Daniele 4:3 - Bibilia Buk na Ŋun nagon koti luŋu a

³ Kweyesi kanyit a temejik, sörösi kanyit a ti riŋitön! Tumatyan nanyit a tumatyan na ti ’duddyö, a tomoran nanyit yepe i nyakwariat liŋ.

Daniele 4:3 ပူးပေါင်းရင်းမြစ်များ

Eyobo 25:2

Todumalan gwon ko Ŋun, lepeŋ kukujönörikin, lepeŋ teteŋdya taliŋ ki kanyit yu.

Saumajin 104:24

Pon MATAT, kitajin kunök jore mukunen! Do aje gweja se liŋ ko koŋon, kak a jore ko ŋo nagon do a gweja kune.

Saumajin 105:27

A se kondi kweyesi kanyit ko ŋutu ti Ejipeto kiden, iŋkoi, se kondya tusörösi i jur lo Ama.

Saumajin 145:13

Tumatyan inot gwon a tumatyan na yeŋ nyin, tomiriön inot yeyeŋon i nyakwariat liŋ. MATAT yiyiniki i kondya na ŋo liŋ na kulyari lepeŋ kune, ko a lo ’but i konesi kanyit liŋ.

Saumajin 66:7

Nye tutumatyan ŋupi kogwon riŋit nanyit, konyen kanyit memeddya jurön. Ti ŋutu karenyak gwe ti ŋikin ki i lepeŋ!

Saumajin 72:18

Ti MATAT Ŋun logon a Ŋun lo Yisaraele lo bulani bula, nye geleŋ lo kondya ŋo sörösi!

Saumajin 77:19

Kiko ilot gwon i tör na ’balaŋ kiden, gwokiot kulök gwon i törön dumalak kiden; ama a mokosi kulök tine metaji.

Saumajin 86:10

Kogwon do a duma, do kondya kulya sörösi, do geleŋ logon a Ŋun.

Saumajin 92:5

Pon MATAT, kitajin kunök teme-jik gwakunen! Yeyeesi kunök a nagululök parik!

Yisaya 25:1

Pon MATAT, do a Ŋun liŋ; nan de yuöŋgu do, a nan pupurje karin kunök; kogwon do aje koŋdya kulya sörösi, kulya na yeyeo ’beron nagon yiyiniki gwak.

Yisaya 28:29

Kine ŋo köti popö ko MATAT lo kurumi; a nye gwe a kajujuwanit katusörönit, ko a toguŋdya i kogon.

Yisaya 9:7

A ŋdi na tumatyan nanyit ko na taliŋ mo tine ’duddyö kwöŋ, i si ’daet na Dawidi, ko i loki na tumatyan nanyit, i togwo ’ya na lepeŋ go ko i tökökiŋdyö na lepeŋ ki ko ’duŋgö gwogwo ko löti lo rigwo, suluja i na diŋit tojo ko ŋupi ŋupi. Nyena a pusök na MATAT lo kurumi mo na koŋdi kine kulya.

Yeremia 10:10

Ama MATAT a Ŋun gwak; lepeŋ a Ŋun lo gwon jörun ko a Mor lo yeyeŋon ŋupi. Ko nye a woran a kak böŋdi böŋdu, a jurön tine bulö ŋoŋga ŋoma nanyit.

Daniele 2:2

A kirut mor tiŋdi saret adi ti nye lupukine ’bunuk, ko ŋutu lo jwojwoŋgu ko winiko, ko kawanak, se ko ŋutu lokoŋ ti Kaledea anyen ko nyonyokokiŋdyo lepeŋ rudweesi kanyit. Nyena a lepeŋat poŋdi po a gwo ’de gwo ’dan ko mor i komor.

