Abakuk 1:4 - Bibilia Buk na Ŋun nagon koti luŋu a

⁴ Nyena saresi aje wora a lomu-nyak, a ’duŋgo na putesi gwogwo tine tu ’bura. Kogwon ŋutu lorok a lopakin ŋutu lo rigwo kiden, nyena a ’duŋgö na putesi gwogwo iŋge tukwölor.

Abakuk 1:4 ပူးပေါင်းရင်းမြစ်များ

1 Moran 21:13

A kamönyök murek kulo poni ŋo, a si ’dakine totodir ko lepeŋ; a se ŋökiŋdye Nabota i komor na ŋutu adi, Nabota a lömbu Ŋun se ko mor. A se joŋgi lepeŋ kaŋo köji kata, a gugumbe lepeŋ ko ŋurupö, a nye twane twan.

Eyobo 21:7

Nyo nagon ŋutu lorok gwogwolor diŋit a najo, a gwe ko riŋit i tomodoŋan nase?

Saumajin 11:3

Ko togwi ’diesi aje körö, a ŋutu lo rigwo de kondi nyo?

Saumajin 119:126

Pon MATAT, na a diŋit nagon do ködyö kondya nene ŋo; kogwon ŋutu aje ’beleŋgu saresi kulök.

Saumajin 22:12

Merok jore a lopakindya nan kiden gwoso dwönin, iŋkoi, se a dumokindyö nan kiden gwoso mekora ti jur lo Basan.

Saumajin 22:16

Momoret na ŋutu kakonak ti toron aje gömökindyö nan kiden; lepeŋat aje lorga nan gwoso ’dioŋ-jin; se a tu ’yö könisi kwe ko mokosi.

Saumajin 59:2

riŋundye nan kaŋo i kakonak ti lyaŋesi, lwöggi nan i ŋutu katowijok ti

Saumajin 59:4

Se wokon i domba na nan, ama nan ’bak toron.

Saumajin 94:3

Pon MATAT, diŋit ŋoman ŋutu lorok wawa ’yu ’börik? Diŋit ŋoman se yuöggu ’börik?

Yuörö 23:2

Do ködyö ti kepödöu lodir lo Ŋutu i koŋdya na ŋo narok; Köti na tokoŋ do kulya i putet nu, an do ko juŋdyö lodir lo Ŋutu i tukwölöŋgu na ’dupet na rigwo.

Yuörö 23:6

Do ködyö ti tukwölöŋgu i ’duŋgö na putet lo ŋuto losu logon a lomeri.

Yisaya 5:20

Woidio, ŋutu logon luŋgu toron a ’busan, ko ’busan a toron; logon lopuggo mudwe a parara, ko parara a mudwe, logon tiŋdu go na pötwör i gwon paleleŋ, ko go na paleleŋ i gwon pötwör!

Yisaya 59:12

Kogwon lyaŋesi kaŋ a ŋdi konut i komor, a toronjin kaŋ ŋökiŋdye yi; kogwon lyaŋesi kaŋ nyuŋ gwon kayaŋ i yeyeesi, a yi deŋdi ŋonyesi kaŋ:

Yeremia 12:1

Pon MATAT, do a lo rigwo i diŋit nagon nan a wiwinya ko do nu, ama nan nyuŋ ’dek pipija kulya kwe konut i komor. Ko nyo nagon kulya ti ŋutu lorok tu ’bura? Iŋkoi, ko nyo nagon ŋutu kamumu­lukak si ’da ’bura?

Yeremia 12:6

Luŋösurök se ko karu kulök a mumulugga do. Lepeŋat a gwiörö konut i mukök parik; ko yubbö lepeŋat ma ’di se ködyö a jamakiŋdya do kulya na ’but.

Yeremia 26:8

A nagon Yeremia aje tutuggö jamakiŋdya ŋo liŋ nagon MATAT aje sarakin lepeŋ i jamakiŋdya i ŋutu liŋ kune nu, a kirut koanejin, ko nebijin se ko ŋutu liŋ morgi lepeŋ, kulya adi, Do ’diri tatatua.

Yeremia 8:7

Ma ’di wugut lo ’daju ki deden diŋit nagon nye ’da ’daaddi i lele jur, a gure ko lopiret ko logoro deŋdi diŋitan na pöri se kune; ama ŋutu kwe ti den todinesi kwe ti MATAT.

Ejikele 9:9

A nye waddi adi, Toron na kötumit na Yisaraele ko na Yuda gwe a duma parik; jur aje jore ko ’buköddu na rima, a köji iŋge jore ko ’duŋgö na putesi lorok. Kogwon lepeŋat yeyeju adi nan MATAT aje kölökin jur; lepeŋat yeyeju adi nan ti met se.

Osea 10:4

Lepeŋat jambu kulya nagon a köŋuröt kana, a nyesi milyejin logon a ’burönö i teteŋdya na tomoresi, nyena a ’duŋgö na putesi pipi-ruŋdye ki pötwör gwoso lo ’bur-tölöŋ lo gwon i piritön nagon a gwu ’dö-lön ti melesen.

Amosa 5:12

Kogwon nan MATAT deden toronjin kasu na kona aka ko se muda, nan deden lyaŋesi kasu jore parik— ta logon sasaŋdu ŋutu logon ’bak kulya, a ta wuji ŋo nagon ropaki a Iwon, a dukaddi ŋutu lo yoŋo ŋo kulo a swot i pirit na putet.

Amosa 5:7

Woidio, ta ŋutu logon löpuggö ’duŋgo na rigwo a ŋo na pötwör gwoso lo ’burtölöŋ, a gubakiŋdye loti lo rigwo kak!

Marako 7:9

A nye kulyani ko lepeŋat adi, Ta a lokoŋ i paju na saresi ti Ŋun anyen ’debba keriat kasu.

Konesi 7:52

Lele lo nebijin ŋona kata logon merenyejin kasu koju a ko sasan le? Lepeŋat a tatuja ŋutu logon tuggo adi ŋilo Lorigwo mo popo, logon ta soŋinana aje tiŋdu lepeŋ ko merok i konisi, a tatuje lepeŋ.

Konesi 7:59

a nagon se gwon i gugubuja na Setepano nu, a nye kwakwaddi adi, Matat Yesu, wuji kodudwo nio.

Roma 3:31

Yi ŋona aje paju kilo Saresi adi ’bak ’bulit kogwon yi deŋdya yupet tuŋ le? ’Bayin sona kwöŋ. Yi kölumbö a togwi ’dikiŋdya kilo Saresi go adi gwiŋ.

Nyökit 16:19

Ta ködyö ti tukwölöŋgu i ’duŋgo na putet; a ta tine gwon a kanyunyumok ti ŋutu; a ta ködyö tine wuju ’dokesi na ropaki a lwon; kogwon kine ŋo tomo ’dokeju konyen ti ŋutu logon a lokoŋ, a togiŋe putet lo ŋuto lo rigwo.