Abakuk 3:2 - Bibilia Buk na Ŋun nagon koti luŋu a

² Pon MATAT, nan a yiŋ lore ilot, pon MATAT, kita inot a tiŋdu nan i kujono. Nyoggi kita inot i kiden na kiŋajin, tiki nye i dena i kiden na kiŋajin; ko do a woran, yeyeji won konyen ko ŋutu.

Abakuk 3:2 ပူးပေါင်းရင်းမြစ်များ

Ejira 9:8

Nyena soŋinana pon MATAT Ŋun likaŋ, do a kwekiŋdya yi ’busan diŋit a na ’dit i kölökiŋdyö na yi a pitönö ti ŋutu, ko a ’bikikiŋdyö yi kaluti a monowet nikaŋ i pirit nake na rurwan inot, anyen do pon Ŋun likaŋ, böŋö ŋaŋa konyen kaŋ a loke i torujö na yi madaŋ kayaŋ i to ’dupien.

Eyobo 42:5

Nan köju aje yiŋ liŋio kulök, ama soŋinana nan aje met do;

Saumajin 119:120

Mugun nio böböndu kogwon nan kukujönö do, a nan kujönöni ŋo na ’duŋ do kune.

Saumajin 25:6

Pon MATAT, yeyeji yatesi kunök; yeyeji nyaŋu inot nagon ti ’duddyö kwöŋ na, kogwon se yiyiŋun suluja ’beron.

Saumajin 38:1

Pon MATAT, an do ko riŋ nan i woran inot, köti ko kukuju nan i woran inot na pötwör!

Saumajin 44:1

Pon Ŋun, yi a yiŋ ko swö kaŋ, merenyejin kaŋ a takindya yi kitajin kunök liŋ nagon do aje kondya i perok kase, i perok ti ’beron kulu,

Saumajin 71:20

Do a tindu nan delyaesi jore na totomijö, ama do mo torujö nan köti; a do mo ’dumundye nan kaŋo i piritön nagululök ti kak.

Saumajin 78:38

Ama Ŋun a kayatanit, lepeŋ ŋiŋitökin lyaŋan nase a tine tukaŋu se; diŋitan jore a nye teŋgi woran nanyit, a tine wiwijö ŋoma nanyit liŋ.

Saumajin 85:6

Do ŋona ti torujö yi, anyen yi ŋutu kulök bubulö lyöŋön ko do le?

Yisaya 53:1

Ŋa logon a yuŋ lore logon yi a tuk lo? Riŋit na Matat a kweki ŋa?

Yisaya 54:8

Nan a ’de ’ya komor nio ko do diŋit a na ’dit i burökuŋdyö na woran nio, ama a nan mo wone konyen ko do ko nyaŋu nagon ti ’duddyö. Kilo a kulyaesi kwe ti MATAT logon a kadakanit ilot.

Yisaya 63:15

Ku ’diluŋdye kak ki yu, metuŋdye kak i pirit gwiliŋit inot nake nakwekwelen. Niya pusök inot? Kuniya könesi kunök ti tuwalan? Liya töili ilot lo nyaŋu logon do yögöri ŋutu lo?

Yisaya 66:2

Kogwon könisi kwe a gweja kine ŋo liŋ, a kine ŋo liŋ gwe a kwe, nan MATAT lo kulya. Ama ŋuto logon nan memet lo a lomeri ko a muyukaji kak kanyit i ködudwö, logon böböŋdu kogwon kulyaet liŋ.

Yeremia 10:24

Pon MATAT, riŋge nan, ama riŋge ko temet na gwon jojo, ’bayin ko woran inot abur, anyen do gwon ti tu ’baka ’yu nan.

Yeremia 10:7

Pon Mor lo jurön, ŋa logon tikujönö do? kogwon do ködyö kukujönörikin. Lele ’bayin gwoso do i kiden na ŋutu lokoŋ liŋ ti jurön, ko i kiden na tumatyanjin kase liŋ.

