio konut loki, a lepeŋat mo pikuŋdye do kaŋo.

Osea 7:12

A na tiri se nu, a nan mo gubakiŋdye boyi nio kase loki, a nan mo pikuŋdye se kak gwoso kwen ti ki, a nan mo riŋge se na yiŋge nan se i momora nu.

Luka 21:35

kogwon ŋilu lor mo pokin i ŋutu liŋ lo si ’da i kak ’bukuluŋ kulo.