Daniele 2:44

A i perok ti kilu moran a ŋun lo ki mo togwi ’dikiŋdye tumatyan nagon ti bulö tukara asut, a riŋit saret na ŋina tumatyan mo tine bulö tiki lele gweyari lo ŋuto. A lepeŋ mo gwagwalaggi kine tumatyanjin liŋ i tupesi a tukaŋi se adi sit, a nye mo na yeŋe ŋupi;

Daniele 4:17

ŋina ’duŋet a saraki ko kamemetak, a iŋge lilia ko kilu loke kulu, anyen ŋo lo gwon jorun kulo boŋo deden adi Katoŋanit lo ki liŋ logon a kasaranit lo tumatyan na ŋuto, a tiŋdi tumatyan i ŋuto logon nye ’de ’dekan, a tiŋdi ŋuto kana a temejik ti tumatyan.

Daniele 7:14

A lepeŋ iŋge tiki tomoran ko minyo se ko tumatyan, anyen gweyajin lio ti ŋutu, ko juron, ko ŋuto lo jambu kutusen ka ’de ka ’de ködyö kitakiŋdya lepeŋ; tomoran nanyit a tomoran na yeyeŋon ŋupi nagon molu ti bulo ’duddyo, a tumatyan nanyit mo tine bulo toliki asut.

Daniele 7:27

A tumatyan ko tomoran ko todumalan ti tumatyanjin ti kak ’bukuluŋ molu tikine ŋutu loke ti Katopanit lo ki liŋ; a tumatyan nase mo gwe a tumatyan na yeyeŋon ŋupi, a tomoran liŋ mo kitakiŋdye a twöji lepeŋat.

Roma 11:33

Wö, tukwörien na Ŋun, ko koŋon nanyit se ko deŋdya nanyit na kulya a nagululök ’bak ’dutet! Wö, ŋuto a ŋa logon bubulö tokoŋu ’duŋgö nanyit na putet? Ŋuto a ŋa logon bubulö ryeju kikolin lo tiri nye kulo?

Nyökit 4:34

Kode lele ŋun ’beron a möŋu tu i riŋaddu na lele jur a lonyit i kiden na jur lele ko möriesi, ko kwe-yesi, ko tusörösi, ko ŋor, ko könin iŋgo lo riöji, se ko tokujönöesi temejik, gwoso i ŋo liŋ nagoŋ MATAT ŋun losu aje konakin ta Ejipeto kasu i metet nu le?

1 Timoteo 1:17

Nyena ti Mor lo yeŋ nyin logon ti twan, logon ti bulö meta, Ŋun lo geleŋ, ti nye gotani ko bulani ŋupi ŋupi! Amin.

Ebere 1:8

Ama na jambi Ŋun i kulya ti Ŋuro lonyit nu, a nye kulyani adi, Pon Ŋun, si ’daet inot na tumatyan yeyeŋon ŋupi. Ture ilot lo tumatyan a ture lo loti lo rigwo.

Ebere 2:4

Ŋun koti ko mugun nanyit a toggu ŋo na tokor se kune a tokoŋ adi a gwak, i tiŋdu na kweyesi, ko sorosi, ko kitajin temejik ka ’de ka ’de, ko i gwelakiŋdya na ’dokesi ti Mulokotyo Loke gwoso na ’deggi nye na.

1 Petero 4:11

Ko lele nuto totokujö ti nye tokuje kulyaesi gwoso lo lupe ko Ŋun i kutuk; ko lele ŋuto kikitakiŋdya, ti nye kitani i riŋit nagon po ko Ŋun, anyen Ŋun pupura i ŋo liŋ kogwon Yesu Kristo. Ti bulet ko riŋit gwe ko lepeŋ ŋupi ŋupi. Amin.

Kweyatti 11:15

A malaikatat toburyo lo kuddye buruŋ i lonyit; a gworolo lobot gwe kata ki yu logon kulya adi, Tumatyan na na kak soŋinana gwe a na Matat likaŋ ko a na Masia lonyit, a lepeŋ mo tumatyane tumatyan ŋupi ŋupi.