Abakuk 2:18 - Bibilia Buk na Ŋun nagon koti luŋu a

¹⁸ ’Bulit na nyomue nagon a ŋun kana ŋona a nyo ko kakepanit lonyit a kebba lepeŋ? Nye a nyomue na tetena ko witi na ninito a gwe a kajamanit na ’burönö. ’Bulit a nyo i ŋuto lo tiŋdu yupet nanyit i ŋo nagon nye a teten na? Lepeŋ a gweja nyomuejin nagon a ŋunyen kana nagon ti bulo jambu.

Abakuk 2:18 ပူးပေါင်းရင်းမြစ်များ

Saumajin 97:7

Ŋutu liŋ lo kwakwaddu nyömuejin lo gigiru kulo a wuju yu na kusik, se logon yuöggu ’börik ko nyömuejin lo gwon a ŋo kana kulo wuju yu na kusik; ŋunyen liŋ a dulaki kak ko lepeŋ i komor.

Yisaya 1:31

A ŋuto lo riŋit mo gwe gwoso waratat, a kita nanyit mo gwe gwoso tyeret na kimaŋ, a se murek liŋ mo tonoke ko ’borik i pirit na geleŋ, a lele ŋuto gwe ’bayin logon peŋga

Yisaya 37:38

A ko gwe sona, na kwakwaddi lepeŋ i kadi na ŋun lonyit Niserök nu, a Adaramelek ko Sareser ŋwajik kanyit tatuje lepeŋ ko baŋdu; a se lwököddi ’börik tojo ko jur lo Ararat. A Esarkadon ŋuro lonyit lo ruddye tuinatyan nanyit.

Yisaya 40:19

Kanitönit niniddyö nyömue lo gigiru, a bodo lo dakap muŋge lepeŋ ko dakap, a nitökiŋdye lepeŋ togot ti pödö.

Yisaya 41:26

Ŋa lo tukökiŋdyö kine kulya i suluet, anyen yi böŋö deden? Ŋa lo jambu kine kulya a kokwe, anyen yi böŋö kulya adi, A gwak? iŋkoi, lele ŋuto ’bayin logon a tukökin, iŋkoi, lele ’bayin lo jambu kine kulya, iŋkoi, lele ’bayin lo yiŋga jamesi kulök.

Yisaya 42:17

Ŋutu logon tiŋdu yupet nase i nyömuejin lo gigiru, logon kulya ko nyömuejin lo ninitö kulo adi, Ta a ŋunyen kaŋ, a kilo ŋutu mo tuwöriŋöjine bot a mo toyuöni kusik asut.

Yisaya 44:12

A tumunit teteŋdi nitet ko kuk ti kimaŋ; a nye niddye niddyö koriitesi, a yayaŋgi lepeŋ ko könin lonyit iŋgo; a nye maŋorani maŋora a riŋit nanyit Iwariara Iwariara, a nye tine möju pioŋ a doddi doddya.

Yisaya 45:16

Se liŋ a wora a lotun i komorsikan a toyuöni kusik, a katetenak ti nyömuejin iti ko yu na kusik i pirit na geleŋ.

Yisaya 45:20

Ta ŋutu ti juron logon a pitudyö kilo, momoruŋdye ta ’börik ko poŋdi ta, miju ta nyona i pirit na geleŋ! Ta ŋutu logon yeyekadau nyömuejin kasu lo gigiru logon a kaden, ta ŋutu logon momo ’yu ŋun logon ti bulö lwöŋgu ta kilo ta ’bak kuruŋdyö.

Yeremia 10:8

Lepeŋat liŋ ti den kulya ko alu ’böŋ; todinesi nagon po ko nyömuejin po i ŋo nagon a kaden kana.

Yeremia 16:19

Pon MATAT, do a riŋit nio ko a pirit nio na ŋo, do a pirit nio ’danaet i lor lo sasanyesi. Jurön mo popo konut ni suluja i ’dutesi ti kak, a kulyani adi, Merenyejin kaŋ köju gwon ko ŋo naŋon a mumulukesi, kweja adi nyömuejin loron a ŋo kana a gwe ’bak ’bulit.

