Abakuk 2:2 - Bibilia Buk na Ŋun nagon koti luŋu a

² A MATAT waddi nan adi, Wure wur po nagon do a met, wuroki se i go ’boro ko wuresi nagon polilyo i kena anyen ŋutu jojo keŋdya wulek.

Abakuk 2:2 ပူးပေါင်းရင်းမြစ်များ

Yisaya 30:8

Soŋinana, iti tu wuröki lepeŋat kine kulya igö ’bor, ko wuröki se i buk, anyen yeŋon a tokoret ŋupi i diŋit na ’popo.

Yisaya 8:1

A MATAT kulyani ko nan adi, ’Dumuŋdye go ’bor duma ko wurokiŋdye nyin ko wuresi logon polilyo i kena adi, A kulya ti Maer-salala-kasabaja.

Yeremia 30:2

Nan MATAT ŋun lo Yisaraele lo kulya adi, Wure wur kulyaesi liŋ logon nan aje jamakin do kulo, wuröki se i buk.

Daniele 12:4

Ama do Daniele, kiŋdi buk na kilo kulyaesi ko nya ’doddi lepeŋ tojo ko diŋit na ’dutet. A ŋutu jore mo wöwokine i swötön liŋ, a deŋdya na kulya mo pöine ŋdi.

Daniele 7:1

A gwe sona i kiŋa lo kokwe lo gwoŋdi Belesasar a mor lo Babela nu, a Daniele rudweni rudwe a meddi ŋo kanyit i yeyeesi na gwoŋdi nye kanyit i dotoet nu. A nye wurökiŋdye ŋina rudweet kak. ŋina a suluet na kulya.

Roma 15:4

Kogwon kulya liŋ ti Ŋun na wurö köju ’beron kunu a wurö a todinesi kaŋ, anyen se böŋö togo ’yu yi anyen yi gwo ’dan go i yeŋdu na Ŋun.

1 Korinto 14:19

ama ko nan gwon i momoret na kanisa i kwakwaddu, nan ködyö nyanyar jamuŋdya kulyaesi mukanat logon po köyö i denesi anyen nan ködyö todiŋdyö kulye ŋutu kilo, lwölwöŋ rurutuŋdya na kulyaesi aliŋan puök i kutuk nagon ka ’de.

2 Korinto 3:12

Nyena kogwon yi gwon ko yenet gwoso ŋina, a yi tokuje ko topurwan.

Nyökit 27:8

a ta ködyö wurökiŋdye i loki na kilo ŋurupö kulyaesi liŋ ti kilo saresi a lo kukurwe ko a lo ’but.

Nyökit 31:19

Nyenagoŋ ti do wurökiŋdye ŋilo köli a losu, ko ti do tojumukiŋdye ŋutu ti Yisaraele i yolo na nye, anyen ŋilo köli böŋö gwon a tokoret nio i ŋutu ti Yisaraele.

Nyökit 31:22

A Mose wuŋe ŋilo köli i ŋilu lor, a todinikiŋdye ŋutu ti Yisaraele.

Kweyatti 14:13

A nan yiŋge gworo kuun ki yu adi, Wuŋe adi, Suluja soŋinana lo twatwa a kalyöŋök logon a twatwa ko Matat i mugun kilo. A Mulökötyo Loke ruŋge adi, Iŋkoi, lepeŋat ’diri a kalyöŋök, se yuyukan i dara nase na kita, konesi kase moraddu ko se.

Kweyatti 19:9

A kirut malaikatat takiŋdye nan adi, Wuŋe adi, Ŋutu logon a luŋwe i budu lo Kilolor yemet kilo a kalyöŋök. A lepeŋ köti takiŋdye nan adi, Kilo a kulyaesi gwak ti Ŋun.