Yeremia 29:10

Kogwon nan MATAT lo kulya adi, I mukök nagon kiŋajin merya buryo aje ’baka Babela nu, a nan mo ’yö ’yi ta, a nan mo konakiŋdye ta milye lio, a mo nyökuŋdye ta bot i na pirit.

Yeremia 46:28

Nan MATAT lo kulya adi, Ta kötumit na Yakobo köliŋönit lio, an ta ko kujönö ta, kogwon nan gwon ko ta. Nan mo totogirökin jurön liŋ logon nan aje riköddu ta kata kulu, ama a nan mo tine togirökiŋdyö ta. Nan mo ti kölörö ta i tu kana ’bak riŋa, ama nan mo ririŋ ta ko temet na gwon jojo.

Delyasi 3:32

nyena ma ’di nagon nye totomöŋ ŋutu, ama nye wowon konyen ko se gwoso nagon nyaŋu nanyit a duma nagon ti ’duddyö kwöŋ na;

Daniele 8:17

Nyena a lepeŋ poŋdi i ŋinu pirit na gwo ’di ’e nan nu; a nagon nye aje ’durökin nu, a nan iŋge kujono a ’dorone kak rupu. Ama a lepeŋ kulyani ko nan adi, Dene den pon ŋuro lo ŋuto. adi kine kulya kweja diŋit na ’dutet.

Daniele 9:2

i kiŋa lo kokwe lo saŋu nanyit nan Daniele gwon i keŋdya na bukon ti Ŋun. A nan kuruŋdye i kulyaesi ti MATAT lo jama ko nebi Yeremia kulo adi, Yerusalema mo kölöki a murwö tojo ko kiŋajin merya buryo a ’duddyö.

Abakuk 3:1

Kwaset lo nebi Abakuk adi,

Abakuk 3:16

A na yiŋge nan kine ŋo liŋ nu, a mugun nio boŋdi böŋdu, a lo ’biyulan kwe böböŋdi böboŋdu i yiŋga na woŋon nanyit; a kuyu kwe gwe a lokolokak, a mokosi kwe ka ’yi ka ’yu. A nan mo mordi taliŋ lor delyaet logon mo pokin i ŋutu logon po i moro koyi.

Jakaria 1:12

A malaikatat lo MATAT pipije adi, Pon MATAT lo kurumi, diŋit ŋornan nagon do tine won konyen ko Yerusa-lema se ko köjino ti Yuda, kogwon do aje woran ko se kilo kiŋajin merya buryo?

Yoane 10:10

Kolanit po tuŋ i koko ’ya, ko i tatuja, ko i tukaŋu. Nan aje po anyen lepeŋat böŋö gwon ko ru, ko anyen wuju abur.

Roma 10:16

Ama a ŋutu liŋ gwe a ko tiŋdu tirikwet nase i yiŋga na lore lo ’but. Kogwon Yisaya köju a kulya adi, Pon Matat, ŋa logon a yuŋ lore logon yi a tuk lo?

Pilipoi 1:6

Nan yuyuŋ adi Ŋun logon a suluja kita na ’but kasu i mugunya lo mo tutuŋokin kita nanyit ajo i lor lo pöri Yesu Kristo lu.

Ebere 11:7

Ko ŋina yupet, Noa a yiŋ kukuesi ti Ŋun i kulya ti ŋo nagon a ko nyuŋ po, a lepeŋ iŋge twö kulya na jam Ŋun kune, a ’duŋge ki ’bo anyen lwöggu mede nanyit. Nyena kogwon yupet nanyit, a kak ’bukuluŋ iŋge ’duŋöki putet arabat, a lepeŋ iŋge wuju löti lo rigwo lo po kogwon yupet.

Ebere 12:21

Inkoi, a no na met se kune torigwöggi torigwöggu a tusöŋi tusöŋu, ma ’di a Mose kulyani adi, Nan bö-böŋdu parik ko kujönö.

Kweyatti 15:4

Pon Matat, ŋa logon ti kujönö do? Ŋa logon ti bu ’ya karin kunok? Kogwon do geleŋ a loke. Ŋutu ti jurön liŋ mo ŋoŋo a dulakine kak i twoju na do, kogwon konesi kunok na rigwo aje kweya.