Abakuk 3:8 - Bibilia Buk na Ŋun nagon koti luŋu a

⁸ Pon MATAT, do woran ko karya le? Do tukaŋan ko tör? Na woggiri do ko arabiajin kulok lo jikö ko kusanjin do wöro a katelanit.

Abakuk 3:8 ပူးပေါင်းရင်းမြစ်များ

Saumajin 104:3

do a ’du ’yu kaden ti kadi inot i pioŋ lukata. Do a tetendya ’dikolo a arabia ilot, do ’do ’doko i loki na köpukön ti köbuŋöt.

Saumajin 114:3

A tör na ’balaŋ ko meddi a wöki wökön, a Yardene iŋge wöriŋwe bot.

Saumajin 114:5

Nyo lo kondya do ŋon tör na ’balaŋ, na wöggiri do na? Do Yardene, nyo lo kondya do na wöripöri do na?

Saumajin 18:10

A nye iti i keruba ki, a ’daji ’daju; iye, a ’dayaddi ’de ’de i kopukön ti köbuŋöt.

Saumajin 45:4

Gwoso nagon do a mor na wöki kaŋo ko kusan i te ’ya, wöki i kulya ti to ’diri ko i kulya ti löti lo rigwo! Könin ilot lutaten de kondya kulya tokujönöesi!

Saumajin 68:17

Na ŋondi MATAT Sinai yu tojo i ŋirit nanyit nake na rurwan, arabiajin kanyit lo jijiko gwon a aliŋan ti aliŋan daŋin jore.

Saumajin 68:4

Yulukindye ta Ŋun puresi, yo ’yi ta ’dindya karin kanyit; ’Du ’duli ta kiko a lo nye logon ’du ’duŋaddu i yöbuöt ti sese. Karin kanyit a MATAT, nyolani ta kanyit i komor!

Saumajin 77:16

Pon Ŋun, na meddi karya do na, a se kujönöni kujönö, a togulu na tör iŋge böböndu.

Yuörö 14:16

Kölumbö ’doggi ture ilot ki, Riörö könin ilot yuddya tör anyen kokoŋa, anyen Ŋutu ti Yisaraele wöröji i kak nateyon i kiden na tör.

Yuörö 7:19

A MATAT kulyani ko Mose adi, Taki Arona adi, ’Dumuŋdye ture ilot ko riöddi könin ilot ko ŋilo ture yuddya pioŋ ti Ejipeto, ko karya kase, ko luruki kase, ko törön kase, ko joran kase liŋ, anyen se böŋö wora a rima; a rima mo gwe i jur lo Ejipeto liŋ, ko i keria, ko i sapya logon a ŋurupö Köti.

Yuörö 7:20

A Mose ko Arona koŋdi sona gwoso nagon MATAT a saŋi nu; a Arona ’doggi ture lonyit lo ki, a gwuddye pioŋ ti Supiri kune a Paro se ko kölipönök kanyit kulo memeddya, a pioŋ liŋ ti Supiri worani a rima.

Yisaya 19:1

’Dole i kulya ti Ejipeto adi, Mete, MATAT popo i ’dikö na wökun ’de ’de, a ’duki Ejipeto; a nyömuejin ti Ejipeto mo böböŋdi i böböŋdu kanyit i komor, a töilyet ti ŋutu ti Ejipeto mö lwö ’yi lwö ’yu.

Yisaya 50:2

Ko nyo na poŋdi nali ra, a ŋuto gwe ’bayin? Na luŋgi nan na, ko nyo ŋuto lo ruruggö ’bayin? Könin liŋ ’diri a lorutut le a nye tine bulö dakuŋdya? Kode nan ’bak riŋit i riŋuŋdya le? Meddi, nan towere ’yu tör ko riŋet nio, a nan tiŋdi karya i gwon a yöbu; a somot kase mone mon kogwon ’baka na pioŋ, a twatwane twatwa ko kure.

Yisaya 66:15

Kogwon meddi, MATAT popo i lukata na kimaŋ, ko arabiajin kanyit lo gwon gwoso libibiu, i kita ko woran nanyit na pape, ko i riŋga ko woran nanyit nagon gwoso ŋedepa ti kimaŋ.

Naum 1:4

Lepeŋ ririŋ tor na ’balaŋ a toliliŋge nye adi kworok, a towere ’yi karya liŋ; a Basan ko Karmela riŋe riŋon, a ŋo ti Libanon na wilun kune nopara nopara.

Abakuk 3:15

Do se ko kusanjin kulök a ryo-gga tör duma na ’balaŋ nagon ya ’yu ki parik ko riŋit.

Marako 4:39

A nye purwene purwe, a riŋge kobuŋot, a kulyani ko tör adi, Gwe taliŋ! Gwo ’de taliŋ! A kobuŋot kö ’yi wuggo, a ŋo liŋ gwe taliŋ adi lii.

Kweyatti 16:12

A malaikatat tobuker lo ’bukökiŋdye woran na gwon kanyit i diköri kata na i kare duma Perat; a pioŋ kanyit wereyone wereyo anyen gwon a kiko lo moran lo ŋo i swöt lo ’yure.

Kweyatti 19:11

A kirut nan meddi ki gwon ŋa; mete, a kusan nakwe gwe nyu, a nye lo si ’daki kanyit loki lo luŋuni a lo To ’diri ko a logon Ti löpuggö kwöŋ; lepeŋ ’duŋgö putet gwogwo, a möröni gor ko torigwo.

Kweyatti 19:14

A teŋon ti kamörök ti ki kepoddi lepeŋ, wörö ko kusanjin nakwe ko a jupu boŋgwat na ’but nakwe ko a nake.

Kweyatti 6:2

A nan meddi kusan nakwe gwe nyu, a ŋuto lo wökön ko lepeŋ lo gwe ko daŋ, a Iŋguya iŋge tiki lepeŋ, a lepeŋ iti kaŋo a katelanit logon tu i te ’ya.