Ebere 11:9 - Bibilia Buk na Ŋun nagon koti luŋu a

⁹ Ko ŋina yupet, a Lepeŋ iŋge si ’da a lwakatyo i jur logon Ŋun a milyekin tiŋdu lepeŋ lu. A lepeŋ si ’dani i kemialan ko Yisaka se ko Yakobo logon Gun köti a milyekin tiŋdu se ŋo na geleŋ ŋina.

Ebere 11:9 ပူးပေါင်းရင်းမြစ်များ

Suluet 12:8

A nye ŋine ŋien nyu tojo i mere i swöt lo ’yure lo Betele, a nye ’beggi kemia nanyit nyu, a Betele gwe i swöt lo tokotyaŋ, a Ai gwe i swot lo ’yure. A nye dipakiŋdye MATAT nene ’yuret na rubaŋgajin nyu, a nye luŋgi karin ti MATAT.

Suluet 13:18

A Abarama toyuöddi kemia nanyit, a tu si ’dani nyona ko kaden logon a rinö ti Mamure, Keberon yu; a nye dipakiŋdye MATAT pirit ’yuret na rubaŋgajin nyu.

Suluet 13:3

a nye jölöni jölö, a ŋiörö i swöt lo Loki tojo Betele, i pirit na gwoŋdi kemia nanyit a kokwe nu, i kiden na Betele ko Ai,

Suluet 17:8

A nan mo tiŋdi do se ko nyakwariat kulok lo gwon konut i mukök kilo, jur lo mönuŋdye do kata lu, iŋkoi, jur lo Kanana liŋ, anyen gwon a lomore lo yeŋ nyin; a nan mo gwe a Ŋun lose.

Suluet 18:6

A Abarayama nyoŋgi lupö ko Sara i kemia yu, a kulyani adi, Temuŋdye ’de ’de pelela musala ti löjiet lo ’bolot naliliŋök, ko nute nut se a ambatajin.

Suluet 18:9

A se pipije nye adi, Niya Sara narakwan inot? A nye waddi adi, Manu i kemia lukata.

Suluet 21:34

a Abarayama iŋge si ’da ko perok jore i jur lo Ŋutu ti Pelesete.

Suluet 23:4

Nan gwon a lwakatyo lo si ’da kasu kiden ko diŋit a na ’dit; koraki ta nan pirit nuket a nio, anyen nan ködyö ’de ’yi öpu nio na an nan nyuŋ memeddya nye.

Suluet 25:27

A kilo ŋwajik ’duŋe ’duŋö, a Esau gwe a katogoranit lokoŋ, lepeŋ a ŋuto lo wöwörötu mu ’diŋ, ama a Yakobo duruni i kemialan.

Suluet 28:4

Ti nye tiŋdi do ’boriet nagon nye a ’boroji Abarayama na, do se ko nyakwariat kulök i pirit na geleŋ, anyen do morga jur logon do si ’da kata lu a lomore ilot, ŋilu a jur logon Ŋun köju a tikin Abarayama lu.

Suluet 31:25

A Labana ’dure ko Yakobo yu. Nyena Yakobo aje ’beggu kemia nanyit i mere, a Labana ko luŋasirik kanyit ’beggi kase i jur lo Gilada logon a merya.

Suluet 35:27

A Yakobo ’dure ko monye lonyit Yisaka Mamure yu Kiryat-arba (ŋina a Keberon), nu pirit nagon köju Abarayama ko Yisaka mönuŋdyö kata nu.

Suluet 36:7

Kogwon se gwon ko tukwörien a duma a se tine jukin si ’da i pirit na geleŋ; a lu jur lo mönuŋdye se kata lu tine jukin lepeŋat kogwon kulya ti toro ’bo kase.

Suluet 47:9

A Yakobo waddi Paro adi, Kiŋajin kwe logon nan a mönuŋdye i na kak kulo a kiŋajin mia geleŋ ko merya musala; kilo kiŋajin kwe ku ’dik ko a lorok, a tine töjowe ko kiŋajin lo mönuŋdye kobaba i na kak köju kulu.

Saumajin 105:12

I nu diŋit lepeŋat gwon a ŋutu ku ’dik i lu jur, iŋkoi, se ku ’dik parik ko a lwaka.

Yeremia 35:7

Ti ta gwe ti ’dukö kadijik; ti ta gwe ti weja nyomot; ti ta gwe ti ’yuddu kaden ti binyo anyen gwon ko luköbiöt ti binyo; ama ta ködyö si ’da i kemialan i perok kasu liŋ, anyen ta böŋö gwogwolor diŋit a najo i jur logon ta mönuŋdyo kata lo.

Ebere 6:17

Nyena ko ŋina kwe, Ŋun a milyeju anyen togo ’yu ŋo na ruk nye i tiŋdu na ŋutu. Lepeŋ a koŋdya sona kogwon nye ’de ’dekan adi ŋutu logon kodyo wuju ŋo na ruk nye kune, ti se dene den ’bura adi nye ti lopuggo kwoŋ.