Ejikele 1:4 - Bibilia Buk na Ŋun nagon koti luŋu a

⁴ A nan meddi meddya, mete, a köbuŋöt wome wukuŋdye i swöt lo lobot ko luru duma parik i pirit na geleŋ. Ŋilo luru kokobbu parik, a ŋedepa ti kimaŋ poŋi kaŋo a ’döri, a lukata na ŋina kimaŋ metani gwoso mölwö na nama a nyore kana.

Ejikele 1:4 ပူးပေါင်းရင်းမြစ်များ

1 Moran 19:11

A nye kulyani adi, Lupöni kaŋo, ko gwo ’de i mere ki ko MATAT i komor. Mete, a MATAT gwe i lwöpöddu, a köbuŋöt duma logon ko riŋit luggi merya a gwagwalaggi ŋurupö kase ko MATAT i komor ka ’de ka ’de, ama MATAT ’bayin i köbuŋöt; a i mukök na köbuŋöt a gwe a rigirigi, ama MATAT ’bayin i rigirigi;

2 Moran 2:11

A nagon se nyuŋ tu ŋerot jajamaddu nu, mete, a arabia lo kimaŋ lo jijiko ko kusanjin ti kimaŋ koŋi lepeŋat murek. A Eliya ’dokoni ki ko libibiu tojo i ’diko.

2 Dekat 5:13

A kakutak ti burugijin ko kayolok woŋoro ki i pirit na geleŋ i pupurja ko i tiŋdu na MATAT tinate. A se yoloddi parik ko woŋon na burugijin, ko re gwoesi se ko kunie tito gwoesi, i pupurja na MATAT adi, Kogwon nye a lo ’but, kogwon nyaŋu nanyit ti ’duddyo kwoŋ. A kirut ŋinu kadi nagon a na MATAT na iŋge jore ko luru,

Eyobo 38:1

A MATAT ruŋge Eyobo i lukata na köbuŋöt wome a pipije adi,

Saumajin 50:3

Ŋun likaŋ ŋoŋo, nye ti yiŋa taliŋ, kimaŋ tutulörö kanyit i komor, köbuŋöt wome wuwuggö kanyit i mara.

Yuörö 9:24

Nyena a torok ti kudu, ko kimaŋ na meme ’dekta i torok kata na ’do ’done ko riŋit a duma parik. Torok ti kudu gwoso kilo ’beron a ko gwon sona i jur lo Ejipeto liŋ suluja i pipilu nanyit a jur lo Ŋutu.

Yisaya 19:1

’Dole i kulya ti Ejipeto adi, Mete, MATAT popo i ’dikö na wökun ’de ’de, a ’duki Ejipeto; a nyömuejin ti Ejipeto mo böböŋdi i böböŋdu kanyit i komor, a töilyet ti ŋutu ti Ejipeto mö lwö ’yi lwö ’yu.

Yisaya 21:1

’Dolet i kulya ti yöbu na tör adi, Kulya narok popo i yöbu na sese, i kak na kukujönörikin, gwoso libibiöt ti swöt lo loki a wuköddu ŋerot.

Yeremia 23:19

Meddi ta köbuŋöt wome lo MATAT! Woran nanyit aje tu kaŋo gwoso libibiu lo pipiraddu ko riŋit; lepeŋ mo pipirakiŋdya i kusik ti ŋutu lorok.

Yeremia 25:32

MATAT lo kurumi lo kulya adi, Mete ta, kulya narok tu ŋerot suluja i jur tojo ko lele jur, kobuŋot wome wuwukuŋdyo suluja i ’dutesi ti kak!

Yeremia 25:9

Babela köliŋönit lio, a nan mo joŋdi se i mörö ko lo jur se ko ŋutu lo si ’da kata kulo, ko i mörö ko kilo jurön liŋ lo didiŋö kulo; a nan mo tukaŋi se asut, a koŋdi se a torigwökit, ko a ’diuket, ko a lomit ŋupi.

Yeremia 4:6

’Bilikiŋdye ta beret ki yuddya Siona, woki ta nyu i ’dana, an ta ko mordu ta, kogwon nan ŋilo jojoŋdya kulya narok i swot lo lobot, iŋkoi, tukaŋu nagon a duma parik.

Yeremia 6:1

Ta ŋutu ti Benyamina, lupene ta kaŋo i kiden na Yerusa­lema, wöki ta i ’dana! Kute ta tore Tekoa nyu, ’biliki ta beret na gor ki Betakerema nyu, kogwon ŋo naron ŋina pupukun i swöt lo lobot, kweja adi a tukaret duma parik.

Ejikele 1:27

a nan meddi ŋo gwoso mölwö na nama a nyore kana suluja i ŋo gwoso mukök nanyit tojo ko kwe, a gwe gwoso kimaŋ i pirit namet suluja kanyit i mukök tojo ko ’dapan, a parara na ŋo gwoso kimaŋ lolorgi lepeŋ.

Ejikele 13:11

Do Ejikele, taki ŋutu lo we ’ya ŋina gorom ko buya kilo adi ŋina gorom mo ’do ’doro; kudu mo ’do ’don a duma parik logon mumuluja, logon ’don ko torok mora ko köbuŋöt wome logon wuköddu ko riŋit.

Ejikele 13:13

Nyenagon nan MATAT ŊUN lo kulya sona adi, I woran nio na pape a nan mo kölöddi köbuŋöt wome, a i ŋoma nio a nan mo to ’doji kudu duma parik logon mumuluja, logon ’don ko torok i köŋu na ŋina gorom i woran nio.

Ejikele 43:3

A ŋo na met nan köyö i töili kune gwe gwoso na met nan na pöri nye i tukaŋu na köji nu, ko gwoso ŋo na met nan köyö i töili nyona ko kare Kebar kunu; a nan ’dorone kak rupu.

Ejikele 8:2

A nan iŋge meddya ŋo gwoso ŋuto; suluja kanyit i mukök tojo ko ’dapan meta gwoso kimaŋ, a suluje kanyit i mukok tojo ko kwe a kobbi gwoso mölwö na nama a nyore kana.

Jakaria 6:6

A arabia lo jiko ko kusanjin narwök lo iti i jur lo lobot, a lo jiko ko kusanjin nakwe lo iti i jur lo tokotyaŋ, a lo jiko ko kusanjin nanyete lo iti i jur lo loki.

Ebere 12:29

kogwon Ŋun likaŋ ’diri a kimaŋ na tototumbö.

Kweyatti 1:15

a mokosi kanyit kobbi gwoso mölwö nagon aje nama ko aje ŋoto a nake; a gworo lonyit gwe gwoso woŋon na karya jore adi wunu.