Daniele 1:4 - Bibilia Buk na Ŋun nagon koti luŋu a

⁴ Kilo teton ködyö gwon ’bak yuyukesi kase i mugunya; se ködyö gwon a lokwekwelen ko a lotolokok i denesi liŋ, ko a jore ko koŋon ko kuruŋdyo ko deŋdya, ko koti bubulo kita i kadi na mor. Ti Asepenaja todiniki lepeŋat i wuŋo ko i jambu na kutuk na ŋutu ti Kaledea.

Daniele 1:4 ပူးပေါင်းရင်းမြစ်များ

Suluet 41:46

A Yosepa gwe ko kiŋajin merya musala na lupökine nye i kita na Paro mor lo Ejipeto nu. A Yosepa iti kaŋo ko Paro i komor, a wöröddi i jur lo Ejipeto liŋ.

2 Samuele 14:25

A lele ŋuto gwe ’bayin i Yisaraele liŋ logon kwelen nanyit kukwön lwö-lwöŋ na Abisaloma; a nene yuyuket gwe ’bayin kanyit suluja i ’dapan ti mokosi kanyit tojo ko juruku ’diet nanyit.

Tolupesi 22:29

Do a meddya ŋuto lokoŋ i kita nanyit le? Lepeŋ mo kitakindya moran, a mo tine kitakindya ŋuto logon ti dena.

Katokuönit 7:19

Koŋon tindu ŋuto lokoŋ riŋit lwölwöŋ kasarak ŋuök lo gwon köji.

Yisaya 36:11

A Eleyakim, ko Sebena se ko Yöak kulyani ko Rabasake adi, Boŋo kulyani ko kolipönök kulök ko kutuk na Aram, kogwon yi yiyiŋ lepeŋ; an do ko jambu koyi ko kutuk na Yudayaki i yiŋa ko ŋutu lo gwon i loki na mariŋ nagon a gorom köo.

Yeremia 5:15

Ta kotumit na Yisaraele, mete ta, nan jajakin ta ŋutu ti jur lo pajo i moro ko ta, ŋilo a nan MATAT lo jambu. Lepeŋat a ŋutu ti jur lo ’beron logon yeyeŋon, se a ŋutu ti jur logon ta ti den kutuk nase, kode yiŋga ŋo nagon se jajam kune.

Daniele 2:10

A ŋuto ti Kaledea kulo ruŋge mor adi, Lele ŋuto ’bayin i kak ni logon bubulö titimba kulya ti mor, kogwon mor duma ko riŋit ’beron a ko pija ŋo gwoso ŋina kwöŋ ko lele ’bunit kode ŋuto lo jwöjwöŋgu ko winikö, kode ko ŋuto lo Kaledea.

Daniele 2:2

A kirut mor tiŋdi saret adi ti nye lupukine ’bunuk, ko ŋutu lo jwojwoŋgu ko winiko, ko kawanak, se ko ŋutu lokoŋ ti Kaledea anyen ko nyonyokokiŋdyo lepeŋ rudweesi kanyit. Nyena a lepeŋat poŋdi po a gwo ’de gwo ’dan ko mor i komor.

Daniele 3:8

A i ŋinu diŋit a kulye ŋutu ti Kaledea poŋdi ŋerot i ’buronokiŋdyo na Yudayaki,

Daniele 4:7

A kirut ’bunuk, ko ŋutu lo jwöjwöŋgu ko winikö, ko ŋutu lokoŋ ti Kaledea, ko katökorok ti kulya poŋdi köyö ni; a nan takiŋdye se ŋina rudweet; ama a lepeŋat tine den nyönyökökiŋdyö nan tokoret nanyit.

Daniele 5:11

Ŋuto kata konut i tumatyan logon ko mulökötyo lo Ŋun loke. I perok ti munyi köju nu, parara, ko kuruŋdyö, ko koŋon gwoso na ŋunyen a rye ko lepeŋ, a monye ilot mor Nebukadanesar iŋge tikin lepeŋ a duma lo ’bunuk, ko lo ŋutu lo jwöjwöŋgu ko winikö, ko lo ŋutu lokoŋ ti Kaledea, se ko lo katökorok ti kulya.

Daniele 5:7

A mor maraŋgi maraŋgu parik adi ti nye lupukine ŋutu logon jwöjwöŋgu ko winikö, ko ŋutu lokoŋ ti Kaledea, se ko katökorok ti kulya. A mor kulyani ko ŋutu lokoŋ ti Babela kulo adi, Ko logon a keŋdya kilo saresi, ko a tokurukiŋdyo nan se, nye de totojupu ko boŋgo na ’bule, a nyorite logon a dakap de lilikine kanyit i murut, a lepeŋ gwe a kasaranit tomusala lo tumatyan.

Daniele 9:1

A i kiŋa lo kokwe lo Dario ŋuro lo Akasuwero lo kotumit na Madai, logon a gwon a mor lo tumatyan na ŋuto ti Kaledea,

Jakaria 2:4

a kulyani ko lepeŋ adi, Woki, ko taki lu titinti adi, Yerusalema mo si ’darikin gwoso turon logon ’bak mari-ŋan, kogwon tojore na ŋutu ko na toro’bo na gwon lukata.

Konesi 7:20

A i ŋinu diŋit a Mose iŋge yuŋwe a ŋuro logon kwekwelen ko nyanyara ko ŋun. Lepeŋ a wowoa ko monye midi yapala musala,

Konesi 7:22

A Mose iŋge todiniki koŋon liŋ na ŋutu ti Ejipeto, a nye gwe ko riŋit i kulyaesi kanyit ko i konesi kanyit.

Epeso 5:27

anyen nye böŋö kweja kanisa kanyiti komor kwekwelen ’bak nene pirit nagon a ’yota ma ’di a na ’dit, kode kiritwan, kode kunie go gwoso kine. ama anyen se boŋö gwon a loke ’bak yuyuket.

Ka’duŋök 8:18

Nyena a nye pipije Jebak ko Salamu na adi, ŋutu logon ta a tatu Tabor yu kulu kulya kase gwon ada? A se waddi adi, Se liŋ geleŋ geleŋ neta gwoso do lepeŋ; se meta gwoso ŋwajik ti mor.