Ebere 10:4 - Bibilia Buk na Ŋun nagon koti luŋu a

⁴ kogwon rima ti dwönin ko ti yidin ti bulö joŋga toronjin kaŋo kwöŋ.

Ebere 10:4 ပူးပေါင်းရင်းမြစ်များ

Saumajin 51:16

Kogwon do ti nyar rubaŋga; ko nan ködyö a ’yurakindya do rubaŋga ’buluŋ, a do ködyö tine lyöŋön.

Yisaya 66:3

Ŋuto lo ’duŋgö dwöt a rubaŋga lo gwon gwoso katatuanit lo ŋuto; a ka ’duŋönit lo kilolor gwe gwoso ka ’beleŋonit lo murut na ’dioŋ; a ŋuto lo wukiŋdya ’doket na ’bolot gwe gwoso ŋuto lo wukiŋdya rima ti wuri; a katinunit lo ’doket na bökur lokwe a toyeyeet, gwe gwoso kabulanit lo nyömue. Kilo liŋ aje wuluŋdyö kikolin kase, a tulyöŋgi ködudwölön kase ko manat kase;

Yeremia 6:20

Nyenagon ’bulit a nyo köyö, ma ’di nagon ta a yekuŋdya bökur köyö ni i jur lo Seba yu, kode i joŋdya na welesi na mon ’bura i jur lo pajo? Nan ti ’bön wuju rubaŋgajin kasu lo ’yu ’yura ’buluŋ; nan ti lyöŋön ko rubaŋgajin kasu lo ’du ’duŋö.

Osea 14:2

Teteŋdi ta kulyaesi kasu ajo ko yitwene ta ko MATAT ni; kulyani ta ko lepeŋ adi, ’Dumara toronjin liŋ; wuji go nagon a na ’but. a yi mo pupurje do gwoso ŋutu logon wukiŋdya rubaŋgajin.

Osea 6:6

Kogwon nan ’de ’dekan adi ti ŋutu nyare nyar nan ko nyaŋu nagon ti ’duddyö kwöŋ na, ti gwon i tiŋdu na rubaŋgajin; nan ’de ’dekan adi ti ŋutu dene den nan Ŋun lwölwöŋ ’yuŋa na rubaŋgajin.

Marako 12:33

Nyena ko ŋuto nyanyar Ŋun ko töili lonyit liŋ, ko kuruŋdyö nanyit liŋ, ko riŋit nanyit liŋ, a ko lepeŋ nyanyar marate gwoso mugun nanyit, kweja adi kine kulya lwölwöŋ rubaŋgajin liŋ lo ’yu ’yura se ko ’dokesi liŋ.

Yoane 1:29

A kotumalu Yoane meddi Yesu i po kanyit ni, a kulyani adi, Meddi ta Kilolor lo ŋun lo joŋga toronjin ti ŋutu ti na kak kapo malu!

Roma 11:27

A ŋina mo gwe a tomoret nio nagon nan a teten ko se i pirit na geleŋ i diŋit nagon nan joŋga toronjin kase kaŋo nu.

Ebere 10:1

Saresi ti Mose a tölimöt kana A ’bayin a ŋoji nöti gwak na ŋo na ’but na popo kune. Rubaŋgajin logon nyönyökö wuki temba i kiŋa kulo ti bulö tiŋdu kakwakwasak kulo i gwon a lo ’but jojo.

Ebere 10:11

Koanejin liŋ gwo ’dan i nyöggu i wukiŋdya na rubaŋgajin temba i lor. Kilo rubaŋgajin ti bulö joŋga toronjin kaŋo kwöŋ.

Ebere 10:8

A kokwe lepeŋ a kulya adi, Do ti ’bön rubaŋgajin ko ’dokesi, do ti lyöŋön ko rubaŋgajin lo ’yu ’yura ’buluŋ se ko rubaŋgajin ti toronjin, ma ’di nagon se a wuki gwoso i saresi nu.

Ebere 9:9

ŋilo a lilim logon kweja kulya ti na diŋit. Kweja adi ’dokesi se ko rubaŋgajin lo wuwuki kulo ti bulö tiŋdu töilyet ti kakwakwasak i gwon a lo ’but jojo,

1 Yoane 3:5

Ta a den adi, lepeŋ a pukun anyen lepeŋ böŋo joŋga toronjin ti ŋutu kaŋo, a toron gwe ’bayin ko lepeŋ.