Yeremia 2:8

A koanejin gwe a ko pija adi, MATAT liya? Bodwat ti saresi a ko yeye nan, kayukuk ti ŋutu a toroŋdya nan, a nebijin kekejiti i karin ti Bala a kepoddi ŋo nagon ’bak ’bulit.

Yeremia 50:2

Tuköki lore i gweyajin ti ŋutu kolaije laŋa, togwi ’diki beret ki, an do ko ’de kine kulya, laije adi, Babela aje moka, Bela aje tiki yu na kwe, Merodak gwe ko kujönö. Iŋkoi, nyömuejin kanyit aje tiki yu na kusik, nyömuejin kanyit logon a ŋunyen kulo gwe ko kujönö.

Yeremia 51:17

Ŋutu liŋ a lu ’böŋ ’bakan na deŋdya; tomonok liŋ ti dakap a toyuö kusik i kulya ti ŋunyen kase lo gigiru kulo, kogwon nyömuejin kase a ŋo kana, lepeŋat ’bak ru.

Daniele 5:23

a do kölumbö bu ’ye mugun ko MATAT lo ki; a luŋgi tito ti kadi nanyit konut i komor, a do se ko kimak, ko wate kunök, se ko julin köliŋönök kunök möji binyo ko kine tito. A do bu ’ye ŋunyen logon a pödö, ko a dakap, ko a mölwö, ko a witi, ko a kaden, ko a ŋurupö; kilo ŋunyen ti bulö meddya ko ti yiŋga kode deŋdya, a do kölumbö tine bu ’ya Ŋun logon tiju ru inot ko kikolin kulök liŋ lo.

Amosa 2:4

Nan MATAT lo kulya adi, Nan mo ti lopuk riŋet, kogwon Yuda a koŋdya aka toronjin jore; kogwon ŋutu kanyit aje renya saresi kwe ti MATAT, a se tine ’debba kukuesi kwe lo wuro, ama ŋunyen kase logon a ’buronök logon merenyejin kase koju a keporo kulu aje togiŋa se.

Yona 2:8

Ŋutu logon yeyeju nyomuejin kana kulo lepeŋat aje ko ’yu twoju nagon a gwak.

Jakaria 10:2

Kogwon nyömuejin ti mede tuggö ŋo kana, a ’bunuk waŋdi kulya ’burönö; a karudwök nyönyöggi rudweesi nagon a wuya, a se tiŋdi togolesi nagon a wuya kana. Nyenagon a kulo ŋutu wirte gwoso yidin; a se iŋge tomie kogwon se ’bak kayukunit.

Roma 6:21

Nyenagon ’bulit a nyo nagon ta a wu i koŋdya na ŋo nagon soŋinana toyujö kusik kasu kine? Kogwon ’dutet na kine ŋo gwon a twan.

1 Korinto 12:2

Ta deden adi, na gwoŋdi ta köju a paganojin nu, a ta iŋge jiköji i kikolin ka ’de ka ’de i kwakwaddu na nyömuejin logon a mumutön.

Kweyatti 19:20

A ŋilo gworoŋ se ko nebi ’burönit iŋge moka. ŋilo nebi a nye lo koŋdya kweyesi ko gworoŋ i komor nagon nye togiŋe ŋutu lo gigiriki gwuluet na ŋilo gworoŋ a twöji nyömue nanyit kulo. A se liŋ murek gubajine jörun i tör na kimao na tule ko pisek.

Ka’duŋök 17:4

A nagon nye aje nyökökiŋdyö ŋote kine gurut nu, a ŋote ’dumuŋdye pödöjin miajin murek kune a tiŋdi tumunit, a teteŋdi a nyömue lo gigiru ko nyömue lo ninitö, a gwe i kadi na Maika.

1 Samuele 12:21

ko an ta ko girara a swöt i kepöddu na nyömuejin logon ’bak ’bulit, logon ti bulö lwöggu, kogwon se a ŋo kana.