Abakuk 2:1 - Bibilia Buk na Ŋun nagon koti luŋu a

¹ Nan mo gwogwo ’dan i tiju, a gwo ’de i taka loki, a diŋe ŋerot i meddya ko nye de jamakin nan nyo, koti ko nan waddu lepeŋ ada i kulya ti wiwinyesi kwe.

Abakuk 2:1 ပူးပေါင်းရင်းမြစ်များ

2 Samuele 18:24

A Dawidi gwe i si ’da i kwake na gwon i kiden na kötumitön murek; a katiyunit lo kiyaddi i lo ’dek lo kötumit na kadi na gwon i gorom nagon a mariŋ, a nye ko boŋgi, a metuŋdye ŋuto wöwökun geleŋ.

2 Moran 17:9

a ŋutu ti Yisaraele konakiŋdye MATAT Ŋun lose a Iwon ŋo nagon ’bayin a na ’but. A se ’dukokiŋdye ’börik piritön kwa-kwasesi na gwon i ko ’dulan ti merya kune i köjinö kase liŋ, suluja i bililiyat ti katiyuk tojo ko köjinö nagon a gomö ko mariŋan nago;

2 Moran 9:17

A katiyunit logon gwo ’dan i bilili lo Yejerele metuŋdye teŋ na Yeu na pori nye nu, a kulyani adi, Nan a meddya teŋ na ŋutu ŋoŋo. A Yeyorama kulyani adi, Joŋgi lele kajoŋanit lo kusan ko sonye lepeŋ i rum ko lepeŋat, ko ti lepeŋ pije adi, Do ŋo ko ’busan le?

Eyobo 31:35

Ko ködyö lele ŋuto kata logon yiŋga nan! (Mana kweyet nio na ’dutet! Ti Kabulönit lo ŋo liŋ ruke na!) A ko ködyö nan ko waraga ŋoit nagon miriku liŋ a wur na,

Eyobo 31:37

a nan ködyö kenakiŋdye nye kikolin kwe liŋ, a nan ködyö poŋdi kanyit nyona gwoso ŋuto lokukwön.

Saumajin 5:3

Pon MATAT, do yiyiŋ gworo lio i ko ’bure; nan tetenakindya do rubaŋga i ko ’bure kobubut a nan tiji do.

Saumajin 85:8

Ti nan yiŋge kulya nagon Ŋun MATAT de jajam kune, kogwon nye mo jamakindya ŋutu kanyit kulya ti taliŋ, iŋkoi, nye mo jamakindya ŋutu katwöyök kanyit logon löpuköddu töilyet ko lepeŋ yu kilo kulya ti taliŋ.

Saumajin 85:9

’Diri lepeŋ gwon ajo i lwöggu na ŋutu lo kukuk lepeŋ kilo, anyen bulet bubulö si ’da kayaŋ i jur.

Yisaya 21:5

A se peddi misa, a se petakiŋdye yikajin, a se nyesi nyesu, a möji möju. Ta kimak, ŋine ta ki, we ’yi ta ’bukwö kasu ko welet!

Yisaya 21:6

Kogwon MATAT kulya ko nan sona adi, Iti, tiŋdi katiyunit, ti lepeŋ tuŋge ŋo nagon nye a met.

Yisaya 21:8

A katiyunit lo woŋe adi, MATAT liŋ, nan gwogwo ’di i bilili temba i tuparan. a nan gwo ’de i tiyit temba i tukwaje.

Yisaya 62:6

Do Yerusalema, nan aje saraki-ŋdya katiyuk i tiju na gorom inot nagon a mariŋ; a se mo tine yiŋa taliŋ kwöŋ ko tuparan ko tukwaje. Ta logon a katoyeyeok ti MATAT, ko yukan ta,

Yeremia 12:1

Pon MATAT, do a lo rigwo i diŋit nagon nan a wiwinya ko do nu, ama nan nyuŋ ’dek pipija kulya kwe konut i komor. Ko nyo nagon kulya ti ŋutu lorok tu ’bura? Iŋkoi, ko nyo nagon ŋutu kamumu­lukak si ’da ’bura?

Yeremia 6:17

Nan a tiŋdu ta katiyuk i gwögwöŋu na merok, a nan jujuje ta adi, Yiŋge ta kuta na toriot. A lepeŋat kölumbö waddi adi, Yi ti ’bön yiŋga.

Ejikele 3:17

Ŋuro lo ŋuto, nan aje kon do a katiyunit lo kötumit na Yisaraele; nyenagon ko do yiyiŋ kulya na jam nan kine, a ti do taki lepeŋat adi, MATAT lo kulya adi, Kunyar ta!

Ejikele 33:7

Nyena do ŋuro lo ŋuto, nan aje kon do a katiyunit lo kötumit na Yisaraele. Ko do yiyiŋ kulya na jam nan kine, a kirut ti do taki lepeŋat adi, MATAT lo kulya adi, Kunyar ta!

Mika 7:7

Ama ko gwe gwoso nan, nan nyiggö MATAT, a nan mordi Ŋun Kalwokönit lio, Ŋun lio mo yiyiŋ nan.

2 Korinto 13:3

Na tiri nan kasu ŋini na, a ta mo denuŋdye ’bura adi Kristo ’diri lo Tambu koyo i kutuk. Lepeŋ ti gwon a lomunyan kasu, ama gwon ko riŋit kasu kiden.

Galatia 1:16

kwekiŋdya nan Ŋuro lonyit, anyen nan bönö tokujo kulya kanyit i kiden na nutu ti juron nu, a nan gwe a ko pija lele nuto ko no nagon nan kodyo kökon kune.