2 Samuele 9:7 - Bibilia Buk na Ŋun nagon koti luŋu a

⁷ A Dawidi kulyani ko lepeŋ adi, An do ko kujönö; kogwon nan de kökonakin do ’bura kogwon kulya ti monye ilot Yonatana, a nan de nyökökiŋdye do kak liŋ na merenye ilot Saula; a do de nyesi köyö i misa perok liŋ.

2 Samuele 9:7 ပူးပေါင်းရင်းမြစ်များ

Suluet 43:18

A kilo Ŋutu kujönöni kujönö kogwon se a joŋa ko Yosepa kadi, a se kulyani adi, Yi a jwe lukata ni kogwon kulya ti gurut nagon a nyököki kayaŋ i jurakan a kokwe kune, anyen nye ködyö ’durukin kayaŋ loki i morga na yi a ’dupi se ko kaineki kaŋ kune.

Suluet 43:23

A lu ŋuto suŋge lepeŋat adi, Ti töilyet kasu gwe madaŋ, an ta ko kujönö ta; Ŋun losu logon a Ŋun lo munyi a tiŋdu ta tukwörien kasu i jurakan; nan a wu gurut kasu. A kirut nye yukuŋdye Simeona a joŋdi kaŋo kase ni.

2 Samuele 12:8

a nan tiŋdi do kadi na duma ilot, ko wate ti duma ilot, anyen do lo meddya se, a nan tiŋdi do kötumit na Yisaraele ko na Yuda; a ko kine kulya ködyö ti tema-kiŋdya, nan ködyö ’ya ’yalakin do lwölwöŋ kine.

2 Samuele 19:28

Kogwon kötumit liŋ na baba a na ŋutu lo tatatua ko mor duma liŋ i komor; ama do kölum aje tiŋdu nan köliŋönit ilot i kiden na ŋutu logon nyesu konut i misa kilo. Kwe nio a nyo nagon nan pipije mor köti?

2 Samuele 19:29

a mor kulyani ko lepeŋ adi, Nyo nagon do jajambu köti i kulya kunök? Nan a kulya adi do ko Siba de lo koŋi kak na munyi nu.

2 Samuele 19:33

A mor kulyani ko Barujilai adi, Laŋaddi ko nan i pirit na geleŋ, a nan de parakiŋdye do köyö inidi Yerusalema yu.

2 Samuele 21:7

A mor kö ’yi Mepiboset ŋuro lo Yonatana tore lo Saula, kogwon milye lo MATAT lo gwon i kiden nase Dawidi ko Yonatana ŋuro lo Saula lo.

2 Samuele 9:1

A Dawidi pipije adi, Lele ŋuto ŋona kata logon a pituŋdyö ko Saula i kötumit le, anyen nan bubulö konakiŋdya lepeŋ ’bura kogwon kulya ti Yonatana?

2 Samuele 9:10

A do ko ŋwajik kulök ko köli-pönök kulök ködyö kurukiŋdye lepeŋ, a ta yekuŋdye kinyojin anyen ŋuro lo duma ilot bubulö gwon ko kinyo lo nyenyei; ama Mepiboset ŋuro lo duma ilot bubulö nyesu köyö i misa perok liŋ. A Siba gwe ko ŋwajik puök wot mukanat ko köliŋönök merya murek.

2 Samuele 9:11

A Siba kulyani ko mor adi, Nan köliŋönit ilot de kökon gwoso i ŋo liŋ nagon do pon mor duma liŋ a sarakin nan kine. Nyena a Mepiboset nyesi ko Dawidi i misa gwoso lele lo ŋwajik ti mor.

2 Samuele 9:13

A Mepiboset si ’dani Yerusalema kogwon lepeŋ nyesu perok liŋ ko mor i misa. A mokosi kanyit murek liŋ iŋge bata.

2 Samuele 9:3

A mor koti pipije adi, Lele ŋuto nyuŋ kata logon a lo kötumit na Saula, anyen nan bubulö konakiŋdya lepeŋ ’bura ko nyaŋu na ŋun? A Siba ruŋge adi, Lele ŋuro lo Yonatana nyuŋ kata, ama lepeŋ a bata mokosi.

1 Moran 2:7

Ama konaki ŋwajik ti Barujilai ŋuto lo Gilada ’bura, ko ti se morakiŋdye i ŋutu logon nyesu konut i ’baŋ kilo; gwoso nagon lepeŋat a parakiŋdye nan na wöggiri nan kaŋo kujönö luŋösur Abisaloma nu.

2 Moran 25:29

A Yeyoyakin rusuŋdye boŋgwat na juŋ nye i kadi rereket kune kaŋo. A nye ŋupi nyesi i misa na mor i perok liŋ ti gwiliŋit nanyit,

Saumajin 41:9

Ma ’di ju lio logon yi totoden logon nan a yinikin lepeŋ, logon a nyesu kinyo lio lo a ’bi ’yu moköt ki a gwoji nan.

Yeremia 52:33

A Yeyoyakin rusuŋdye boŋgwat na juŋ nye i kadi rereket kune kaŋo. A nye ŋupi nyesi i misa na mor i perok liŋ lo gwolorgi lepeŋ kulu,

Jakaria 7:9

MATAT lo kurumi lo kulya adi, ’Duŋge ta putesi rigwo, koti ŋutu liŋ ge-leŋ geleŋ kwekiŋdye ’borik nyaŋu kowon na konyen,

Matayo 6:11

I lo lor tiki yi kinyo likaŋ lo lor;

Luka 22:30

anyen ta böŋö nyenyesu ko mömöju ko nan i pirit na geleŋ i tumatyan nio, ko anyen si ’da i si ’daesi ti tumatyan i ’duŋgö na kulya ti kötumiton puök wot murek ti Yisaraele.

Kweyatti 3:20

Mete, nan gwogwo ’dan i kotumit, a totoggi totoggu. Ko lele ŋuto a yiŋga gworo lio a paji kotumit, a nan mo luponi ko lepeŋ yu, a yi mo nyesi ko lepeŋ i pirit na geleŋ.

1 Samuele 12:24

tuŋ kuŋge ta MATAT, ko kitakiŋdye ta lepeŋ ko to ’diri ko töilyet kasu liŋ; ko yeyeji ta ŋo temejik gwakunen nagon nye a konakin ta.

1 Samuele 20:15

ti do gwe ti kö ’yu nyaŋu kötumit nio ŋupi. A ko MATAT mo a tukaŋu merok ti Dawidi liŋ i na kak,

1 Samuele 22:23

Nyena si ’dani köyö ni, an do ko kujönö; kogwon nye logon ga ’yu tatuja nan lo ga ’yu tatuja do köti; do de sisi ’da ’bura köyö ni.