Ebere 10:1 - Bibilia Buk na Ŋun nagon koti luŋu a

¹ Saresi ti Mose a tölimöt kana A ’bayin a ŋoji nöti gwak na ŋo na ’but na popo kune. Rubaŋgajin logon nyönyökö wuki temba i kiŋa kulo ti bulö tiŋdu kakwakwasak kulo i gwon a lo ’but jojo.

Ebere 10:1 ပူးပေါင်းရင်းမြစ်များ

Ebere 8:5

Kilo koanejin kita i ŋo nagon a miret ko a ködudwö kana na ŋo ti ki. gwoso na sarakiŋdye Ŋun Mose koju nu i diŋit nagon Mose gwe nyona ko ’bilikiŋdya na kemia ki nu, adi, Mete ’bura adi ti do tetene ŋo liŋ gwoso i miret nagon köju a kweki do i mere nu.

Ebere 9:11

Ama Kristo aje po a koane duma lo ŋo na ’but nagon gwe kata kune. Kemia nagon nye kita kata na a duma ko a na ’but bia parik, ’bayin a ŋuto lo teteŋdya, kweja adi ’bayin a ŋo na na kak na gwegweya na.

Kolosai 2:17

Kine ŋo tuŋ a ködudwö na ŋo na popo; ama ŋo gwak a Kristo lepeŋ.

Ebere 9:23

Nyena ŋo nagon mirakiŋdya ŋo ti ki kune agu kodyö tokela ko rubaŋgajin gwoso kilo, ama ŋo nagon a ti ki ’de ’dekan tokela ko rubaŋgajin logon a lo ’but bia parik lwölwoŋ se.

Ebere 9:25

Lepeŋ ’bayin nyöggu luŋö nyu daŋin jore i wukiŋdya na mugun, gwoso na luŋöri koane duma i Pirit Nake na Rurwan temba i kiŋa joŋga rima nagon ’bayin a kanyit na;

Roma 8:3

Ŋo nagon kilo Saresi ti bulö koŋdya kune kogwon kune mugunya kaŋ a namunyak, a Ŋun lo koŋdi. Lepeŋ a sunyuŋdyö Ŋuro lonyit ko mugun na Ŋuto gwoso mugunya kaŋ nagon totoroŋdya kune, kogwon kulya ti toron, anyen ’duŋökiŋdyö putet riŋet lo toron na gwon i mugun na ŋuto lo la kak lo.

Ebere 7:11

Köju kötumit na Lewi a wulwe a koanejin anyen saresi ti Ŋun tiki ŋutu ti Yisaraele. Ko ködyö tokoaŋan nase a temakiŋdya i tiŋdu na ŋutu i gwon jojo, ko nyo ŋilo koane lo pukun logon tokoaŋan nanyit gwon gwoso na Melekisedek, a gwe ka ’de ko tokoaŋan na Arona?

Ebere 10:22

nyena ti yi mijörö ta nyona ko Ŋun yu ko töilyet ti to ’diri logon ko yupet a duma, töilyet kaŋ logon deden adi yi a koŋdya toron kulo aje tokela, a mugunya kaŋ iŋge lalai ko piŋo nake adi lor.

Lewi 9:16

A nye tiŋdi rubaŋga lo ’yu ’yura ’buluŋ, a wukiŋdye lepeŋ gwoso i saret.